ផ្សារទំនើបធំៗនៅរាជធានី និងខេត្តក្នុងតំបន់ហានិភ័យខ្លាំង (តំបន់ក្រហមក្រម៉ៅ) នៃប្រទេសថៃមួយចំនួនបានសម្រេចបិទទ្វាររយៈពេល ២សប្ដាហ៍ ដើម្បីអនុវត្តតាមវិធានការទប់ស្កាត់ការឆ្លងរាលដាលរលកថ្មីនៃវីរុស កូវីដ-១៩ នៅក្នុងខេត្តចំនួន១០ នេះបើយោងតាមការចុះផ្សាយរបស់​សារព័ត៌មាន Bangkok Post។

ប្រភពដដែលបានឱ្យដឹងថា សាខាចំនួន ១៦ ដែលជាកម្មសិទ្ធិរបស់ Central Department store លើកលែងតែផ្សារទំនើប Tops និង Central Food Halls នឹងត្រូវបិទចាប់ពីថ្ងៃច័ន្ទរហូតដល់ថ្ងៃទី ២៥ ខែកក្កដា។ នៅលើទំព័រហ្វេសប៊ុក Central Department Store បានបង្ហាញថា សាខាសរុបចំនួន ១៦ នឹងត្រូវបានបិទដើម្បីជួយទប់ស្កាត់អត្រាឆ្លងមេរោគកូវីដ-១៩ ដែលកំពុងកើនឡើង។

ក្នុងនោះរួមមាន Chidlom, CentralWorld, Silom Complex, Chaeng Watttha, Lat Phrao, Bang Na, Pinklao, Mega Bang Na, Rama III, Rama II, EastVille, Future Park Rangsit, Westgate, Salaya, Ram-Intra និងមហោស្រព Hat Yai។ ទន្ទឹមនឹងនេះដែរផ្សារទំនើបដែលស្ថិតនៅក្រោម Mall Group រួមទាំងសាខាទាំងអស់នៃផ្សារទំនើប The Mall, Emporium, Emquartier, និង Paragon ក៏ត្រូវបានបិទអស់រយៈពេល ១៤ ថ្ងៃដែរ ដោយចាប់ផ្តើមពីថ្ងៃច័ន្ទលើកលែងតែកន្លែងលក់ម្ហូបអាហារឱសថស្ថាន ភោជនីយដ្ឋាន (សម្រាប់តែខ្ចប់) ធនាគារ ហាងលក់ទូរស័ព្ទចល័ត និងកន្លែងចាក់វ៉ាក់សាំង។

ជាមួយគ្នានេះ IKEA Bangna និង IKEA Bang Yai បានប្រកាសថា ពួកគេនឹងបិទចាប់ពីថ្ងៃច័ន្ទរហូតដល់មានការជូនដំណឹងបន្ថែម។ អាយកូអេភូកេតនៅតែបើកចំហដូចធម្មតា។ គួរបញ្ជាក់ផងដែរថា មជ្ឈមណ្ឌលរដ្ឋបាលគ្រប់គ្រងស្ថានការណ៍កូវីដ-១៩ បានប្រកាសរឹតបន្តឹងកាន់តែខ្លាំងលើចលនា និងបម្រាមគោចររបស់ប្រជាជន នៅក្នុងខេត្តចំនួន ១០ រួមទាំងទីក្រុងបាងកករយៈពេល ១៤ ថ្ងៃ៕

អត្ថបទ៖ លីនី
ប្រភព៖ bangkokpost