សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា បានបញ្ជាក់ថា ក្រុងព្រះសីហនុនឹងមិនត្រូវបានបិទឡើយ បើទោះបីជាការរកឃើញករណីវិជ្ជមានវីរុសកូវីដ១៩ បានបន្តកើនឡើង ក៏ដោយ។ សម្តេចតេជោ នាយករដ្ឋមន្រ្តី បានអះអាងបែបនេះ នៅក្នុងសារសម្លេងពិសេសមួយ នាយប់ថ្ងៃទី០៣ ខែមីនា ឆ្នាំ២០២១នេះ ដោយបញ្ជាក់ថា៖ “យើងមិនអាចបិទទីក្រុងទាំងស្រុងបានទេ ដោយសារតែវាពាក់ព័ន្ធជាមួយនឹងការនាំចូល និងនាំចេញទំនិញ” ។ សម្តេចប្រមុខរាជរដ្ឋាភិបាល បានណែនាំដល់អាជ្ញាធរមានសមត្ថកិច្ច ឱ្យបិទចរាចរណ៍មនុស្សកុំឱ្យចេញពីខេត្តព្រះសីហនុ ដើម្បីទប់ស្កាត់ការរីករាលដាល នៃជំងឺកូវីដ១៩ ទៅខេត្តផ្សេងទៀត ដូចជាខេត្តកែប កំពត និងតាមផ្លូវជាតិលេខ៤។ សម្តេចបានមានប្រសាសន៍ថា៖ “យើងត្រូវគ្រប់គ្រងឱ្យបានស្ថានការណ៍ទាំងឡាយដែលបាន និងកំពុងវិវត្តអាក្រក់នៅទីនោះ។

ក្រសួងសាធារណការ និងដឹកជញ្ជូនបានអះអាងថា ដំណើរការសាងសង់ផ្លូវល្បឿនលឿនពីភ្នំពេញទៅក្រុងព្រះសីហនុកំពុងប្រព្រឹត្តទៅដោយរលូន ដែលអាចនឹងចប់រួចរាល់ ជាស្ថាពរនៅត្រឹមពាក់កណ្តាលឆ្នាំ២០២២ តាមផែនការដែលបានកំណត់។ ឯកឧត្តម វ៉ា ស៊ីមសូរិយា អ្នកនាំពាក្យក្រសួងសាធារណការនិងដឹកជញ្ជូន បានមានប្រសាសន៍ប្រាប់វិទ្យុជាតិកម្ពុជាឱ្យដឹងថា មកដល់ពេលនេះការដ្ឋានសាងសង់ផ្លូវល្បឿនលឿន សម្រេចបាន ៣៦.៣៨ភាគរយហើយ បើទោះបីបញ្ហានៃការរាតត្បាត ជាសកលនៃជំងឺកូវីដ-១៩ក៏ដោយ ប៉ុន្តែមិនបានធ្វើឱ្យប៉ះពាល់ដល់គម្រោងស្ថាបនាផ្លូវល្បឿនលឿនលើកដំបូងនៅកម្ពុជានេះទេ ដោយក្រុមជំនាញបាននិងកំពុងយកចិត្តទុកដាក់អំពីកិច្ចការសាងសង់ឱ្យចប់រួចរាល់តាមផែនការ ។ ឯកឧត្តមបាន បញ្ជាក់ថា ក្រសួងកំពុងតែបន្តសហការជាមួយក្រុមហ៊ុន ដោយបន្តធ្វើការដោះស្រាយផលប៉ះពាល់ ដោយសារតែមាន ការផ្លាស់ប្តូររចនាប្លង់ខ្លះ ទៅតាមការស្នើសុំរបស់ក្រុមហ៊ុន ខាងរដ្ឋបាលជាតិ ក៏ដូចជាក្រសួងជាដើម ដើម្បីធ្វើយ៉ាងឱ្យផ្លូវ មានសុវត្ថិភាព គុណភាពប្រើប្រាស់បានយូរអង្វែង ។ «តាមរយៈការតាមដានជារៀងរាល់ថ្ងៃផ្លូវល្បឿនលឿនពីភ្នំពេញទៅក្រុងព្រះសីហនុសម្រេចបាន ៣៦.៣៨ភាគរយ

គណៈរដ្ឋមន្រ្តីថៃកាលពីថ្ងៃអង្គារ ទី០២ ខែមីនា បានអនុម័ត​ថវិកាចំនួន ៦.៣ ពាន់លានបាត (ប្រមាណ ២១០លានដុល្លារ) ដើម្បីទិញវ៉ាក់សាំងកូវីដ-១៩ AstraZeneca ចំនួន ៣៥ លានដូសបន្ថែមទៀត ដែលនាំឲ្យចំនួនវ៉ាក់សាំង​សរុបមាន ៦៣ លានដូស។ យោងតាមអ្នកនាំពាក្យរដ្ឋាភិបាលថៃ វ៉ាក់សាំងថ្មីនឹងមកដល់ប្រទេសថៃ ក្នុងពេលដំណាលគ្នាជាមួយវ៉ាក់សាំងចិន ដោយក្នុងនោះវ៉ាក់សាំង AstraZeneca មានចំនួន ២៦ លានដូស និងវ៉ាក់សាំងរបស់ចិន Sinovac មានចំនួន ២ លានដូសដែលបានបញ្ជាទិញកាលពីពេលមុន។ ជាមួយគ្នានេះដែរ ក្រៅពីការបញ្ជាទិញបន្ថែម ក្រសួងសុខាភិបាលប្រទេសថៃ នៅតែកំពុងចរចាទិញវ៉ាក់សាំងបន្ថែមពីក្រុមហ៊ុនផលិតផ្សេងទៀត ខណៈដែលរដ្ឋាភិបាលត្រៀមបើកការចុះឈ្មោះសម្រាប់ការចាក់វ៉ាក់សាំងដល់ប្រជាជន។

យោងតាមការចុះផ្សាយរបស់ក្រសួងព័ត៌មាននាថ្ងៃនេះ បានឲ្យដឹងថា អាកាសយានដ្ឋានខេត្តមណ្ឌលគិរី គ្រោងចំណាយទុនវិនិយោគប្រមាណ ១០០លានដុល្លារអាមេរិក ដើម្បីសាងសង់ជាប្រភេទ 4C លើផ្ទៃដីទំហំប្រមាណជាង ៣០០ហិកតា ។ ឯកឧត្តម ស៊ីន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិល បានប្រាប់វិទ្យុជាតិកម្ពុជាឱ្យដឹងថា បច្ចុប្បន្នក្រុមការងារបច្ចេកទេស និងក្រុមហ៊ុន Power China Group បានកំពុងសិក្សានិងចរចារួមគ្នា មុនឈានដល់ការ ចុះកិច្ចព្រមព្រៀងជាមួយរាជរដ្ឋាភិបាលកម្ពុជាលើការងារសាងសង់។ ឯកឧត្តមបញ្ជាក់ថា ការចចារនេះត្រូវចំណាយពេលវេលា ប្រមាណជាង៨ខែទៀត ពោលគឺអាចឈានទៅដល់ចុងឆ្នាំ ២០២១ ឬដើមឆ្នាំ២០២២ ទើបអាចដំណើរការសាងសង់បាន ។ « អ៊ីចឹងការសាងសង់យើងរំពឹងទុកថានៅចុងឆ្នាំ២០២១នេះ ទី២

ក្រុមហ៊ុនពាណិជ្ជកម្មជប៉ុន Toyota Tsusho Corp កំពុងទិញភាគហ៊ុនក្នុងក្រុម​ហ៊ុន ATP30 Public Co ដែលជាប្រតិបត្តិកររថយន្តក្រុងដឹកអ្នកដំណើរសម្រាប់តំបន់ឧស្សាហកម្មក្នុងប្រទេសថៃ ដើម្បីលើកកម្ពស់ភាពចល័តឆ្លាតវៃសម្រាប់សេវាកម្មរបស់ខ្លួន។ ក្រុមហ៊ុន Toyota Tsusho បាននិយាយកាលពីសប្ដាហ៍មុនថា ក្រុមហ៊ុនពាណិជ្ជកម្មរបស់ជប៉ុន Toyota Motor Corp កំពុងទិញភាគហ៊ុន ៩,៥% នៅក្នុងក្រុមហ៊ុន ATP30 ក្នុងតម្លៃ ៦៤,៣៥ លានបាត (២ លានដុល្លារ) តាមរយៈអង្គភាពក្នុងស្រុករបស់ខ្លួនគឺក្រុមហ៊ុន Toyota Tsusho Thai Holdings Co ។

លោកនាយករដ្ឋមន្រ្តីថៃ ប្រាយុធ ចានអូចា បានមានប្រសាសន៍ថា រដ្ឋាភិបាលនឹងពិនិត្យមើលការប្រើប្រាស់លិខិតឆ្លងដែន Covid-19 នាពេលអនាគត ដោយកាលពីថ្ងៃអង្គារលោកនាយករដ្ឋមន្រ្តី បានបញ្ជាឱ្យក្រសួងការបរទេសធ្វើការសិក្សាស្រាវជ្រាវលើការអនុម័តលិខិតឆ្លងដែនវ៉ាក់សាំង Covid-19 ដើម្បីឆ្លើយតបសម្រាប់ការធ្វើដំណើរនាពេលអនាគត ក្រោមទម្លាប់ថ្មី ដែលប្រទេសដទៃកំពុងព្យាយាមផ្លាស់ប្ដូរ និងសម្របតាមនាពេលបច្ចុប្បន្ន។ បើតាមការចុះផ្សាយរបសសារព័ត៌មាន Bangkok Post បានឲ្យដឹងថា លិខិតឆ្លងដែននេះ នឹងរួមបញ្ចូលទាំងវិញ្ញាបនប័ត្រដែលបញ្ជាក់ថា អ្នកកាន់បានចាក់វ៉ាក់សាំងការពារ​វីរុស Covid-19 ដែលត្រូវបានទទួលស្គាល់រួចរាល់។ លោក ប្រាយុធ ចានអូចា បានលើកឡើងថា ទោះជាយ៉ាងណាក៏ដោយ រហូតមកទល់ពេលនេះមិនទាន់មានការសន្និដ្ឋានណាមួយ ដែលអាចធានាថា ប្រព័ន្ធលិខិតឆ្លងដែនវ៉ាក់សាំង Covid-19 នឹងមានប្រសិទ្ធភាពនៅពេលអនុវត្តនៅកម្រិតអន្តរជាតិនោះទេ។ លោកបានមានប្រសាសន៍ថា៖

អស្ចារ្យពេកហើយ មិនអស់អីផងគ្រាន់តែតេចូលក៏បានឈ្នះលុយសុទ្ធដែរ។ អបអរសាទរអ្នកតេឈ្នះលុយជាច្រើននាក់ដែលបានតេចូលហើយបានឈ្នះលុយជាច្រើនពីកម្មវិធីប៊ូសស្រ្តងតេឈ្នះលុយ។ កំពូលកម្មវិធីមហាសំណាងនេះ មានផ្សាយផ្ទាល់រៀងរាល់ថ្ងៃសៅរ៍ ចាប់ពីម៉ោង11ព្រឹក រហូតដល់ម៉ោង12:30ថ្ងៃត្រង់ នៅលើស្ថានីយទូរទស្សន៍ CTN។ កាលពីសប្តាហ៍មុនមានអ្នកតេចូលហើយបានឈ្នះលុយរហូតទៅដល់៥នាក់និងបានទទួលលុយសុទ្ធក្នុងសប្តាហ៍នេះមានដូចជា ធុន ចន័្ទកញ្ញា មកពីខេត្តកំពង់ចាម បានឈ្នះ៨០ម៉ឺនរៀល, តឹក វ៉ាន់នី មកពីខេត្តកំពង់ចាម បានឈ្នះ ៨០ម៉ឺនរៀល, អ៊ុត សុក្រ មេសា ជាអ្នកភ្នំពេញ បានឈ្នះ៤០ម៉ឺនល, ឈុន សុផាន់ មកពីខេត្តតាកែវ បានឈ្នះ ៨០ម៉ឺនរៀល, វ៉ៃ លីន មកពីសៀមរាប បានឈ្នះ៨០ម៉ឺនរៀល។ កំពូលកម្មវិធីដ៏អស្ចារ្យនេះឲ្យតែតេចូល

រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទ បានឱ្យដឹងថា ពូជប៉េងប៉ោះ OPV (Open Pollinated Variety) បានដើរតួនាទីយ៉ាងសំខាន់ក្នុងផលិតកម្មដំណាំបន្លែ ជាពិសេសចំពោះកសិករក្រីក្រ ឬ កសិករខ្នាតតូចដែលដាំដុះ សម្រាប់ បរិភោគក្នុងគ្រួសារ ព្រោះវាផ្តល់ទិន្នផលខ្ពស់ ហើយធន់ទ្រាំនឹងលក្ខខណ្ឌអាកាសធាតុនៅកម្ពុជាទៀតផង។ ឯកឧត្តម វេង សាខុន រដ្ឋមន្រ្តីក្រសួងកសិកម្ម រុក្ខាប្រមាញ់និងនេសាទបានឱ្យដឹងថា ពូជគឺជាកត្តាសំខាន់ដំបូង ដែលកសិករ ត្រូវគិតគូរពិចារណាឱ្យបានល្អិតល្អន់ មុនសម្រេចចិត្តដាំបន្លែប៉េងប៉ោះ ហើយជាបច្ចេកទេស ការប្រើប្រាស់គ្រាប់ពូជបន្លែ ដែលមានគុណភាពល្អ មានលក្ខណៈធន់ទ្រាំទៅនឹងការបំផ្លាញពីសត្វល្អិត ជំងឺ និងអាកាសធាតុ រួមជាមួយការមើលថែទាំឱ្យ បានដិតដល់ គឺជាកត្តាសំខាន់ដែលធ្វើឱ្យកសិករទទួលបានទិន្នផលខ្ពស់

(ភ្នំពេញ)៖ ក្រសួងសុខាភិបាល បានចេញសេចក្តីប្រកាសព័ត៌មាន ដោយបញ្ជាក់ថា ព្រះរាជាណាចក្រកម្ពុជា ស្ថិតនៅក្នុងចំណោមប្រទេសដំបូងគេដែលទទួលបានវ៉ាក់សាំងកូវីដ-១៩ AstraZeneca/SII ពីអង្កការ Covax៕ សូមអានខ្លឹមសារទាំស្រុងដូចខាងក្រោម៖

យោងតាមរបាយការណ៍របស់អគ្គនាយកដ្ឋានកសិកម្មដោយផ្អែកលើប្រព័ន្ធទិន្នន័យគ្រឺះភូតគាមអនាម័យ បានឲ្យដឹងថា ការនាំចេញផលិតផលកសិកម្មក្រៅពីអង្ករ ក្នុងរយៈពេល២ខែ ដើមឆ្នាំ២០២១ នេះ មានចំនួន ១ ៥៩៩ ៩២២,៣៧ តោន មានការកើនឡើងចំនួន ៥៦៩ ៤៩៣,៨៨ តោន ស្មើនឹង ៥៥.២៧% បើធៀបទៅនឹងឆ្នាំ២០២០ ដែលបាននាំចេញទៅកាន់គោលដៅចំនួន ២៥ប្រទេស។ ប្រភពដដែលបានឲ្យដឹងថា ក្នុងចំណោមផលិតផលដែលបាននាំចេញទាំងអស់ មានផលិតផលមួយចំនួនបានទទួលបញ្ជាទិញបានច្រើនជាងគេ ដូចជា៖ ដំឡូងមីក្រៀមមានចំនួន ៨០២ ៤៥១,៥៦ តោន, ដំឡូងមីស្រាស់មានចំនួន ១៥៤ ៧៥០,០០ តោន , ស្រូវចំនួន