យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា នារសៀលថ្ងៃទី១៦ ខែធ្នូ ឆ្នាំ២០២៤ នៅរមណីយដ្ឋានម៉ាហ្វីយ៉ា (Mafiya’s Resort) ក្រុងកោះរ៉ុង ខេត្តព្រះសីហនុ, ឯកឧត្តមបណ្ឌិតសភាចារ្យ ហ៊ាន សាហ៊ីប ទីប្រឹក្សាសម្តេចធិបតីនាយករដ្ឋមន្រ្តី និងជាប្រធាន​ក្រុមការងារជំរុញការវិនិយោគក្នុងខេត្តព្រះសីហនុ បានដឹកនាំកិច្ចប្រជុំបូកសរុប និង វាយតម្លៃការអនុវត្ត “កម្មវិធី​ពិសេសជំរុញការវិនិយោគក្នុងខេត្តព្រះសីហនុ ឆ្នាំ២០២៤” រយៈពេល ១១ ខែ ឆ្នាំ២០២៤។ ក្នុងរយៈពេល ១១ ខែ នេះ, ក្រុមការងារ បានសម្រេចជាគោលការណ៍ផ្ដល់ការលើកទឹកចិត្ត ការអនុគ្រោះ ការសម្រួលនីតិវិធី និង

យោងតាមការចុះផ្សាយ ក្រសួងព័ត៌មាន បានឱ្យដឹងថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានគូសបញ្ជាក់ថា គម្រោងអភិវឌ្ឍន៍ទីក្រុងទំនើបនៅលើផ្ទៃដីជាង ២០០ហិកតារបស់ក្រុមហ៊ុន ធីភីម៉ូរ៉ាល់ គ្រុប គឺជាការវិនិយោគដ៏ត្រឹមត្រូវ និងបានបង្ហាញយ៉ាងច្បាស់ថា វិស័យអចលនទ្រព្យនៅកម្ពុជាបាន និងកំពុងងើបឡើងវិញជាបណ្តើរៗហើយ ខណៈដែលយើងកំពុងធ្វើដំណើរប្រកបដោយក្តីសង្ឃឹមឆ្ពោះទៅរកការសម្រេចគោលដៅនៃការអភិវឌ្ឍប្រទេសកម្ពុជា ការគិតគូលើការងាររៀបចំដែនដី និងនគរូបនីយកម្ម ដែលជាការងារមិនអាចខ្វះបាន។ ការបញ្ជាក់របស់សម្តេចនាយករដ្ឋមន្ត្រីដូចនេះធ្វើឡើងនាពិធីបើកការដ្ឋានសាងសង់ទីក្រុងមេគង្គឃីរបស់ក្រុមហ៊ុន ធីភីម៉ូរ៉ាល់ គ្រុប ស្ថិតនៅក្នុងសង្កាត់អរិយក្សត្រ ក្រុងអរិយក្សត្រ ខេត្តកណ្តាល នៅព្រឹកថ្ងៃទី១៧ ខែធ្នូ ឆ្នាំ២០២៤នេះ។ សម្តេចធិបតីនាយករដ្ឋមន្ត្រីបានលើកឡើងថា ដើម្បីឱ្យកម្ពុជាក្លាយជាអរិយប្រទេសដ៏ជឿនលឿន និងរុង រឿង

យោងតា​មការចុះផ្សាយរបស់ ក្រសួងព័ត៌មាន បានឱ្យដឹងថា អភិបាលខេត្តព្រះសីហនុ ថ្លែងថា អគារចំនួន៤០បាននិងកំពុងសាងសង់ ហើយអគារចំនួន៧បានសាងសង់រួចរាល់ ក្នុងចំណោមអគារជាប់គាំងសរុបចំនួន១០១ ដែលបានសម្របសម្រួលឱ្យវិនិយោគបន្ត ដែលនេះគឺជាដង្ហើមជីវិតថ្មីក្នុងវិស័យសំណង់ និងការវិនិយោគរបស់ខេត្តព្រះសីហនុ ។ ឯកឧត្ដម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុ បានមានប្រសាសន៍ថា បញ្ហាជាប់គាំងសំណង់អគារទាំងអស់នេះ កើតឡើងដោយសារកត្ដាវិបត្ដិកូវីដ១៩ ដែលម្ចាស់អភិវឌ្ឍន៍មិនបានត្រឡប់មកបន្ដគម្រោងវិញ ។ ប៉ុន្ដែនៅពេលដែលប្រមុខរាជរដ្ឋាភិបាល បានដាក់ចេញនូវគោលនយោបាយជំរុញការវិនិយោគខេត្ដព្រះសីហនុឆ្នាំ២០២៤នេះ ការបំពេញបែបបទនីតិវិធីនៃការចុះបញ្ជីត្រូវបានសម្រួល រួមទាំងផ្នែកពន្ធក៏ត្រូវបានលើកទឹកចិត្ដជាច្រើនផងដែរ ។ ឯកឧត្តម បានបន្តថា ជាមួយគោលនយោបាយរបស់រាជរដ្ឋាភិបាល ក៏ដូចជាការជួយសម្របសម្រួលពីក្រុមការងារពាក់ព័ន្ធរបស់រដ្ឋបាលខេត្ត បច្ចុប្បន្ននេះសំណង់ចំនួន១០១អគារដែលជាប់គាំង បានត្រៀមខ្លួនសម្រាប់ការរស់ឡើងវិញហើយ ។ ឯកឧត្តមបានបន្ថែមថា

ក្រសួងការងារ និងបណ្ដុះបណ្ដាលវិជ្ជាជីវៈ នាថ្ងៃទី១៦ ខែធ្នូ ឆ្នាំ២០២៤ នេះ បានចេញ សេចក្តីជូនដំណឹងស្តីពីការប្រឡងតេស្តសមត្ថភាពភាសាកូរ៉េ ក្រោមប្រព័ន្ធអនុញ្ញាតមុខរបរលេីកទី២២ (22nd EPS-TOPIK) និងការប្រឡងតេស្តជំនាញ (Skill Test) សម្រាប់វិស័យឧស្សាហកម្ម។ ជាមួយគ្នានោះដែរ ក្រសួងការងារ បានគូសបញ្ជាក់ថា នៅខែមេសា ឆ្នាំ២០២៥ នឹងមានការចែកពាក្យប្រឡងតេស្តសមត្ថភាពភាសាកូរ៉េ ក្រោមប្រព័ន្ធអនុញ្ញាតមុខរបរលេីកទី២៣ និងការប្រឡងតេស្តជំនាញ សម្រាប់វិស័យឧស្សាហកម្ម និងកសិកម្ម។ ចំពោះព័ត៌មានលម្អិត សូមអានសេចក្ដីជូនដំណឹងនៅខាងក្រោម៖ ប្រភព៖ ក្រសួងការងារ និងបណ្ដុះបណ្ដាលវិជ្ជាជីវៈ

ភ្នំពេញ៖ នាព្រឹកថ្ងៃទី១៦ ខែធ្នូ ឆ្នាំ២០២៤ នេះ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា បានអញ្ជើញសម្ពោធដាក់ឱ្យដំណើរការជាផ្លូវការ «ថ្នាលឌីជីថលចុះឈ្មោះអ្នកសេដ្ឋកិច្ចក្រៅប្រព័ន្ធ» នៅសណ្ឋាគារ សុខាភ្នំពេញ។ ក្នុងឱកាសនោះដែរ សម្ដេចបវរធិបតី បានប្រកាសថា អ្នកសេដ្ឋកិច្ចក្រៅប្រព័ន្ធ​ដែលមានផលរបរក្រោម ២៥០លានរៀល ឬប្រហាក់ប្រហែល៦ម៉ឺនដុល្លារក្នុងមួយឆ្នាំ មិនមានកាតព្វកិច្ចពន្ធ មិនចាំបាច់បង់ពន្ធប៉ាតង់ និងមិនបាច់រៀបចំឯកសារប្រកាសពន្ធអ្វីទាំងអស់។ សម្ដេចបវរធិបតី ហ៊ុន ម៉ាណែត បានមានប្រសាសន៍ថា៖ « បងប្អូនជាអ្នកសេដ្ឋកិច្ចក្រៅប្រព័ន្ធអាចមានអារម្មណ៍ស្ទាក់ស្ទើរក្នុងការចុះឈ្មោះ ដោយខ្លាចជាប់កាតព្វកិច្ច ឬ ចំណាយផ្សេងៗ……អ៉ីចឹងខ្ញុំសូមបញ្ជាក់ទៅលើចំណុចនេះសារជាថ្មី ការចុះឈ្មោះរបស់អ្នកសេដ្ឋកិច្ចក្រៅប្រព័ន្ធ គឺអនុវត្តតាមគោលការស្ម័គ្រចិត្តទាំងស្រុង មិនមានការបង្ខិតបង្ខំ

វិនិយោគិនចិន មកពីហុងកុង និងម៉ាកាវ មានបំណងវិនិយោគលើវិស័យដំឡើងទោចក្រយានយន្តដែលប្រើថាមពលអគ្គិសនី ផលិតអាគុយ នៅកម្ពុជា នេះបើយោងតាមការចុះផ្សាយរបស់ ក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី១៣ ខែធ្នូ ឆ្នាំ២០២៤ នេះ។ តាមរយៈការចុះផ្សាយនៅលើផេកផ្លូវការ ក្រុមប្រឹក្សាអភិវឌ្ឍន៍កម្ពុជា បានគូសបញ្ជាក់ថា នាព្រឹកថ្ងៃសុក្រ ១៣កើត ខែមិកសិរ ឆ្នាំរោង ព.ស.២៥៦៨ ត្រូវនឹងថ្ងៃទី១៣ ខែធ្នូ ឆ្នាំ២០២៤ ឯកឧត្តម ជា វុទ្ធី និងសហការីបានទទួលជួបពិភាក្សាការងារជាមួយគណៈប្រតិភូវិនិយោគិនចិន (ហុងកុង និងម៉ាកាវ) ដឹកនាំដោយលោក Wang Jiawei អគ្គនាយកក្រុមហ៊ុន Glorank

ក្រុមហ៊ុនប្រមាណជាង ៥០ ដែលជាសមាជិកវេទិកាសម្ព័ន្ធឧស្សាកម្មកូរ៉េ (KIAF) បង្ហាញបំណងវិនិយោគលើវិស័យសក្ដានុពលនៅកម្ពុជា នេះបើយោងតាមនៅលើផេកផ្លូវការរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជានាថ្ងៃទី១៣ ខែធ្នូ ឆ្នាំ២០២៤នេះ។ នាព្រឹកថ្ងៃទី១៣ ខែធ្នូ ឆ្នាំ២០២៤, សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានអនុញ្ញាតឱ្យលោក Marn-Ki Jeong ប្រធានវេទិកាសម្ព័ន្ធឧស្សាហកម្មនៃប្រទេសកូរ៉េ (KIAF) ចូលជួបសម្តែងការគួរសម និងពិភាក្សាការងារ នៅសាលសន្និបាតភីអេចហ្គ្រេនហល (បឹងស្នោ)។ លោកប្រធានវេទិកាសម្ព័ន្ធឧស្សាហកម្ម បានសម្ដែងនូវក្ដីសោមនស្សរីករាយដែលបានជួបពិភាក្សាការងារជាមួយសម្ដេចបវរធិបតីសាជាថ្មីម្ដងទៀត បន្ទាប់ពីជំនួបលើកដំបូងនៅសាធារណរដ្ឋកូរ៉េ កាលពីប្រមាណ ៧ ខែមុន និងបានគោរពជម្រាបជូនសម្តេចបវរធិបតីថា

លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានគូសបញ្ជាក់ថា ក្នុងរយៈពេល ១១ខែឆ្នាំ២០២៤នេះ ទំហំពាណិជ្មអន្តរជាតិកម្ពុជា សម្រេចបាន៥០.៤៥ ប៊ីលានដុល្លារអាម៉េរិក។ ការរគូសបញ្ជាក់របស់លោកជំទាវ បានធ្វើឡើងនៅក្នុងសុន្ទរកថាស្វាគមន៍ និងរបាយការណ៍ជូនសម្តេចធិបតី នាយករដ្ឋមន្ត្រីក្នុងពិធីបើកសម្ពោធពិពរណ៍ពាណិជ្ជកម្មកម្ពុជាលើកទី១៧ នាថ្ងៃទី១៣ ខែធ្នូ ឆ្នាំ២០២៤នេះ នៅនៅមជ្ឈមណ្ឌលភីអេច ហ្គ្រេនហល បុរីប៉េងហួត បឹងស្មោ រាជធានីភ្នំពេញ។ លោកជំទាវ រដ្ឋមន្ត្រី បានបន្ថែមថា ក្នងរយៈពេលដដែលនោះ ការនាំចេញកម្ពុជា មានប្រមាណ២៤.៣៤ប៊ីលានដុល្លារអាម៉េរិក កើនឡើង១៤.៣៦ភាគរយ និងការនាំចូល២៦.១ប៊ីលានដុល្លារអាម៉េរិក កើនឡើង១៧.៤៨ភាគរយ ដែលធៀបនឹងរយៈពេលដូចគ្នានាឆ្នាំ២០២៣។ ជាមួយគ្នានោះ តាមអនុសាសន៍របស់សម្តេចធិបតី