ក្រុមប្រឹក្សាអភិវឌ្ឍន៍កម្ពុជា ហៅកាត់ថា (CDC) នៅថ្ងៃទី០៧ ខែកញ្ញា ឆ្នាំ២០២៣ នេះ បានសម្រេចអនុម័តគម្រោងវិនិយោគថ្មី ចំនួន ១០បន្ថែមទៀត សរុបទុនវិនិយោគ ១៤៦.៤៥ លានដុល្លារ និងបង្កើតការងារដល់ប្រជាពលរដ្ឋខ្ទង់ម៉ឺនកន្លែង នៅរាជធានីភ្នំពេញ និងតាមបណ្ដាខេត្តមួយចំនួនដែលគម្រោងវិនិយោគតាំងនៅ។ តាមសំណើសុំវិនិយោគរបស់ក្រុមហ៊ុន គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា បានសម្រេចចេញវិញ្ញាបនបត្រចុះបញ្ជីគម្រោងវិនិយោគជូនដល់ក្រុមហ៊ុនដូចខាងក្រោម៖ ១-“CAMBODIAN TRANSMISSION II CO., LTD” គម្រោងអភិវឌ្ឍន៍អនុស្ថានីយ៍ និងខ្សែបញ្ជូនថាមពលអគ្គិសនី តង់ស្យុងខ្ពស់ ២៣០គីឡូវ៉ុល ពីខេត្តកំពង់ចាម ទៅខេត្តក្រចេះ ក្នុងទុនវិនិយោគប្រមាណ ៩២,២លានដុល្លារអាម៉េរិក និងអាចបង្កើតការងារបានចំនួន ៤៦៤កន្លែង។

ក្រុមហ៊ុន និងសណ្ឋាគារចំនួន ៧ នៅក្នុងខេត្តព្រះសីហនុ កំពុងត្រូវការកម្លាំងពលកម្មដើម្បីបម្រើការងារទៅតាមផ្នែកជាច្រើន នេះបើយោងតាមការបង្ហោះរបស់ឯកឧត្តម គួច ចំរើន អភិបាលខេត្តព្រះសីហនុ នាថ្ងៃទី០៦ ខែកញ្ញា ឆ្នាំ២០២៣នេះ។ ដូច្នេះសម្រាប់បងប្អូនដែលមានចំណាប់អារម្មណ៍ចូលធ្វើការងារ សូមអានលម្អិតនៅក្នុងតារាងខាងក្រោម៖

ប្រធានាធិបតីឥណ្ឌូនេស៊ីលោក Joko Widodo បាននិយាយនៅក្នុងពិធីបើកវេទិកាអាស៊ាន-ឥណ្ឌូប៉ាស៊ីហ្វិក (AIPF) នៅទីក្រុងហ្សាកាតាកាលពីថ្ងៃទី០៥ ខែកញ្ញាថា សេដ្ឋកិច្ចអាស៊ានបានបង្ហាញឱ្យឃើញពីភាពធន់ និងបន្តរីកចម្រើនលើសពីកំណើនសេដ្ឋកិច្ចពិភពលោក និងតំបន់ផ្សេងទៀតដែលមានប្រជាជនចំនួន ៦៨០លាននាក់។ ទន្ទឹមនឹងនេះ លោកក៏បានមានប្រសាសន៍បន្ថែមថា អាស៊ានជាទីផ្សារដ៏មានសក្ដានុពលជាមួយនឹងឱកាសវិនិយោគដ៏ជោគជ័យ ប៉ុន្តែអាស៊ានមិនមានភាពស៊ាំពីបញ្ហាប្រឈមនានាជុំវិញពិភពលោក និងភូមិសាស្ត្រនយោបាយដែលធ្វើឲ្យមានភាពមុតស្រួច ជាពិសសគឺជម្លោះនៅឥណ្ឌូប៉ាស៊ីហ្វិក។ លើសពីនេះទៅទៀត មេដឹកនាំអស៊ាន ក៏បានបន្ថែមផងដែរថា អាស៊ាន និងដៃគូរបស់ខ្លួនបានបែងចែកទឹកប្រាក់សរុបចំនួន ៥៦ ពាន់លានដុល្លារសម្រាប់គម្រោងកិច្ចសហប្រតិបត្តិការចំនួន ៩៣ និងគម្រោងសក្តានុពលចំនួន ៧៣ ដែលបង្ហាញពីការប្តេជ្ញាចិត្តរបស់ពួកគេ ក្នុងការប្រែក្លាយឥណ្ឌូប៉ាស៊ីហ្វិកទៅជាតំបន់សន្តិភាព ស្ថិរភាព និងវិបុលភាព៕ អត្ថបទ៖ លីនី

កាលពីល្ងាចថ្ងៃអង្គារ ទី៥ ខែកញ្ញា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានជួបសម្តែងការគួរសមជាមួយ ឯកឧត្តម លី សៀនលុង (Lee Hsien Loong) នាយករដ្ឋមន្រ្តីនៃសាធារណរដ្ឋសិង្ហបុរី នៅរដ្ឋធានីហ្សាការតា នៃសាធារណរដ្ឋឥណ្ឌូណេស៊ី។ នាឱកាសនោះដែរ ប្រមុខរដ្ឋាភិបាលទាំងពីរ បានពិភាក្សាលើលទ្ធភាពក្នុងការនាំអង្ករ និងផលិតផលកសិកម្មដទៃទៀតពីកម្ពុជាចូលមកកាន់ទីផ្សារសិង្ហបុរី ក៏ដូចជាគម្រោងនៃការសាងសង់ខ្សែបញ្ជូនថាមពលក្រោមសមុទ្រ ពីប្រទេសឡាវ ឆ្ពោះទៅប្រទេសសិង្ហបុរី ផងដែរ។ លើសពីនេះ ថ្នាក់ដឹកនាំទាំងពីរបានពិភាក្សាទៅលើការបន្តពង្រឹងកិច្ចសហប្រតិបត្តិការដែលមានស្រាប់ និង ពង្រីកកិច្ចសហប្រតិបត្តិការលើវិស័យដែលមានសក្ដានុពល ដូចជា ពាណិជ្ជកម្ម វិនិយោគ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា និងក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់ហ្វីលីពីន បានចុះហត្ថលេខាលើអនុស្សរណៈយោគយល់គ្នាដើម្បីអភិវឌ្ឍកសិកម្ម និងសហគ្រាសមីក្រូ-ធុនតូច និងមធ្យម នៃប្រទេសទាំងពីរ។ អនុស្សរណៈយោគយល់គ្នាស្តីពីភាពជាដៃគូក្នុងការអភិវឌ្ឍកសិកម្ម និងសហគ្រាសមីក្រូ-ធុនតូច និងមធ្យមកម្ពុជា-ហ្វីលីពីន ត្រូវបានចុះហត្ថលេខាដោយ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា និងលោក ចូហ្សេ ម៉ា អេ ខនសិបសិន (JOSE MA. A CONCEPCION III) ប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់ហ្វីលីន នារសៀលថ្ងៃទី០៥ ខែកញ្ញា ឆ្នាំ២០២៣ នៅទីក្រុងហ្សាកាតា ប្រទេសឥណ្ឌូនេស៊ី

ការហាមប្រាមរបស់ប្រទេសចិនលើអាហារសមុទ្ររបស់ជប៉ុន ដោយសារការភ័យខ្លាចនៃការចម្លងរោគវិទ្យុសកម្មបានធ្វើឱ្យក្រុមហ៊ុនវៀតណាមមើលឃើញឱកាសកាន់តែច្រើនដើម្បីនាំចេញផលិតផលសមុទ្ររបស់ខ្លួនទៅប្រទេសចិន ប៉ុន្តែការកើនឡើងនេះ គឺមានតិចតួចប៉ុណ្ណោះ ដោយសារតែតម្រូវការរបស់ចិនធ្លាក់ចុះ។ នេះបើយោងតាមការចុះផ្សាយរបស់សារព័ត៌មាន VNExpress។ នាយកប្រតិបត្តិនៃក្រុមហ៊ុននាំចេញអាហារសមុទ្រវៀតណាមពី Nha Trang ដែលនៅតំបន់កណ្តាល បាននិយាយថា ការហាមឃាត់នេះអាចជួយបង្កើនការនាំចេញផលិតផលមួយចំនួនដូចជា ត្រីធូណាជាដើម។ យើងបានឃើញអ្នកទិញចិនបង្កើនការបញ្ជាទិញត្រីធូណា ១៥% ធៀបនឹងរយៈពេលពីមួយឆ្នាំទៅមួយឆ្នាំ។ ប៉ុន្តែតម្រូវការបង្គា និងមឹកនៅតែទាប។ ទន្ទឹមនឹងនេះអ្នកក្នុងឧស្សាហកម្មមួយចំនួនទៀតក៏បាននិយាយផងដែរថា ការហាមប្រាមនេះអាចផ្តល់ឱកាសដល់អាហារសមុទ្រវៀតណាម ប៉ុន្តែគ្រាន់តែបន្តិចបន្តួចប៉ុណ្ណោះ ដោយសារការនាំចេញរបស់ជប៉ុនទៅកាន់ប្រទេសចិន មានចំនួនតិចតួចប៉ុណ្ណោះ ខណៈកាលពីឆ្នាំមុន ប្រទេសជប៉ុនមានចំណែកប្រហែល ៣% នៃការនាំចូលអាហារសមុទ្ររបស់ប្រទេសចិន ធៀបនឹងអេក្វាឌ័រ ១៨.៦% ,រុស្ស៊ី ១៤.៤% និងវៀតណាម ៨.៨%។

លើលោកនេះ អ្វីក៏អាចកើតឡើងបានដែរ ដូចកម្មការនីរោងចក្រម្នាក់ទិញ Boostrong ឆ្ងាញ់ត្រជាក់ៗ ១កំប៉ុង ថាញុំាប៉ូវកម្លាំងសោះ តែបែរជាប៉ូវទាំងកម្លាំងចិត្តទៀត ព្រោះគាស់ឃើញរូបឡានខ្លាញ់គោច្បាស់ៗក្នុងក្រវិលកំប៉ុងប៊ូសស្រ្តង រំភើបខ្លាំងពេក ម្ចាស់រង្វាន់ចិត្តល្អទិញ Boostrong ចែកហ្វ្រីពេញមួយរោងចក្រ។ ម្ចាស់រង្វាន់ធំពី Boostrong មានឈ្មោះ ស៊ន ម៉ាលីន ភេទស្រី អាយុ 23ឆ្នាំ មុខរបរជាកម្មការនីរោងចក្រ បច្ចុប្បន្នរស់នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។ គាត់ថាឱ្យតែចេញពីធ្វើការដឹងតែទិញ Boostrong ឆ្ងាញ់ត្រជាក់ៗញុំាជារៀងរាល់ថ្ងៃ ព្រោះ Boostrong មានរសជាតិឆ្ងាញ់ ញុំាមួយកំប៉ុងហើយចង់ញុំាមួយកំប៉ុងទៀត រហូតគាត់មានលាភសំណាងធំត្រូវរង្វាន់ឡានខ្លាញ់គោ

សហគ្រាសចិនជាង ៥០ អាចនឹងមកវិនិយោគនៅខេត្តកំពង់ស្ពឺបន្ថែមទៀត នេះបើយោងតាមការបង្ហោះរបស់ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ កាលពីថ្ងៃទី០៤ ខែកញ្ញា ឆ្នាំ២០២៣ ម្សិលមិញនេះ។ បើតាមការបញ្ជាក់របស់ឯកឧត្តម លោក Wang Guangguo នាយកប្រតិបត្ត សហព័ន្ធសហគ្រិនជនជាតិចិនក្រៅប្រទេស ខេត្តហឺណាន ( Henan Federation of Oversea Chinese Entrepreneurs) បានប្តេជ្ញាជំរុញសហគ្រាស ជាង៥០ ទៅវិនិយោគនៅខេត្តកំពង់ស្ពឺ ដោយផ្តោតលើវិស័យកសិកម្ម ជាពិសេសការចិញ្ចឹមគោ និងជ្រូក ក៏ដូចជាឧស្សាហកម្មកែឆ្នៃសាច់គោ និងជ្រូក។