លោក លី សំរិទ្ធ អភិបាលរងខេត្តសៀមរាបបានលើកឡើងថា រដ្ឋបាលខេត្តបានស្នើក្រុមហ៊ុនអាកាសយានដ្ឋានអន្តរជាតិសៀមរាប-អង្គរ ពិចារណាលើការយកថ្លៃសេវា ចំពោះការចតនៅចំណតអាកាសយានដ្ឋានអន្តរជាតិសៀមរាប-អង្គរ ក្នុងរយៈពេល ១៥នាទី គួរពុំគិតថ្លៃ ដើម្បីលើកទឹកចិត្ត និងសម្រួលជូនដល់អ្នកដឹកភ្ញៀវចេញចូលអាកាសយានដ្ឋាន និងស្នើសុំឲ្យមានការពិចារណាលើការបន្ធូបន្ថយ ក្នុងកម្រិតណាមួយ សមស្របដែលអាចដោះស្រាយបញ្ហានេះរួមគ្នាបាន។ អភិបាលរងខេត្តសៀមរាប បានលើកឡើងបែបនេះ នៅក្នុងឱកាសដែលរូបលោកជាតំណាងឲ្យឯកឧត្តម ប្រាក់ សោភ័ណ អភិបាលខេត្តសៀមរាប រួមនឹងមន្ត្រីពាក់ព័ន្ធ ជួបពិភាក្សាការងារជាមួយក្រុមហ៊ុនអាកាសយានដ្ឋានអន្តរជាតិសៀមរាប-អង្គរ (AIAI) និងបងប្អូនប្រកបអាជីវកម្មដឹកភ្ញៀវទេសចរ (រថយន្តតាក់ស៊ី, រ៉ឺម៉កកង់បី និងផាស្អាប់) ប្រមាណ ៦០នាក់ ដើម្បីធ្វើការលើកឡើងពីបញ្ហាថ្លែសេវាដឹកភ្ញៀវចូលអាកាសយានដ្ឋានអន្តរជាតិសៀមរាប-អង្គរ កាលពីព្រឹកថ្ងៃទី០៣ ខែមករា​ ឆ្នាំ២០២៤។

ក្នុងឆ្នាំ២០២៣ ក្រុមប្រឹក្សាអភិវឌ្ឍន៍កម្ពុជា ​(CDC) បានអនុម័តគម្រោងវិនិយោគចំនួន ២៦៨ ដែលមានទុនវិនិយោគសរុបប្រមាណជិត ៤,៩ ពាន់លានដុល្លារអាម៉េរិក ខណៈគម្រោងវិនិយោគភាគច្រើន មានទីតាំងស្ថិតក្នុងខេត្តកំពង់ស្ពឺ។ នេះបើយោងតាមការចុះផ្សាយរបស់ ក្រុមប្រឹក្សាអភិវឌ្ឍន៍កម្ពុជា ​នារសៀលថ្ងៃទី០៣ ខែមករា ឆ្នាំ២០២៤នេះ។ តាមរយៈការបង្ហោះនៅលើផេកផ្លូវការ ក្រុមប្រឹក្សាអភិវឌ្ឍន៍កម្ពុជា បានបញ្ជាក់ថា ក្នុងឆ្នាំ ២០២៣ ក្រុមប្រឹក្សាអភិវឌ្ឍន៍កម្ពុជាបានអនុម័តគម្រោងថ្មីចំនួន ២៤៧ និងគម្រោងពង្រីកផលិតកម្មចំនួន ២១ ហើយក្នុងនោះគម្រោងវិនិយោគចំនួន ៧១ ត្រូវបានបណ្តាក់ទុនវិនិយោគនៅក្នុងតំបន់សេដ្ឋកិច្ចពិសេស។ គម្រោងទាំងនេះមានទុនវិនិយោគសរុបប្រមាណជិត ៤,៩ពាន់លានដុល្លារអាម៉េរិក និងអាចបង្កើតការងារបានប្រមាណ ៣០៧,០០០កន្លែង។ ចំនួនគម្រោងវិនិយោគក្នុងវិស័យឧស្សាហកម្មបានចូលរួម ចំណែកដល់ទៅប្រមាណ ៩២%

ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខប្រមាញ់ និងនេសាទ ប្រាប់ទៅអ្នកវិនិយោគចិនថា កម្ពុជាកំពុងត្រូវការអ្នកវិនិយោគនៅកម្រិត Upstream ដូចជា ការកែច្នៃ វេចខ្ចប់ផលិតផលកសិកម្ម សម្រាប់ការនាំចេញទៅប្រទេសចិន និងទីផ្សារអន្តរជាតិ ជាពិសេសអង្ករប្រណិត ស្វាយចន្ទី កៅស៊ូ ផលិតផលជលផលទឹកសាប និងវារីវប្បកម្ម ព្រមទាំងផលិតផលកសិកម្មដែលមានសក្តានុពលផ្សេងៗទៀត ដែលមានតម្លៃបន្ថែមខ្ពស់ ផ្តល់ផលចំណេញដល់កសិករ និងអ្នកវិនិយោគ។ ឯកឧត្តម បានលើកឡើងបែបនេះ នៅក្នុងឱកាសដែលឯកឧត្តមអនុញ្ញាតឱ្យអ្នកវិនិយោគចិនជួបសម្តែងការគួរសម និងពិភាក្សាការងារ នៅទីស្តីការក្រសួងកសិកម្ម រុក្ខាប្រមាញ់ និងនេសសាទ នាព្រឹកថ្ងៃទី០៣ ខែមករា ឆ្នាំ២០២៤ នេះ។

ក្រសួងការងារ និងបណ្ដុះបណ្ដាលវិជ្ជាជីវៈ កាលពីថ្ងៃទី០២ ខែមករា ឆ្នាំ២០២៤ បានឱ្យដឹងថា តម្រូវការកម្លាំងពលកម្មបច្ចុប្បន្ន មានចំនួន ២៥​ ៥៩៧កន្លែង នៅតាមបណ្ដារាជធានី-ខេត្ត ក្នុងនោះផ្នែកឧស្សាហកម្ម មានចំនួន ១៦ ៤៨៣ ផ្នែកសេវាកម្មចំនួន ២៣៣៧ និងផ្នែកកសិកម្ម មានំនួន ៦៧៧៧។ ដូច្នេះសម្រាប់បងប្អូនប្រជាពលរដ្ឋដែលចង់ស្វែងរកការងារ សូមទាក់ទងមកទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ តាមលេខទូរស័ព្ទ 077 23 23 78 ឬ 016 78

សារព័ត៌មាន VNExpress កាលពីថ្ងៃទី៣១​ ខែធ្នូ ឆ្នាំ២០២៣ កន្លងទៅនេះ បានចុះផ្សាយថា ក្រុមហ៊ុនអចលនទ្រព្យវៀតណាមប្រមាណចំនួន ១៣០០ បានក្ស័យធននៅក្នុងឆ្នាំ២០២៣ កើនឡើង ៨% បើធៀបនឹងឆ្នាំ២០២២ នេះបើយោងតាមការិយាល័យស្ថិតិទូទៅ។ សារព័ត៌មានខាងលើបានបញ្ជាក់ថា ក្នុងចំណោមក្រុមហ៊ុនដែលបានចាកចេញពីទីផ្សារ ចំនួនក្រុមហ៊ុនដែលផ្អាកអាជីវកម្មក្នុងពេលកំណត់បានកើនឡើង ២១% បើធៀបនឹងឆ្នាំ២០២២ ខណៈដែលចំនួនក្រុមហ៊ុនដែលរង់ចាំបញ្ចប់នីតិវិធីរំសាយកើនឡើង ២៩%។ ជាមួយគ្នានេះដែរ អចលនទ្រព្យជាវិស័យមួយ ដែលមានចំនួនក្រុមហ៊ុនបិទទ្វារច្រើនជាងគេក្នុងឆ្នាំ២០២៣ ជាមធ្យម អាជីវកម្មចំនួន ១០៧ បានក្ស័យធនជារៀងរាល់ខែ ខណៈដែលចំនួនអាជីវកម្មថ្មីត្រូវបានបង្កើតឡើងធ្លាក់ចុះ ៤៥% បើប្រៀបធៀបទៅនឹងឆ្នាំ២០២២។ គួរបញ្ជាក់ផងដែរថា ទីផ្សារអចលនៈទ្រព្យរបស់ប្រទេសវៀតណាម បានស្ថិតក្នុងសភាពក្តៅគគុកតាំងពីឆ្នាំ២០២២

ក្រសួងការងារ និងបណ្ដុះបណ្ដាលជំនាញវិជ្ជាជីវៈ នៅថ្ងៃទី០២ ខែមករា ឆ្នាំ២០២៤ នេះ បានចេញសេចក្ដីជូនដំណឹងស្តីពីទីភ្នាក់ងារជ្រើសរើសឯកជនដែលបានទទួលការអនុញ្ញាតឱ្យធ្វើការជ្រើសរើសបណ្តុះបណ្តាល បញ្ជូន និងគ្រប់គ្រងពលការិនីជំនួយការមេផ្ទះទៅធ្វើការនៅប្រទេស និងតំបន់ ចំនួន ៨ រួមមាន៖ ព្រះរាជាណាចក្រអារ៉ាប់ប៊ីសាអូឌីត តំបន់រដ្ឋបាលពិសេសហុងកុង ប្រទេស សិង្ហបុរី រដ្ឋគូវ៉ែត រដ្ឋកាតា ប្រទេស ម៉ាឡេស៊ី ព្រះរាជាណាចក្រថៃឡង់ដ៍ និងប្រទេសជប៉ុន។ ជាមួយគ្នានេះដែរ ក្រសួងការងារក៏បានបញ្ជាក់ផងដែរថា រាល់ទីភ្នាក់ងារជ្រើសរើសឯកជនទាំងឡាយ​ណា​ដែលពុំមានឈ្នោះក្នុងបញ្ជីខាងក្រោមនេះ គឺចាត់ទុកថាជាទីភ្នាក់ងារជ្រើសរើសឯកជនខុសច្បាប់ ដូច្នេះសូមសាធារណជនរាយការណ៍ជាបន្ទាន់ មកទូរស័ព្ទលេខ 089 957 789 និងទំនាក់ទំនងមន្ទីរការងារ និងបណ្តុះបណ្តាលវិជ្ជាជីវៈទាំង២៥

ប្រតិភូចិនមួយក្រុម មកស្វែងរកឱកាសវិនិយោគនៅកម្ពុជា ដោយផ្ដោតលើវិស័យកែច្នៃកសិផលកម្ពុជាដើម្បីនាំចេញទៅទីផ្សារប្រទេសចិន។ នេះបើយោងតាមការចុះផ្សាយរបស់ក្រសួងពាណិជ្ជកម្ម នាថ្ងៃទី២៩ ខែធ្នូ ឆ្នាំ២០២៣ នេះ។ តាមរយៈការបង្ហោះនៅលើផេកផ្លូវការរបស់ខ្លួន ក្រសួងពាណិជ្ជកម្មបានបញ្ជាក់ឱ្យដឹងថា កាលពីព្រឹកថ្ងៃសុក្រ ទី២៩ ខែធ្នូ ឆ្នាំ២០២៣ នៅទីស្តីការក្រសួងពាណិជ្ជកម្ម ឯកឧត្តម កៅ កោសល ប្រតិភូរាជរដ្ឋាភិបាលកម្ពុជាទទួលបន្ទុកជាអគ្គនាយកនៃអគ្គនាយកដ្ឋានជំរុញពាណិជ្ជកម្ម តំណាងដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្រ្តីក្រសួងពាណិជ្ជកម្ម បានទទួលជួបពិភាក្សាការងារជាមួយគណៈប្រតិភូ Chinese Secretariat of MLC Cross-border Economic Cooperation ដឹកនាំដោយ លោក

ធរុជនកូរ៉េ មានបំណងចង់មកបង្កើតរោងចក្រផលិតកម្មនៅក្នុងតំបន់សេដ្ឋកិច្ចពិសេសនៅកម្ពុជា ដើម្បីនាំចេញទៅទីផ្សារសក្តានុពលរបស់កម្ពុជា។ នេះបើយោងតាមការចុះផ្សាយរបស់ ក្រសួងពាណិជ្ជកម្ម កាលពីថ្ងៃទី២៥ ខែធ្នូ ឆ្នាំ២០២៣ កន្លងទៅថ្មីៗនេះ។ តាមរយៈការបង្ហោះនៅលើផេកផ្លូវការ ក្រសួងពាណិជ្ជកម្ម បានឱ្យដឹងថា កាលពីព្រឹកថ្ងៃចន្ទ ទី២៥ ខែធ្នូ ឆ្នាំ២០២៣ ឯកឧត្តម ពេជ ឫទ្ធី រដ្ឋលេខាធិការក្រសួងពាណិជ្ជកម្ម តំណាងដ៏ខ្ពង់ខ្ពស់របស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម បានអនុញ្ញាតជូន លោក KIM Byung-Kwan ប្រធានសមាគមអ្នកនាំចូលនៃសាធារណរដ្ឋកូរ៉េ និងសហការី ចូលជួបសម្តែងការគួរសម និងពិភាក្សាការងារ។ សូមជម្រាបថា