(អន្តរជាតិ)៖ បើប្រៀបធៀបទៅនឹងរយៈពេលដូចគ្នាក្នុងឆ្នាំ២០២១ពាណិជ្ជកម្មទ្វេភាគីរវាងឡាវ និងថៃបានកើនឡើង ១០.៣ភាគរយ។ ការនាំចេញពីឡាវទៅកាន់ប្រទេសថៃមានការកើនឡើង ៨.៥ភាគរយ គិតជាទឹកប្រាក់ជាង ២.៣ពាន់លានដុល្លារ ហើយប្រទេសឡាវបាននាំចូលទំនិញពីប្រទេសថៃមានតម្លៃ ៣ពាន់លានដុល្លារ ដែលកើនឡើង ១១.៨ភាគរយ។ នេះបើយោងតាមការចុះផ្សាយរបស់ laotiantime នៅថ្ងៃទី០១ ខែវិច្ឆិកា ឆ្នាំ២០២២។ ប្រទេសឡាវ បាន នាំចេញ អគ្គិសនី ទង់ដែង ស៊ីម៉ងត៍ curry salt ស៊ុមកាមេរ៉ាវីដេអូ និងគ្រឿងបន្លាស់ ឧបករណ៍អគ្គិសនី ឈើកែច្នៃ ស្បែកជើង និងឧបករណ៍មេកានិច។ ការនាំចេញកសិផលរួមមានស្ករ កាហ្វេ សណ្ដែកដី

(ភ្នំពេញ)៖ រដ្ឋាភិបាលជប៉ុន បានអនុម័តថវិកាគម្រោងថ្មីសម្រាប់ការសាងសង់ឃ្លាំងកសិកម្មនៅកម្ពុជា។ យោងតាមសេចក្តីប្រកាសព័ត៌មានរបស់ស្ថានទូតជប៉ុនប្រចាំនៅកម្ពុជានៅព្រឹកថ្ងៃទី០១ ខែវិច្ឆិកា ឆ្នាំ២០២២នេះ រដ្ឋាភិបាលជប៉ុនបានអនុម័តថវិកាគម្រោងថ្មី ដែលស្មើនឹង៤១,៥៦៨.៥៣ដុល្លារអាមេរិក ពីមូលនិធិសមភាគីសម្រាប់ការអនុវត្ត «គម្រោងសន្តិសុខស្បៀងសម្រាប់កសិករក្រីក្រ»។ ស្ថានទូតជប៉ុនបន្តថា គម្រោងនេះនឹងទាក់ទងទៅនឹងការសាងសង់ឃ្លាំងកសិកម្មចំនួនពីរក្នុងខេត្តកំពង់ឆ្នាំង និងខេត្តត្បូងឃ្មុំ។ ឃ្លាំង​នេះ​នឹងអនុញ្ញាតឱ្យមានការរក្សាទុកពូជស្រូវបានត្រឹមត្រូវ ដែលនឹងធានាបាននូវគុណភាពខ្ពស់ និងពូជដែលផលិតក្នុងស្រុកឱ្យមានសម្រាប់កសិករកម្ពុជា។ ស្ថានទូតជប៉ុន បានមានប្រសាសន៍ថា «យើងសង្ឃឹមយ៉ាងមុតមាំថា គម្រោងថ្មីនេះនឹងរួមចំណែកដល់ការបង្កើនផលិតភាពកសិកម្ម និងប្រាក់ចំណូលកាន់តែខ្ពស់សម្រាប់កសិករ»៕

(ភ្នំពេញ)៖ យោងតាមសេចក្តីប្រកាសព័ត៌មានបានឱ្យដឹងថា ក្រុមហ៊ុន រ៉ូយ៉ាល់ រេលវេ និងផ្សារមូលបត្រកម្ពុជា (ផមក) កាលពីថ្ងៃទី៣១ ខែតុលា ឆ្នាំ២០២២ បានប្រារព្ធពិធីចុះបញ្ជីលក់មូលបត្របំណូលជាផ្លូវការរបស់ ក្រុមហ៊ុន រ៉ូយ៉ាល រេលវេ។ មូលបត្របំណូលនេះមានឈ្មោះថា «សញ្ញាបណ្ណសាជីវកម្ម រ៉ូយ៉ាល់ រេលវេ» ជាសញ្ញាបណ្ណធម្មតាដែលមានទំហំសរុប ៤១ប៊ីលានរៀល (ប្រមាណជា១០លានដុល្លារអាមេរិក) ជាមួយអត្រាគូប៉ុង ៧.០% ក្នុងមួយឆ្នាំ និងមានឥណប្រតិទានរយៈពេល១០ឆ្នាំ។ នៅក្នុងពិធីនេះអ្នកឧកញ៉ា គិត ម៉េង ប្រធានក្រុមប្រឹក្សាភិបាល នៃក្រុមហ៊ុន រ៉ូយ៉ាល់ រេលវេ ម.ក បានលើកឡើងថាផ្លូវដែក

(ភ្នំពេញ)៖ ពិព័រណ៍ការងារ និងផលិតភាពជាតិឆ្នាំ២០២២ រយៈពេលពីរថ្ងៃ ដែលបានធ្វើឡើងនៅថ្ងៃទី២៨ និង២៩ ខែតុលា ឆ្នាំ២០២២ នៅអគារពិព័រណ៍កោះពេជ្រ ត្រូវបានបញ្ចប់ជាស្ថាពរ ដោយមានយុវជន សិស្ស/និស្សិត និងអ្នកស្វែងរកការងារ ជាង ៣ម៉ឺននាក់បានចូលរួមទស្សនាដោយផ្ទាល់ និងដាក់ពាក្យ ស្វែងរកការងារយ៉ាងច្រើនកុះករដែលលើសពីការរំពឹងទុក។ ចំណែកអ្នកដែលបានចូលទស្សនាតាមអនឡាញ www.carreefair.gov.kh គឺមានចំនួនជាង ៦ម៉ឺនដង ដែលបានចូលមើលឱកាសការងាររបស់ក្រុមហ៊ុន និង សហគ្រាសទាំងនោះ។ ពិព័រណ៍ការងារ និងផលិតភាពជាតិ គឺជាព្រឹត្តិការណ៍ប្រចាំឆ្នាំដ៏សំខាន់ ហើយនៅឆ្នាំនេះ វាបានប្រមូលផ្តុំក្រុមហ៊ុនធំៗ ១៥០ នឹងផ្តល់ឱកាសការងារជាង ២ ម៉ឺនកន្លែង។ វិស័យឈានមុខគេដែលចូលរួមក្នុងពិព័រណ៍ការងារនេះរួមមាន

រាជធានីភ្នំពេញ ថ្ងៃទី២៩ ខែតុលា ឆ្នាំ២០២២–យោងតាមការចុះផ្សាយរបស់ ក្រសួងព័ត៌មាន បានឲ្យដឹងថា ឯកឧត្ដម ឃួង ស្រេង អភិបាលនៃគណៈអភិបាលរាជធានីភ្នំពេញបានអំពាវនាវដល់អ្នកវិនិយោគទុនមកបណ្តាក់ទុនរកស៊ីនៅភ្នំពេញឱ្យបានច្រើន ពិសេស វិស័យ ម្ហូបអាហារ ដើម្បីឱ្យសេដ្ឋកិច្ចប្រទេសកើនឡើង ផ្តល់ឱកាសឱ្យប្រជាពលរដ្ឋខ្មែរមានការងារធ្វើនិងជាការទាក់ទាញភ្ញៀវទេសចរណ៍ផងដែរ។ ការអំពាវនាវបែបនេះ បានធ្វើឡើង នៅព្រឹកថ្ងៃទី២៩ ខែតុលា ឆ្នាំ២០២២នេះ ខណៈដែលឯកឧត្ដមបានអញ្ជើញជាអធិបតីភាពក្នុងពិធី“សម្ពោធភោជនីយដ្ឋានចំនួន៣ ក្នុងផ្សារទំនើប ជីប ម៉ុង ២៧១ មេហ្គាម៉ល នៅខណ្ឌមានជ័យ ដោយមានការចូលរួមពីអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាលក្រុមហ៊ុន ជីប ម៉ុង

(ភ្នំពេញ)៖ យោងតាមការចុះផ្សាយរបស់ក្រសួងព័ត៌មាន ឯកឧត្តម វង្សី វិស្សុត រដ្ឋមន្រ្តី​ប្រតិភូអមនា​យ​ករដ្ឋមន្រ្តី និងជារដ្ឋលេខាធិការប្រចាំការនៃក្រសួងសេដ្ឋកិច្ចនិងហិរញ្ញវត្ថុ កាលពីថ្ងៃទី២៧ ខែតុលា ឆ្នាំ២០២២ បានទទួលជួប​ពិភាក្សាការងារជាមួយលោក Winfried F. Wicklein អ​គ្គ​នាយករងទទួលបន្ទុកតំបន់អាស៊ីអាគ្នេយ៍នៃធនាគារ​អភិវឌ្ឍន៍អាស៊ី (ADB) នៅទីស្តីការក្រសួ​ង​សេដ្ឋកិច្ចនិងហិរញ្ញវត្ថុ ក្នុងឱកាសបំពេញទស្សនកិច្ចការងារនៅកម្ពុជា។ លោក Winfried F. Wicklein បានសំដែងនូវការកោតសរសើរចំពោះរាជរដ្ឋាភិបាលកម្ពុជា ដែល​បាន​គ្រប់គ្រងសភាពការណ៍​កូវីដ-១៩ បានល្អប្រសើរ គួរជាទីកត់សម្គាល់របស់ពិភពលោក។ លោក​ក៏បានបញ្ជាក់អំពីការប្តេជ្ញាចិត្តរបស់ ADB ក្នុងការបន្តជួយគាំទ្រដល់ការអភិវឌ្ឍ​កម្ពុជា ជាពិសេសការស្តារនិងជំរុញកំណើន សេដ្ឋកិច្ចឡើងវិញ នៅក្នុងក្របខ័ណ្ឌនៃយុទ្ធសា​ស្រ្ត​ភាព​​ជាដៃគូឆ្នាំ២០២៤-២០២៨។ ADB គ្រោងនឹងផ្តល់ហិរញ្ញប្បទានក្នុងទំហំទឹកប្រាក់

(ភ្នំពេញ)៖ ក្រសួងពាណិជ្ជកម្មបានរៀបចំពិធីចុះហត្ថលេខាលើ អនុស្សរណៈយោគយល់គ្នា រវាងអគ្គនាយកដ្ឋានជំរុញពាណិជ្ជកម្ម នៃក្រសួងពាណិជ្ជកម្មជាមួយនឹងមជ្ឈមណ្ឌល ពាណិជ្ជកម្មកម្ពុជានៅទីក្រុងសៀមិន ស្តីពី កិច្ចសហប្រតិបត្ដិការជំរុញការនាំចេញសំបុកត្រចៀកកាំកម្ពុជាទៅកាន់ ប្រទេសចិន។ ការចុះអនុស្សារណៈយោគយល់គ្នានេះ ធ្វើឡើងនៅថ្ងៃទី២៧ ខែតុលា ឆ្នាំ២០២២ ក្រោមការចូលរួមពីកឧត្តម ឈួនដារ៉ា រដ្ឋមន្ត្រីប្រតិភូអមនាយករដ្ឋមន្ត្រី និងជារដ្ឋលេខាធិការក្រសួង ពាណិជ្ជកម្ម និងជាតំណាង ឯកឧត្តម ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម, ឯកឧត្តម កៅ កោសល អគ្គនាយកនៃអគ្គនាយកដ្ឋានជំរុញពាណិជ្ជកម្ម ក្រសួងពាណិជ្ជកម្ម និងលោក ZENG Yomin ប្រធានមជ្ឈមណ្ឌលពាណិជ្ជកម្មឯកជនកម្ពុជា នៅទីក្រុងសៀមិន។ ឯកឧត្តម

(ភ្នំពេញ)៖ ពិធីសម្ពោធការនាំចេញផ្លែមៀនស្រស់កម្ពុជាជាផ្លូវការទៅកាន់ទីផ្សារប្រទេសចិន ត្រូវបានប្រារព្ធធ្វើឡើងនៅរាជធានីភ្នំពេញ នាព្រឹកថ្ងៃទី២៧ខែតុលា ។ ពិធីនេះមានការចូលរួមពី ឯកឧត្តម ឌិត ទីណា រដ្ឋមន្ដ្រីក្រសួងកសិកម្មរុក្ខាប្រមាញ់និងនេសាទ និង ឯកឧត្តម Wang Wentian ឯកអគ្គរដ្ឋទូតចិនប្រចាំកម្ពុជា។ ឯកឧត្តមឯកអគ្គរដ្ឋទូតចិន មានប្រសាសន៍ថា ក្រោមការខិតខំប្រឹងប្រែងរួមគ្នារវាងភាគីទាំងពីរ ឆ្នាំ២០២២នេះ ត្រីប្រា ផ្លែពោត និងផ្លែមៀនត្រូវបានជំរុញនិងអនុញ្ញាតនាំចេញទៅកាន់ប្រទេសចិនជាបន្តបន្ទាប់យ៉ាងជោគជ័យ។ ឯកឧត្តមឯកអគ្គរដ្ឋទូតចិន បន្តថា ក្នុងការនាំចេញផ្លែមៀនកម្ពុជាទៅប្រទេសចិនប្រកបដោយជោគជ័យនៅទីនេះ នេះជាសមិទ្ធផលជាក់ស្តែងដ៏សំខាន់មួយទៀតនៃកិច្ចសហប្រតិបត្តិការកសិកម្មរវាងចិននិងកម្ពុជាក្រោមបរិបទនៃជំងឺកូវីដ១៩ នឹងផ្តល់ជាអត្ថប្រយោជន៍ជាក់ស្ដែងជូនដល់ប្រជាជនទាំងពីរ និងបានជួយជំរុញការអភិវឌ្ឍន៍ទំនាក់ទំនងមិត្តភាពនៃប្រទេសទាំងពីរ។ ឯកឧត្តម ឌិត ទីណា រដ្ឋមន្ដ្រីក្រសួងកសិកម្ម បានលើកឡើងថា នេះគឺជាជោគជ័យថ្មីមួយទៀត