យោងតាមការចុះផ្សាយរបស់ក្រសួងព័ត៌មានបានឱ្យដឹងថា អាជីវកម្ម និងរោងចក្រចម្រាញ់រ៉ែមាសលើកដំបូងរបស់កម្ពុជា ដែលវិនិយោគដោយក្រុមហ៊ុន Renaissance Minerals (Cambodia) Limited នៅតំបន់អូរខ្វាវ ស្រុកកែវសីមា ខេត្តមណ្ឌលគិរី មានសមត្ថភាពជីកយករ៉ែឆៅប្រមាណជិត ២ លានតោន ក្នុងមួយឆ្នាំ និងចម្រាញ់ចេញជាដុំមាសកម្រិត ៩០ភាគរយ ហើយអាចទាញចំណូលប្រមាណ ១៨៥ លានដុល្លារអាមេរិកក្នុងមួយឆ្នាំ ដែលក្នុងនោះចំណូលថវិកាជាតិពីសួយសារ និងសារពើពន្ធផ្ទាល់មានប្រមាណ ៤០លានដុល្លារអាមេរិក។ នៅលើផេកផ្លូវការរបស់សម្ដេចតេជោនាយករដ្ឋមន្ត្រី នារសៀលថ្ងៃទី ២១ខែមិថុនា ឆ្នាំ២០២១បានសរសេរថា ថ្ងៃនេះកម្ពុជាបានចាប់ផ្តើមបើកដំណើរការចម្រាញ់មាសលើកដំបូង នៅតំបន់អូរខ្វាវ ខេត្តមណ្ឌលគិរី។ រាជរដ្ឋាភិបាលកម្ពុជា ដែលមានក្រសួងរ៉ែនិងថាមពល ជាសេនាធិការ បានប្រារព្ធពិធីបើកដំណើរការចម្រាញ់មាសលើកដំបូង

បរិមាណនៃការនាំចេញអង្កររបស់ថៃបានធ្លាក់ចុះដល់កម្រិតទាបបំផុតក្នុងរយៈពេលពីរទសវត្សរ៍កាលពីឆ្នាំមុន ដោយសារតែកង្វះកុងតឺន័រ ការកើនឡើងថ្លៃដឹក និងគ្រោះរាំងស្ងួតដែលបានកាត់បន្ថយផលិតកម្ម។ ហើយជាលទ្ធផលប្រទេសថៃបានធ្លាក់ ទៅជាប្រទេសនាំចេញអង្ករធំលំដាប់ទី៣ នៅលើពិភពលោកបន្ទាប់ពីប្រទេសឥណ្ឌា និងវៀតណាម។ នេះបើយោងតាមការចុះផ្សាយរបស់សារព័ត៌មាន Bangkok Post។ សារព័ត៌មានដដែលបានឱ្យដឹងបន្ថែមថា ដោយសារតែវិបត្តិកូវីដ ធ្វើឱ្យប៉ះពាល់ដល់សង្វាក់ផ្គត់ផ្គង់ ប្រទេសថៃបាននាំចេញអង្ករបានតែ ៥.៧២ លានតោនប៉ុណ្ណោះ ដែលជាការថយចុះ ២៤.៥% ក្នុងឆ្នាំ ២០២០ ធៀបទៅនឹងឆ្នាំ ២០១៩ ។ ជាមួយគ្នានោះដែរ ផលប៉ះពាល់កាន់តែធ្ងន់ធ្ងរថែមទៀត ដោយសារប្រាក់បាតឡើងថ្លៃ ដែលធ្វើឱ្យតម្លៃអង្ករថៃឡើងថ្លៃជាងគូប្រជែង ជាហេតុផលធ្វើឱ្យអតិថិជនជ្រើសរើសផលិតផលដែលមានតម្លៃថោកពីប្រភពផ្សេងទៀត។ យ៉ាងណាមិញ ដើម្បីដោះស្រាយបញ្ហានេះនិងបង្កើនការនាំចេញអង្ករ រដ្ឋាភិបាលថៃបាននិងកំពុងធ្វើការយ៉ាងជិតស្និទ្ធជាមួយសមាគមអ្នកនាំចេញអង្ករថៃក្នុងយុទ្ធនាការ “ គិតពីអង្ករនឹកដល់ប្រទេសថៃ”

យោងតាមការចុះផ្សាយរបស់ក្រសួងសាធារណការ និងដឹកជញ្ជូនបានឱ្យដឹងថា នាថ្ងៃទី២១ ខែមិថុនា ឆ្នាំ២០២១ នេះ លោក ជំទាវ និន សាផុន ប្រធានគណៈកម្មការសាធារណការ ដឹកជញ្ជូន ទូរគមនាគមន៍ ប្រៃសណីយ៍ ឧស្សាហកម្ម រ៉ែ ថាមពល ពាណិជ្ជកម្ម រៀបចំដែនដី នគរូបនីយកម្ម និងសំណង់ (គណៈកម្មការទី៩) នៃរដ្ឋសភា និងឯកឧត្ដមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានអញ្ជើញដឹកនាំគណៈប្រតិភូចំរុះចុះបំពេញបេសកកម្មពិនិត្យមើលសកម្មភាព និងវឌ្ឍនភាពសាងសង់ផ្លូវ ល្បឿនលឿន ភ្នំពេញ-ក្រុងព្រះសីហនុ ដោយមានការចូលរួមពីមន្ត្រីជំនាញពាក់ព័ន្ធ តំណាងក្រុមហ៊ុន

គម្រោងសាងសង់ផ្លូវល្បឿនលឿន-ភ្នំពេញព្រះសីហនុ ប្រវែង១៩០គីឡូម៉ែត្រ សម្រេចបាន ៥៥​.០៥% ហើយ គិតត្រឹមថ្ងៃទី១១ ខែមិថុនា ឆ្នាំ២០២១ នេះបើយោងតាមការបង្ហោះលើផេកផ្លូវការរបស់ក្រសួងសាធារណការ និងដឹកជញ្ជូន ក្នុងឱកាសដឹកនាំក្រុមការងាររបស់ឯកឧត្តមទេសរដ្ឋមន្រ្តី ស៊ុន ចាន់ថុល ដោយមានការចូលរួមពី លោកស្រី និន សាផុន ប្រធានគណៈកម្មាកាទី៩ នៃរដ្ឋសភា រួមទាំងក្រុងហ៊ុនសាងសង់ ចុះពិនិត្យមេីលវឌ្ឍនភាពនៃការសាងសង់ផ្លូវល្បឿនលឿនភ្នំពេញ-ក្រុងព្រះសីហនុ នាព្រឹកថ្ងៃទី២១ ខែមិថុនា ឆ្នាំ២០២១នេះ។ គម្រោងផ្លូវល្បឿនលឿន-ភ្នំពេញព្រះសីហនុ មានប្រវែង ១៩០គីឡូម៉ែត្រ ដែលបានបើកការដ្ឋានសាងសង់ កាលពីខែកក្កដា ឆ្នាំ២០១៩ គិតត្រឹមថ្ងៃទី១១ ខែមិថុនា ឆ្នាំ២០២១ ដំណើរការសាងសង់សម្រេចបាន

យោងតាមការចុះផ្សាយរបស់សារព័ត៌មាន The Nation បានឱ្យដឹងថា ហាងលក់ទំនិញ និងម៉ាតនៅតំបន់ដែលមិនមែនជាតំបន់ក្រហមនឹងវិលមករកសភាពធម្មតាវិញចាប់ពីថ្ងៃច័ន្ទនេះតទៅ។ មជ្ឈមណ្ឌលសម្រាប់រដ្ឋបាលស្ថានភាព Covid-19 (CCSA) បានធ្វើការកែសម្រួលម៉ោងធ្វើការស្របតាមស្ថានភាពនៃការរីករាលដាល និងភាពធូរស្រាល រួមទាំងវិធានការចាក់សោរនៅតំបន់ខ្លះចាប់ពីថ្ងៃទី ២១ ខែមិថុនានេះ។ លោក Yol Phokasub ប្រធានសមាគមអ្នកលក់រាយថៃ និងលោក Nopporn Witoonchart ប្រធានសមាគមផ្សារទំនើបថៃបានមានប្រសាសន៍ថា សមាគមទាំងពីរបានដឹងពីស្ថានភាពរាតត្បាត និងផលប៉ះពាល់របស់វាទៅលើសមាជិកសមាគម និងដៃគូបណ្តាញនៅទូទាំងប្រទេស។ ពួកគេបានសន្យាថា នឹងធ្វើតាមសេចក្តីប្រកាសរបស់រដ្ឋាភិបាលដែលបន្ធូរបន្ថយវិធានការណ៍ស្របតាមកម្រិតតំបន់។ ជាក់ស្ដែងមជ្ឈមណ្ឌលផ្សារទំនើប និងហាងលក់ទំនិញរួមមាន ផ្សារទំនើប ហាងនិញ និងភោជនីយដ្ឋាន ដែលកំពុងប្រតិបត្តិការនៅតាមមជ្ឈមណ្ឌលលក់ទំនិញដែលមានទីតាំងស្ថិតនៅក្នុងតំបន់ក្រហមក្រម៉ៅ រួមមាន៖

យោងតាមការចុះផ្សាយរបស់ទូរទស្សន៍ជាតិកម្ពុជា បានឱ្យដឹងថា នៅព្រឹកថ្ងៃទី ២១ ខែមិថុនា ឆ្នាំ ២០២១នេះ រាជរដ្ឋាភិបាលកម្ពុជា ដែលមានក្រសួងរ៉ែនិងថាមពល ជាសេនាធិការ នឹងប្រារព្ធពីធីបើកដំណើរការចម្រាញ់មាសលើកដំបូង របស់ក្រុមហ៊ុន Renaissance Minerals (Cambodia) Limited នៅតំបន់អូរខ្វាវ ខេត្តមណ្ឌលគិរី ដែលពិធីបើកដំណើរការចម្រាញ់មាសលើកដំបូងនេះ ប្រព្រឹត្តទៅក្រោមអធិបតីភាព ឯកឧត្តម ស៊ុយ សែម រដ្ឋមន្ត្រីក្រសួងរ៉ែនិងថាមពល។ សូមបញ្ជាក់ថា ប្រមុខរាជរដ្ឋាភិបាលកម្ពុជា សម្តេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា តាមរយៈសារលិខិតផ្ញើជូនជនរួមជាតិ កាលពីថ្ងៃទី ១០

យោងតាមការចុះផ្សាយរបស់ក្រសួងបានឱ្យដឹងថា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានឆ្លើយតបទៅនិងការរិះគន់ និងការចោទប្រកាន់ គ្មានមូលដ្ឋានមួយចំនួនរបស់ក្រុមប្រឆាំង និងមជ្ឈដ្ឋាននានាថា ការថយចុះ និងបាត់បង់ផលត្រី ដោយសារការអសមត្ថភាព របស់ក្រសួងកសិកម្ម រដ្ឋបាលជលផល មន្ត្រីប្រព្រឹត្តអំពើពុករលួយ ឧបករណ៍នេសាទខុសច្បាប់ កាប់បំផ្លាញព្រៃលិចទឹកកាន់កាប់ធ្វើកម្មសិទ្ធិខុសច្បាប់ និងគ្មានវិធានការលែងពូជត្រី គឺបុគ្គលទាំងនោះមិនបានអាននូវអ្វីដែលជារបត់នយោបាយ ក្នុងការធ្វើកំណែទម្រង់ របស់រាជរដ្ឋាភិបាលលើអនុវិស័យនេះ។ ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានមានប្រសាសន៍ថា លោកគិតថា គេអាចមានសិទ្ធិគ្រប់បែបយ៉ាង ក្នុងការសម្តែងមតិ រួមទាំងការស្វែងរកមន្រ្តីពុករលួយដើម្បីបញ្ជូនទៅតុលាការ។ អ្វីដែលសំខាន់នោះ បុគ្គលនេះត្រូវចេះអាននូវអ្វីដែលជារបត់នយោបាយ ក្នុងការធ្វើកំណែទម្រង់របស់រាជរដ្ឋាភិបាល

ទីផ្សារដង្កូវដួង កំពុងទទួលបានការគាំទ្រខ្លាំងពីអតិថិជន ខណៈដែលបច្ចុប្បនុ្នកំពុងមានតម្រូវការសម្រាប់អ្នកបរិភោគ និងលក់បន្តនៅតាមរាជធានី ខេត្តផ្សេងៗទៀត។ យ៉ាងណាមិញ បើក្រលេកមកមើលដួងមួយប្រភេទ ដែលត្រូវបានគេហៅថា ដួងសោម ហាក់មិនសូវឃើញមានលក់ច្រើនលើទីផ្សារនោះទេ ហើយតម្លៃវិញក៏ខ្ពស់ជាង ដង្កូវដួងធម្មតាដែរ។ បើយោងតាមការចុះផ្សាយរបស់ក្រសួងបរិស្ថានបានឱ្យដឹងថា ដួងសោម រស់នៅក្នុងដើមសោម និងស៊ីបណ្តូល ឬគមសោមជាអាហារ មុនវិវត្តទៅជាសត្វកញ្ចែរប្រម៉ោយមួយ។ ដើមសោមមានដុះច្រើន នៅតាមដីសើមជាំទឹក តាមមាត់អូរ ដូចជានៅសហគមន៍តំបន់ការពារធម្មជាតិជីឱកបឹងប្រីយ៍ ក្នុងខេត្តព្រះវិហារ ជាប់ព្រំប្រទល់ជាមួយខេត្តកំពង់ធំ។ ក្រសួងបានបន្ត តាំងពីបុរាណកាលមក ជនជាតិកួយដែលរស់ក្នុងនៅតំបន់រវាងខេត្តកំពង់ធំ និងព្រះវិហារប្រមូលដួងសោមនៅចន្លោះខែសីហា-កញ្ញា ជាអាហារបំប៉នរបស់ពួកគាត់ តែក្រោយពីបានជ្រាបដល់ព្រះករុណាព្រះមហាក្សត្រនៅពេលនោះ ព្រះអង្គបានបញ្ជាដល់មេកន្ទ្រាញកួយឱ្យរៀបចំដួងសោម ដើម្បីថ្វាយជាក្រយ៉ាដល់ព្រះអង្គ ជារៀងរាល់ឆ្នាំ។ បច្ចុប្បន្ន