យោងតាមការចុះផ្សាយរបស់ ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈ នាថ្ងៃទី២៥ ខែមីនា ឆ្នាំ២០២៤ នេះ បានឱ្យដឹងថា ក្រុមហ៊ុន KKN Apparel Co.,Ltd នៅខេត្តកោះកុង កំពុងផ្ដលឱកាសការងារថ្មីបន្ថែមទៀត ៣០០កន្លែង។ ក្រុមហ៊ុនខាងលើនេះ ត្រូវការជ្រើសរើសកម្មករនិយោជិតជាច្រើនផ្នែកដូចជា ផ្នែកដេរ ផ្នែកអ៊ុតស្លាក ផ្នែកវេចខ្ចប់ ផ្នែកតុកាត់ ផ្នែកឃ្លាំង និងផ្នែកត្រួតពិនិត្យគុណភាព។ ដូច្នេះ សម្រាប់បងប្អូនប្រជាពលរដ្ឋ កម្មករ កម្មការិនី ដែលកំពុងស្វែងរកការងារ ឬចង់ផ្លាស់ប្តូរការងារ សូមទាក់ទងមកដាក់ពាក្យជាមួយ NEA

យោងតាមការចុះផ្សាយរបស់ ក្រសួងបរិស្ថាន នាព្រឹកថ្ងៃទី០២ ខែមេសា ឆ្នាំ២០២៤ នេះបានឱ្យដឹងថា ក្រសួងកំពុងគិតគូរចំពោះការវិនិយោគជាមួយប្រទេសជប៉ុន ធ្វើឱ្យកម្ពុជាស្អាត គ្មានសំណល់ប្លាស្ទិក។ នៅក្នុងជំនួបសម្តែងការគួរសមនិងពិភាក្សាការងារជាមួយ ឯកឧត្តម តាកាហាស៊ី ហ្វូមីអាគី (Takahashi Fumiaki) ប្រធានសមាគមជប៉ុន-កម្ពុជា ព្រមទាំងប្រតិភូអមចំនួន ១២រូបផ្សេងទៀត ដែលសុទ្ធតែជាអ្នកវិនិយោគមកពីប្រទេសជប៉ុននៅទីស្តីការក្រសួងបរិស្ថាន នាថ្ងៃទី ០១ ខែមេសា ឆ្នាំ២០២៤ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានមានប្រសាសន៍ថា៖ « កម្ពុជាស្អាត មិនមានសំណល់ប្លាស្ទិក គឺជាយុទ្ធសាស្រ្តបន្ថែមមួយទៀតអមជាមួយយុទ្ធនាការ កាត់បន្ថយការប្រើប្រាស់ថង់ប្លាស្ទិករបស់ក្រសួងបរិស្ថាន ដែលមានការគាំទ្រ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងពិធី « បើកកិច្ចប្រជុំកំពូលធុរកិច្ចអាស៊ាន-កម្ពុជា» ដែលប្រព្រឹត្តទៅនាព្រឹកថ្ងៃទី០២ ខែមេសា ឆ្នាំ២០២៤ ក្រោមមូលបទ “បញ្ចេញសក្តានុពលអាស៊ាន៖ បច្ចេកវិទ្យា ចីរភាព និងកំណើនប្រកបដោយបរិយាប័ន្ន” បានគូសបញ្ជាក់ថា អាស៊ាន បានក្លាយជាសេដ្ឋកិច្ចធំ ជាងគេទីប្រាំនៅលើសកលលោក និងតែងបង្ហាញពីភាពធន់នៃសេដ្ឋកិច្ច នៅពេលប្រឈម នឹងភាពមិនប្រាកដប្រជាសកល ។ សម្តេចធិបតី បានបន្តថា យោងតាមការិយាល័យស្រាវជ្រាវម៉ាក្រូសេដ្ឋកិច្ចអាស៊ាន បូកបី (AMRO), សេដ្ឋកិច្ចអាស៊ាន ត្រូវបានព្យាករថានឹងមានកំណើន

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ការដាំដុះស្រូវរដូវប្រាំងរបស់ប្រជាកសិករនៅក្នុងខេត្តបាត់ដំបង មានការកើនឡើងរហូតដល់ប្រមាណ៣០០ភាគរយនៃផែនការ សរុបលើផ្ទៃដីជាង៦ម៉ឺនហិកតា និងធ្វើឱ្យបរិមាណស្រូវមានការកើនឡើងគួរឱ្យកត់សម្គាល់ដែលជួយជំរុញកំណើនសន្តិសុខស្បៀងនៅកម្ពុជា។ លោក អ៊ិន សុវណ្ណមុន្នី អនុប្រធានមន្ទីរកសិកម្ម រុក្ខាប្រមាញ់ និង នេសាទខេត្តបាត់ដំបង បានមានប្រសាសន៍ប្រាប់វិទ្យុជាតិកម្ពុជាថា ស្រូវគឺជាដំណាំមួយប្រភេទដែលមានសក្ដានុពលជាងគេបំផុតនៅក្នុងខេត្តបាត់ដំបង ដោយមានផ្ទៃដីបង្កបង្កើនផលស្រូវសរុបរហូតដល់ជាង៤៥ម៉ឺនហិកតា ដោយសារទឹកដីនៃខេត្តនេះ មានជីជាតិអំណោយផលក្នុងការដាំដុះដំណាំមួយប្រភេទនេះ។ លោកបានបន្តថា សម្រាប់ឆ្នាំនេះប្រជាកសិករបានផុសផុលក្នុងការ ធ្វើស្រូវប្រាំង ដែលមានចំនួនរហូតដល់៦៤.៥៥៦ហិកតា គឺមិនធ្លាប់មានពីមុនមក ដោយសារតែតម្លៃទីផ្សារស្រូវ មានការកើនឡើងជាងឆ្នាំមុនៗ អាចលក់ ចេញក្នុងតម្លៃចាប់ពី១,០០០ ទៅ១,៤០០រៀលក្នុង១គីឡូក្រាម ខណៈដែលកាលពីឆ្នាំមុន កសិករដាំដុះត្រឹមតែប្រមាណជិត៤ម៉ឺនហិកតាប៉ុណ្ណោះ តែសម្រាប់នៅឆ្នាំនេះគឺលើសផែនការដល់រហូត៣០៧.៤១% នៃផែនការដាំដុះសរុបចំនួនត្រឹមតែជាង២០.០០០ ហិកតាប៉ុណ្ណោះ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ក្រសួងទេសចរណ៍ នាថ្ងៃទី១ ខែមេសា ឆ្នាំ២០២៤នេះ បានជូនដំណឹងដល់ម្ចាស់អាជីវកម្មទេសចរណ៍ក្នុងខេត្តសៀមរាបថា ធនាគារសហគ្រាសធុនតូច និងមធ្យម កម្ពុជា (SME Bank) ដាក់ចេញនូវ “កម្មវិធីកម្ចីដោយផ្ទាល់ដល់ប្រតិបត្តិករទេសចរណ៍ក្នុងខេត្តសៀមរាប – Tourism Financing Scheme for Siem Reap – TFSS”។ (រូបតំណាង) តាមសេចក្តីជូនដំណឹងរបស់ក្រសួងទេសចរណ៍ បានបញ្ជាក់ថា ចំពោះទំហំហិរញ្ញប្បទាន គឺអាចធ្វើឡើង ចាប់ពី២០០០០ ដល់៦០០ ០០០ ដុល្លារអាមេរិក ឬសមមូលប្រាក់រៀល។

នរណាមិនរំភើប មិនស្រែកហ៊ោ បើខំធ្វើការពេញ ១ជីវិតហើយ មិនទាន់ស្គាល់រសជាតិសល់លុយទិញឡានថ្មីជិះផង ឥឡូវញុំាប៊ូសស្រ្តងត្រជាក់ៗ ១កំប៉ុង ត្រូវរង្វាន់ឡានថ្មី១គ្រឿង ស្រែកផ្អើលពេញការដ្ឋានសំណង់ហើយ មកផ្អើលពេញកម្មវិធីប៊ូសស្រ្តងសង្រ្កាន្តវិទ្យាល័យព្រែកឯងទៀត។ អបអរសាទរបងប្រុង ឆាំ ម៉ូសេ អាយុ 33ឆ្នាំ មុខរបរកម្មករសំណង់ ក្លាយជាម្ចាស់ឡានថ្មីខ្លាញ់គោពីប៊ូសស្រ្តង លេខរៀង 049 បច្ចុប្បន្នរស់នៅភូមិតាព្រហ្ម ឃុំព្រែកឯង ស្រុកច្បារអំពៅ រាជធានីភ្នំពេញ។ បងប្រុស ម៉ូសេ បាននិយាយថា មេឃក្ដៅខ្លាំងពេក ក៏ទិញប៊ូសស្រ្តងត្រជាក់ៗញុំា គាស់ផាច់ឃើញរូបឡានភ្លាម ស្រែកផ្អើលពេញមួយការដ្ឋាន និងបានថតបង្ហោះ ជាពិសេសបានទៅដើររកម្ចាស់ក្រុមហ៊ុនប៊ូសស្រ្តងផ្អើលពេញកម្មវិធីប៊ូសស្រ្តងសង្រ្កាន្តវិទ្យាល័យព្រែកឯង ដើម្បីពិនិត្យក្រវិលកំប៉ុងបញ្ជាក់ថាគាត់ពិតជាត្រូវរង្វាន់ឡាន និងកំណត់ថ្ងៃប្រគល់ឡានដល់ផ្ទះ។

សេដ្ឋកិច្ចកម្ពុជា ដែលធ្លាប់តែពឹងផ្អែកស្ទើរទាំងស្រុងលើវិស័យកសិកម្មបែបប្រពៃណី បានប្រែទៅជាសេដ្ឋកិច្ចទំនើប ដោយពឹងផ្អែកលើកសិកម្មវៃឆ្លាត ឧស្សាហកម្ម និងសេវាកម្ម និងមានការតភ្ជាប់កាន់តែខ្លាំងទៅនឹងខ្សែច្រវាក់តម្លៃ និងផ្គត់ផ្គង់តំបន់និងសកល រួមជាមួយនឹងការកើតមានឡើងនូវឧស្សាហកម្មថ្មីៗ ដែលមានតម្លៃបន្ថែមខ្ពស់ ព្រមទាំង ការបន្តពង្រឹង និងការពង្រីកពិពិធកម្មមូលដ្ឋានឧស្សាហកម្ម និងពាណិជ្ជកម្មអន្តរជាតិ។ នេះបើយោងតាម​ សារលិខិត សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ប្រធានកិត្តិយសគណៈកម្មាធិការជាតិជំរុញចលនាភូមិមួយផលិតផលមួយ ចូលរួមអបអរសាទរទិវាជាតិលើកកម្ពស់ការប្រើប្រាស់ផលិតផលខ្មែរ ៩មេសា លើកទី៧ ឆ្នាំ២០២៤ ក្រោមប្រធានបទ “ផលិតនិងផ្គត់ផ្គង់ទីផ្សារប្រកបដោយចីរភាព គឺជាចលនាភូមិ១ផលិតផល១»។ សម្តេចធិបតី នាយករដ្ឋមន្ត្រី បានបញ្ជាក់ថា ទោះជាយ៉ាងណាក្តី វឌ្ឍនភាពទាំងនេះ នៅមិនទាន់បានឆ្លើយតបទាំងស្រុងទៅនឹងបំណងប្រាថ្នាក៏ដូចជាមហិច្ឆតាក្នុងការសម្រេចបាននូវចក្ខុវិស័យកម្ពុជាឆ្នាំ២០៥០

(ភ្នំពេញ)៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នាថ្ងៃទី២៨ ខែមីនា ឆ្នាំ២០២៤ នៅទីស្តីការក្រសួង បានជួបពិភាក្សាការងារជាមួយលោក ស្យូយិ សាសាគិ (Shoji Sakaki) ប្រធានសម្ព័ន្ធជំរុញមិត្តភាពកម្ពុជា-ជប៉ុន នៃសភាខេត្តណាហ្គាណុរបស់ប្រទេសជប៉ុន ដោយពិភាក្សាផ្តោតជាសំខាន់លើការស្វែងរកឱកាសពង្រីកទីផ្សារការងារ និងពង្រឹងសមត្ថភាពជំនាញដល់ពលរដ្ឋកម្ពុជា។ ឯកឧត្តមរដ្ឋមន្ត្រី បានគូសបញ្ជាក់ថា ដោយសារតែទំនាក់ទំនងនយោបាយរបស់កម្ពុជា និងជប៉ុនបានឈានដល់កម្រិតយុទ្ធសាស្ត្រគ្រប់ជ្រុងជ្រោយ ទើបបើកឱកាសឱ្យមានកិច្ចសហប្រតិបត្តិការផ្សេងៗ ក៏ដូចជាឱកាសនៃការពង្រីកទីផ្សារការងាររវាងកម្ពុជា-ជប៉ុនផងដែរ។ ជាមួយគ្នានោះ លោក ស្យូយិ សាសាគិ បានលើកឡើងថាជប៉ុននាពេលបច្ចុប្បន្នកំពុងបើកចំហកាន់តែធំទូលាយលើកិច្ចសហប្រតិបត្តិការវិស័យការងារដែលបានអនុញ្ញាតដល់ពលរដ្ឋរបស់ប្រទេសក្នុងកិច្ចសហប្រតិបត្តិការឱ្យទទួលបានការណ្តុះបណ្តាលសមត្ថភាពជំនាញលើបច្ចេកទេសទំនើបៗរបស់ជប៉ុន។ ត្រង់ចំណុចនេះ ឯកឧត្តមរដ្ឋមន្ត្រី ក៏បានយល់ឃើញដូចគ្នាថា ការពង្រឹងជំនាញបច្ចេកទេសរបស់ប្រជាពលរដ្ឋជាកត្តាគន្លឹះសំខាន់មួយក្នុងកិច្ចសហការដែលកម្ពុជាចង់បាន។