យោងតាម​ការចុះផ្សាយរបស់ក្រសួងព័ត៌មានបានឱ្យដឹងថា​ លោក Alexey Chepa អនុប្រធានទី១ គណៈកម្មាធិការកិច្ចការអន្តរជាតិ សភាសហព័ន្ធរុស្ស៊ី បានលើកឡើងពីការអភិវឌ្ឍន៍យ៉ាងឆាប់រហ័សរបស់ខេត្តព្រះសីហនុ ហើយទន្ទឹងរង់ចាំកិច្ចសហប្រតិបត្តិការជាមួយអាជ្ញាធរខេត្ត ដើម្បីគាំទ្រដល់ការអភិវឌ្ឍន៍បន្ថែមទៀត។ លោក Alexey Chepa បានមានប្រសាសន៍ថា ប្រទេសរុស្ស៊ីនឹងបង្កើនកិច្ចសហប្រតិបត្តិការជាមួយអាជ្ញាធរខេត្ត និងជំរុញទំនាក់ទំនងសេដ្ឋកិច្ច វប្បធម៌ និងលើកទឹកចិត្តភ្ញៀវទេសចររុស្ស៊ីកាន់តែច្រើនមកទស្សនាខេត្តនេះ។ លើសពីនេះ លោក Alexey Chepa ក៏បានគាំទ្រការហោះហើរត្រង់ពីប្រទេសរុស្ស៊ីទៅកាន់ខេត្តព្រះសីហនុ និងខេត្តសៀមរាប ហើយនឹងស្វែងរកឱកាសដើម្បីបង្កើតសម្ព័ន្ធភាពទីក្រុងរវាងក្រុងព្រះសីហនុ និងទីក្រុង Veliky Novgorod នាពេលខាងមុខនេះ៕ ប្រភព៖ ក្រសួងព័ត៌មាន

គិតមកទល់ពេលនេះក្រុមហ៊ុនធំជាច្រើនដែលមានមូលដ្ឋានអាជីវកម្ម និងរកស៊ីជាមួយរុស្ស៊ី បានដកខ្លួនចេញបន្តកន្ទុយគ្នារដឹក ដោយសារតែការលុកលុយរបស់រុស្ស៊ីទៅលើអ៊ុយក្រែន។ ក្រុមហ៊ុនដែលបានផ្អាកអាជីវកម្ម និងបិទមានសឹងតែគ្រប់វិស័យមិនថា ក្រុមហ៊ុនផលិតឡាន ផលិតប្រេង និសូម្បីតែក្រុមហ៊ុនបច្ចេកវិទ្យាធំៗ។ យ៉ាងណាមិញ នៅថ្ងៃនេះ ក្រុមហ៊ុនលក់រាយធំជាងគេទីពីររបស់ពិភពលោក H&M មួយទៀតហើយបានប្រកាសថា ខ្លួននឹងផ្អាកការលក់ទាំងអស់នៅក្នុងប្រទេសរុស្ស៊ី។ H&M គឺជាក្រុមហ៊ុនចុងក្រោយគេក្នុងការបញ្ឈប់ការលក់នៅក្នុងការរីករាលដាលនៃប្រតិកម្មសាជីវកម្មប្រឆាំងនឹងអ្វីដែលនាយករដ្ឋមន្រ្តីចក្រភពអង់គ្លេសបានពិពណ៌នាថាជាការវាយប្រហារ “ព្រៃផ្សៃ” ដោយប្រទេសរុស្ស៊ី។ ជាមួយគ្នានេះក្រៅពី H&M ក៏នៅមានក្រុមហ៊ុន ក្រុមហ៊ុនលក់សម្លៀកបំពាក់ទាន់សម័យ Asos បានប្រកាសកាលពីថ្ងៃពុធថា ពួកគេនឹងលែងបម្រើអតិថិជននៅក្នុងប្រទេសរុស្ស៊ីទៀតហើយ ខណៈ ម៉ាយីហោ Boohoo និងម៉ាកស្បែកជើង Nike មិនបានធ្វើអត្ថាធិប្បាយលើជម្លោះជាក់លាក់មែន ប៉ុន្តែអតិថិជននៅក្នុងប្រទេសរុស្ស៊ីមិនអាចបញ្ជាទិញផលិតផលរបស់ខ្លួនតាមអ៉ីនធឺណិតបានទៀតទេ៕ អត្ថបទ៖

ធនាគារពិភពលោកបាននិយាយកាលពីថ្ងៃពុធ ទី០២ មីនាថា ខ្លួនបានបញ្ឈប់គម្រោងទាំងអស់នៅក្នុងប្រទេសរុស្ស៊ី និងបេឡារុស្ស ដោយការបញ្ឈប់នេះមានប្រសិទ្ធិភាពភ្លាមៗបន្ទាប់ពីការលុកលុយរបស់រុស្ស៊ីលើអ៊ុយក្រែន និង “អរិភាពប្រឆាំងនឹងប្រជាជនអ៊ុយក្រែន” ។ នៅក្នុងសេចក្តីថ្លែងការណ៍មួយ ធនាគារអភិវឌ្ឍន៍ពហុភាគីបាននិយាយថា ខ្លួនមិនបានអនុម័តប្រាក់កម្ចីថ្មីណាមួយ ឬការវិនិយោគនៅក្នុងប្រទេសរុស្ស៊ីចាប់តាំងពីឆ្នាំ២០១៤ ដែលជាឆ្នាំរុស្ស៊ីបញ្ចូលតំបន់គ្រីមេនៃអ៊ុយក្រែន។ ទន្ទឹមនឹងនេះ ធនាគារបាននិយាយថា ខ្លួនមិនបានអនុម័តការផ្តល់ប្រាក់កម្ចីថ្មីដល់បេឡារុស្សទេ ចាប់តាំងពីពាក់កណ្តាលឆ្នាំ២០២០ នៅពេលដែលសហរដ្ឋអាមេរិកបានដាក់ទណ្ឌកម្មលើប្រទេសនេះជុំវិញការបោះឆ្នោតប្រធានាធិបតីដែលមានជម្លោះ។ ការសម្រេចចិត្តបញ្ឈប់គម្រោងទាំងអស់នៅក្នុងប្រទេសរុស្ស៊ី និងបេឡារុស្ស បានកើតឡើងមួយថ្ងៃបន្ទាប់ពីមេដឹកនាំធនាគារពិភពលោក និងមូលនិធិរូបិយវត្ថុអន្តរជាតិបាននិយាយថា ពួកគេកំពុងប្រជែងគ្នាដើម្បីផ្តល់មូលនិធិបន្ថែមរាប់ពាន់លានដុល្លារដល់អ៊ុយក្រែនក្នុងរយៈពេលប៉ុន្មានសប្តាហ៍ និងប៉ុន្មានខែខាងមុខនេះ ដោយព្រមានថាសង្រ្គាមអាចនឹងកើតឡើង៕ អត្ថបទ៖ លីនី ប្រភព៖ channelnewsasia

យោងតាមការចុះផ្សាយរបស់សារព័ត៌មាន businessinsider បានឱ្យដឹងថា អ៊ុយក្រែន​បាន​ងាក​ទៅ​រក​ហិរញ្ញវត្ថុ​បែប​ប្រពៃណី​ដោយ​ការ​ចេញ​មូលបត្របំណុល​សង្គ្រាម​ ដើម្បី​ឱ្យ​ប្រទេស​អឺរ៉ុប​ខាង​កើត​ជួយផ្តល់​មូលនិធិ​ការពារ​ខ្លួន​ប្រឆាំង​នឹង​លោក Vladimir Putin ខណៈ​កម្លាំង​រុស្ស៊ី​កាន់​តែ​ច្រើន​កៀក​នឹង​ក្រុង Kyiv។ នៅក្នុងការបង្ហោះ LinkedIn ក្រសួងហិរញ្ញវត្ថុរបស់ប្រទេសអ៊ុយក្រែនបាននិយាយថា ខ្លួនបានដាក់លក់មូលបត្របំណុលយោធាដែលមានតម្លៃ ប្រមាណ ២៧០លានដុល្លារ។ ប្រាក់ចំណូលដែលបានមកពីការលក់នេះបើយោងតាម ​​tweet ពីក្រសួង “នឹងត្រូវបានប្រើដើម្បីបំពេញតម្រូវការរបស់កងកម្លាំងប្រដាប់អាវុធនៃប្រទេសអ៊ុយក្រែន និងដើម្បីធានាការផ្តល់ដោយគ្មានការរំខាននៃតម្រូវការហិរញ្ញវត្ថុរបស់រដ្ឋនៅក្រោមសង្រ្គាម” ។ ការលក់បំណុល បានកើតឡើងនៅពេលដែលក្បួនរថយន្តយោធាប្រវែង ៤០ម៉ាយត្រូវបានគេប្រទះឃើញនៅជិតទីក្រុង Kyiv ខណៈដែលកងកម្លាំងរបស់លោក ពូទីន បានបាញ់ផ្លោងទៅលើរដ្ឋធានីអ៊ុយក្រែន និងកន្លែងផ្សេងទៀតរួមទាំងទីក្រុងធំៗ។ គួរឱ្យដឹងថា ការចេញលក់​មូលបត្របំណុល​សង្គ្រាមគឺជាទង្វើមួយក្នុងចំណោមសកម្មភាពជាច្រើន ដែលអ៊ុយក្រែនបានធ្វើ ដើម្បីផ្តល់មូលនិធិការពារខ្លួនប្រឆាំងនឹងរុស្ស៊ី ដែលបានបើកការឈ្លានពានពេញលក្ខណៈរបស់ខ្លួនកាលពីសប្តាហ៍មុន។

យោងតាមការចុះផស្សាយរបស់ក្រសួងព័ត៌មានបានឱ្យដឹងថា ប្រជាកសិករជាអ្នកប្រកបមុខរបរដាំដំណាំប៉ិកួៈ ដែលរស់នៅក្នុងឃុំរអាង និងឃុំគៀន ជ្រៃ របស់ស្រុកកំពង់សៀម ខេត្តកំពង់ចាម បានសម្ដែងនូវសេចក្ដីរីករាយយ៉ាងខ្លាំងដោយ ផលិតផលដំណាំប៉ិកួៈឆ្នាំនេះមានទីផ្សារ និងមានតម្លៃខ្ពស់ជាងឆ្នាំមុនទោះប្រទេសកំពុងជួប វិបត្តិជំងឺកូវីដ១៩ ក៏ទីផ្សារផលិតផលរបស់បងប្អូនប្រជាកសិករនៅតែមានទីផ្សារ និងលក់ បានតម្លៃខ្ពស់។ លោក គី យូឡេង ប្រជាពលរដ្ឋរស់នៅក្នុង ភូមិគៀនជ្រៃក្រៅ ឃុំគៀនជ្រៃ ស្រុកកំពង់ សៀម បានឱ្យដឹងថា ឆ្នាំនេះលោកមានការសប្បាយរីករាយជាខ្លាំងដោយដំណាំប៉ិកួៈ របស់ លោកដែលធ្វើបានមានទីផ្សារ និងលក់បានតម្លៃខ្ពស់ដែលលក់ក្នុងតម្លៃ១គីឡូក្រាម ថ្លៃ៦០០រៀលដែលឆ្នាំមុន១គីឡូក្រាម៤០០រៀលតែប៉ុណ្ណោះ។​ លោក យូឡេង បានបន្ដទៀតថា ក្រុមគ្រួសាររបស់លោកបានដាំប៉ិកួៈ ក្នុងផ្ទៃដី ប្រមាណកន្លះហិកតាដែលដំណាំប៉ិកួៈផ្ដល់ផលប្រមាណ២០តោនក្នុងមួយរដូវ។

យោងតាមការចុះផ្សាយរបស់សារព័ត៌មាន scmp បានឱ្យដឹងថា ក្រុមហ៊ុនសាងសង់បំពង់បង្ហូរប្រេង Nord Stream 2 ដែលគ្រប់គ្រងដោយក្រុមហ៊ុនថាមពលយក្សរុស្ស៊ី Gazprom ឥឡូវនេះបានដាក់ក្ស័យធន បន្ទាប់ពីប្រទេសអាល្លឺម៉ង់បានបញ្ឈប់គម្រោងបំពង់បង្ហូរឧស្ម័ន បន្ទាប់ពីការលុកលុយរបស់ទីក្រុងមូស្គូមកលើអ៊ុយក្រែន។ ទីក្រុងប៊ែរឡាំងបានបញ្ឈប់គម្រោងនេះ ដែលសាងសង់ឡើងដើម្បីនាំយកឧស្ម័នរុស្ស៊ីទៅកាន់អឺរ៉ុប ខណៈដែលទីក្រុងម៉ូស្គូប្រឈមមុខនឹងការរារាំងនៃទណ្ឌកម្មពីលោកខាងលិច។ លោកស្រី Silvia Thalmann-Gut នាយកផ្នែកសេដ្ឋកិច្ចនៅក្នុងខេត្ត Zug របស់ប្រទេសស្វីស បានប្រាប់ទូរទស្សន៍សាធារណៈ SRF ថា៖ “Nord Stream បានក្ស័យធនដោយសារតែការដាក់ទណ្ឌកម្មរបស់សហរដ្ឋអាមេរិកកាលពីសប្តាហ៍មុន” ។ លោកស្រីបានបន្ថែមថា អាជ្ញាធរក្នុងតំបន់ត្រូវបានជូនដំណឹងកាលពីថ្ងៃអង្គារថា ក្រុមហ៊ុនបានដាក់ពាក្យសុំក្ស័យធន ហើយបុគ្គលិកទាំងអស់ចំនួន ១០៦នាក់ត្រូវបានបញ្ឈប់ពីការងារ។ គួររម្លឹកថា

ប្រធានាធិបតីអាមេរិក Joe Biden បានប្រកាសកាលពីថ្ងៃអង្គារថា សហរដ្ឋអាមេរិក និងប្រទេសចំនួន ៣០ផ្សេងទៀតនឹងបញ្ចេញប្រេងចំនួន ៦០លានបារ៉ែលពីទុនបម្រុងរបស់ខ្លួន ដើម្បីជួយទប់ទល់នឹងសម្ពាធដែលជំរុញឱ្យតម្លៃប្រេងឡើងថ្លៃ។ លោក Biden បាននិប្រកាសបែបនេះ នៅក្នុងសុន្ទរកថារដ្ឋសហភាពកាលពីថ្ងៃអង្គារ ទី០១​ ខែមីនា ឆ្នាំ២០២២ម្សិលមិញនេះ។ លោកប្រធានាធិបតីរូបនេះបាននិយាយថា សហរដ្ឋអាមេរិកនឹងមានចំណែកពាក់កណ្តាលនៃការបញ្ចេញប្រេងនេះ និងនាំយកប្រេងចំនួន ៣០លានបារ៉ែលទៅកាន់ទីផ្សារ ដោយលោកបានបន្ថែមថា “យើងត្រៀមខ្លួនរួចជាស្រេច ដើម្បីបញ្ចេញបន្ថែមទៀតប្រសិនបើចាំបាច់ ដោយរួបរួមជាមួយសម្ព័ន្ធមិត្តរបស់យើង”។ ការបញ្ចញប្រេងរបស់សហរដ្ឋអាមេរិកនឹងចេញមកពី Strategic Petroleum Reserve ដែលជាបណ្តាញនៃអង្គភាពស្តុកប្រេងក្រោមដី ដែលមានបំណងធ្វើឱ្យការផ្គត់ផ្គង់ប្រេងមានស្ថេរភាពក្នុងគ្រាចាំបាច់។ គួរបញ្ជាក់ថា តម្លៃប្រេងនៅពេលនេះឡើងកាន់តែខ្លាំង ពីកម្រិតខ្ពស់ដែលមានស្រាប់ ដែលបណ្ដាលមកពីជំងឺរាតត្បាត

យោងតាមការចុះផ្សាយរបស់ក្រសួងសាធារណការ និងដឹកជញ្ជូនបានឱ្យដឹងថា កំណាត់ផ្លូវជាតិលេខ៣ ប្រវែង ១៣៤,៨២៦គីឡូម៉ែត្រចាប់ពី រាជធានីភ្នំពេញ (ចោមចៅ) ដល់ក្រុងកំពត ត្រូវបានសម្ពោធបើកឱ្យប្រើប្រាស់ជាផ្លូវការ ក្រោមអធិបតីភាពដ៏ខ្ពង់ខ្ពស់សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នាព្រឹកថ្ងៃពុធ ទី០២ ខែមីនា ឆ្នាំ២០២២នេះ។ ថ្លែងក្នុងរបាយការណ៍ស្វាគមន៍គោរពជូនសម្តេចតេជោនាយករដ្ឋមន្ត្រី និងអង្គពិធីទាំងមូល ឯកឧត្តម ទេសរដ្ឋមន្ត្រី ស៊ុន ចាន់ថុល រដ្ឋមន្ដ្រីក្រសួងសាធារណការ និងដឹកជញ្ជូនបានថ្លែងអំណរគុណយ៉ាងជ្រាលជ្រៅចំពោះប្រជាជន និងរដ្ឋាភិបាលនៃសាធារណរដ្ឋប្រជា មានិតចិន ដែលបានផ្ដល់ហិរញ្ញប្បទានសម្បទានជំនួយឥតសំណង និងជំនួយបច្ចេកទេសជាបន្ដបន្ទាប់ ដើម្បីចូល រួមចំណែកក្នុងការស្ដារ និងអភិវឌ្ឍហេដ្ឋារចនាសម្ព័ន្ធដឹកជញ្ជូននៅកម្ពុជា សំដៅជំរុញកំណើនសេដ្ឋកិច្ច