ឯកឧត្តមបណ្ឌិត ឯកឧត្តមបណ្ឌិត ម៉ុង ឫទ្ធី បានបង្ហើបឱ្យដឹងថា តំណាងសមាគមនាំចូល និងតំណាងក្រុមហ៊ុនធំៗមកពីកូរ៉េខាងត្បូង មានបំណង ​ចង់​នាំ​ចេញប្រេងដូងឆៅ​ CPO ,​​ប្រមូលទិញ​នាំចេញ​ផ្លែស្វាយ​ពីកម្ពុជា​​ទៅកាន់​ទីផ្សារ​នៃ​ប្រទេស​កូរ៉េ​ខាង​ត្បូង​ និងទាក់ទាញ​អ្នក​វិនិយោគទុន​អោយមក​ដាំ​បន្លែ​ផ្លែ​ឈេី​ នៅកម្ពុជា​យេីងផងដែរ​។

យោងតាមការបង្ហោះនៅលើផេកផ្លូវការបស់ឯកឧត្តមបណ្ឌិត កាលពីថ្ងៃទី១២ ខែមករា ឆ្នាំ២០២៤ កន្លងទៅនេះ បានបញ្ជាក់ថា៖ «នៅសាលប្រជុំគណៈកម្មការទី៣ អគារ F វិមានព្រឹទ្ធសភា ថ្ងៃសុក្រ ទី១២ ខែមករា ឆ្នាំ២០២៣ វេលាម៉ោង ៤រសៀល ក្នុងនាមខ្ញុំជាប្រធានក្រុមមិត្តភាពកូរ៉េ និងជាប្រធានគណៈកម្មការទី៣ ព្រឹទ្ធសភា ខ្ញុំបានអនុញ្ញាតឲ្យលោក Mr.Gyuhwa JANG / T&C Korea Dr.Younsoo PARK / VP KOIMA (Korea Importers Association) Mr.Micheal LIM / CEO of SandwellPetrogas Ltd.
Mr. Khath Chen / Cambodian Embassy in Seoul, Korea ជួប​សម្តែងការគួរសម និង​ពិភាក្សា​ការងារ​មួយចំនួន​ ក្រោយ​ពីពួកគាត់​បានទៅ​ធ្វើ​ទស្សនកិច្ច​ សិក្សា​ស្វែងយល់​ ចំការដូងប្រេង​រោងចក្រ​ចម្រាញ់​ប្រេង​ដូង​រួចហេីយ​ ពួកគាត់​មានគោល​បំណង​ចង់​នាំ​ចេញប្រេងដូងឆៅ​ CPO ព្រមទាំង​មាន​គោល​បំណង​ប្រមូលទិញ​នាំចេញ​ផ្លែស្វាយ​ ពី​ព្រះរាជាណាចក្រ​កម្ពុជា​យេីង​ទៅកាន់​ទីផ្សារ​នៃ​ប្រទេស​កូរ៉េ​ខាង​ត្បូង​ និងទាក់ទាញ​អ្នក​វិនិយោគទុន​អោយមក​ដាំ​បន្លែ​ផ្លែ​ឈេី​ នៅក្នុង​ព្រះរាជាណាចក្រ​កម្ពុជា​យេីងផងដែរ​ »៕

អត្ថបទ៖ លីនី