វីរៈកងទ័ព លះបង់សាច់ស្រស់ឈាមស្រស់ដើម្បីការពារជាតិមាតុភូមិ រីឯបងប្អូនខ្មែរនៅជាយដែនក៏ត្រូវភៀសខ្លួនក្រោមស្នូរកាំភ្លើងពីការឈ្លានពានរបស់ថៃទៅកាន់ទីកន្លែងមានសុវត្ថិភាព ដោយគ្មានផ្ទះ គ្មានសាលារៀន ប៉ុន្តែមានក្ដីសង្ឃឹម តាមរយៈបងប្អូនខ្មែររួមគ្នាតែមួយ មិនចោលគ្នាក្នុងគ្រាលំបាក។ ក្រុមហ៊ុន Boostrong, ទឹកផ្លែឈើ Freshy, GANZBERG និងភេសជ្ជៈ Idol ចូលរួមឧបត្ថម្ភអង្ករ ១០០តោន និងភេសជ្ជៈ៣០០០កេស ជូនបងប្អូនភៀសសឹកនៅឧត្តរមានជ័យ និងព្រះវិហារ។ ហើយក៏បានបន្ថែមអង្ករ ១២០ តោន, ភេសជ្ជៈ ៣,០០០ កេស, កន្ទេល ១០០០០ និងភួយ ១០០០០ ជូនបងប្អូនភៀសសឹកនៅខេត្តសៀមរាប និងបាត់ដំបង។ ពួកយេីងសូមបួងសួងដល់វត្ថុស័កសិទ្ធទាំងឡាយ ជួយកងទ័ពកម្ពុជាក៏ដូចជាប្រទេសកម្ពុជាទាំងមូលទទួលបានជ័យជម្នះ

យោងតាមការចុះផ្សាយរបស់ ក្រសួងព័ត៌មាន លោកស្រី លី ជៀ (Li Jie) ប្រធានក្រុមហ៊ុន Xingtai Shunhe Biotechnology Co., Ltd. ដែលជា​ក្រុមហ៊ុនឈាន​មុខ​គេក្នុងការផ្គត់ផ្គង់ថាមពល (ប្រេងឥន្ធនៈ​ពីអេតាណុល)នៅប្រទេសចិន បានបង្ហាញពីបំណងវិនិយោគនៅ​កម្ពុជា​ក្នុង​វិស័យថាមពលស្អាត និងថាមពលកកើតទ្បើងវិញនៅកម្ពុជា។ បំណងវិនិយោគនេះបានបង្ហាញឱ្យដឹងនៅក្នុងជំនួបពិភាក្សាការងារកាលពីព្រឹកថ្ងៃទី២៣ ខែកក្កដា ឆ្នាំ២០២៥​នៅទីស្តីការក្រុមប្រឹក្សាអភិវឌ្ឍន៍កម្ពុជា​រវាងឯកឧត្តម ជា វុទ្ធី អគ្គលេខាធិការគណៈ​កម្មាធិការ​វិនិយោគកម្ពុជានៃក្រុម​ប្រឹក្សាអភិវឌ្ឍន៍កម្ពុជា និងសហការី ជាមួយលោកស្រី លី ជៀ (Li Jie) ប្រធានក្រុមហ៊ុន Xingtai Shunhe Biotechnology Co.,

យោងតាមការចុះផ្សាយនៅលើផេកផ្លូវសម្ដេចតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា កាលពីថ្ងៃទី២២ ខែកក្កដា ឆ្នាំ២០២៥ បានឱ្យដឹងថា ក្រុមហ៊ុនធំមួយរបស់កាតា បានដាក់ទិសដៅវិនិយោគនៅអាស៊ីអាគ្នេយ៍ ដោយចាប់ផ្តើមការវិនិយោគនៅកម្ពុជា។ នាព្រឹកថ្ងៃអង្គារ ទី២២ ខែកក្កដា ឆ្នាំ២០២៥ សម្ដេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភានៃព្រះរាជាណាចក្រកម្ពុជា បានអនុញ្ញាតឱ្យ លោក Fahd Al Dosari ប្រធានផ្នែកទំនាក់ទំនង និងជាទីប្រឹក្សាពិសេសនៃ Sheikh Mansour bin Jabor Al Thani និង គណៈប្រតិភូនៃក្រុមហ៊ុន

កូនល្អ ជាទ្រព្យនាំលាភសំណាង ខំធ្វើការរកលុយជួយគ្រួសាររហូតខ្លួនឯងឈឺហើយ នៅតែនាំលាភចូលផ្ទះឱ្យឪពុកត្រូវរង្វាន់កូនល្អពីប៊ូសស្រ្តងបានលុយជិត 2ពាន់ដុល្លារ មិនឱ្យគ្រួសារពិបាកអស់លុយព្យាបាលជំងឺ។ ម្ចាស់រង្វាន់កូនល្អពីប៊ូសស្រ្តង 888$ គុណ2 ឪពុកឈ្មោះ ឆឹង អ៊ាន ជាអ្នកនេសាទ និងកូនស្រីឈ្មោះ ឆឹង ម៉េងដានី ធ្វើការរោងចក្រ នៅក្រុងព្រះសីហនុ ខេត្តព្រះសីហនុ។ បើតាមសម្ដីប្អូនស្រី ដានី បានប្រាប់ថា គាត់កំពុងសម្រាកព្យួរសេរ៉ូម ស្រាប់តែឪពុកដាស់ឱ្យជួយមើលក្រវិលកំប៉ុងប៊ូសស្រ្តង ក៏ឃើញរង្វាន់កូនល្អភ្លាម លោតស្រែកហ៊ោឱបឪពុកទាំងដៃនៅព្យួរសេរ៉ូមផ្អើលពេញពេទ្យ ភ្លេចថាខ្លួនកំពុងឈឺ ព្រោះចិត្តរំភើបពេក។ នេះបានថា ទីណាផឹកប៊ូសស្រ្តង ទីនោះមានលាភសំណាងធំ។ ប៊ូសស្រ្តង រង្វាន់ច្រើន ឆ្ងាញ់ជាងគេ!!

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ទំហំនាំចេញផលិតផលរបស់កម្ពុជា ទៅកាន់ទីផ្សារអន្តរជាតិក្នុងរយៈពេល ឆមាស ទី១ឆ្នាំ២០២៥មានចំនួនជាង ១៤ ពាន់លានដុល្លារអាម៉េរិក ពោលកើនឡើង ប្រមាណជាង ១៦,១ភាគរយ ធៀបនឹងឆមាសទី១ ឆ្នាំ២០២៤ ខណៈដែល​ទំហំពាណិជ្ជកម្មសរុបកម្ពុជា-អន្តរជាតិ មានចំនួនជាង ៣០,៦៩៧ពាន់ លាន​ដុល្លារអាម៉េរិក។ នេះបើតាម​របាយការណ៍​របស់អគ្គនាយកដ្ឋានគយ និងរដ្ឋាករកម្ពុជា​បង្ហាញនៅក្នុងកិច្ចប្រជុំបូកសរុបលទ្ធផលឆមាសទី១ និងលើកទិសដៅការងារក្នុង​ឆមាសទី២ ឆ្នាំ២០២៥កាលពីចុងសប្ដាហ៍កន្លងទៅ។ ក្នុងកិច្ចប្រជុំនោះឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី ទទួលបន្ទុកអគ្គនាយកនៃ​អគ្គនាយក​ដ្ឋានគយ និងរដ្ឋាករកម្ពុជា បានឱ្យដឹងថា ទំហំពាណិជ្ជកម្មនាំចេញមានចំនួន ១៤ ៤១៨,៨ លានដុល្លារគឺកើន​ឡើងប្រមាណ ១៦,១ភាគរយ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ឆមាសទី១ ឆ្នាំ២០២៥ គិតចាប់ពីខែមករា ដល់ខែមិថុនាខេត្តសៀមរាបទទួលបាន​ភ្ញៀវទេសចរ ជិត៣លាននាក់។ចំនួននេះបង្ហាញពីការកើនឡើងជាង ៥០ ភាគរយ បើប្រៀបធៀបនឹងរយៈពេលដូចគ្នានាឆ្នាំ២០២៤។ លោក ង៉ូវ សេងកាក់ អភិបាលរងខេត្តសៀមរាបបានឱ្យដឹងថា ក្នុងរយៈពេល៦ខែ​កន្លងទៅនេះ ខេត្តសៀមរាប​ទទួល​បានភ្ញៀវទេសចរប្រមាណ ២ ៨៩៣ ០០៨នាក់ កើនឡើង ៥០.៩១ភាគរយបើប្រៀបធៀបនឹងឆ្នាំ២០២៤ ក្នុងនោះ​ទេសចរជាតិចំនួន ២ ៣២៥ ៣៣៥នាក់ កើនឡើង ៦៦.៦៨ភាគរយ និង​ទេសចរ​អន្តរជាតិមានចំនួន ៥៦៧ ៦៧៣នាក់ កើនឡើង ៨.៧៦ភាគរយ ។

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា នារសៀលថ្ងៃទី១០ ខែកក្កដា ឆ្នាំ២០២៥ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញជាអធិបតីភាពដ៏ខ្ពង់ខ្ពស់ក្នុងពិធីចុះហត្ថលេខាលើអនុស្សរណៈនៃការយោគយល់គ្នារវាងក្រសួងកសិកម្ម រុក្ខាប្រមាញ់ និងនេសាទ ជាមួយធនាគារអភិវឌ្ឍន៍ជនបទនិងកសិកម្ម(ARDB) សាជីវកម្មធានាឥណទានកម្ពុជា(CGCC) និងធនាគារពាណិជ្ជកម្មក្រៅប្រទេសនៃកម្ពុជា(FTB) នៅទីស្តីការក្រសួង។ នៅចំពោះមុខអង្គពិធី ឯកឧត្តមរដ្ឋមន្ដ្រី បានលើកឡើងថានេះជាសមិទ្ធផលថ្មីនៃការខិតខំប្រឹងប្រែងរបស់ក្រសួងកសិកម្ម សហការជាមួយដៃគូសម្រាប់ការអភិវឌ្ឍន៍វិស័យកសិកម្មកម្ពុជា ធានាឱ្យបាននូវសន្តិសុខស្បៀង និងនិរន្តរភាពសេដ្ឋកិច្ច និងបរិស្ថាន ស្របតាមទស្សនទាន «មានហូប មានប្រើ មានបាន និងមានរហូត។ បើតាមឯកឧត្តមរដ្ឋមន្ត្រី សហគមន៍កសិកម្មទំនើប គឺជាដំណោះស្រាយមួយដ៏ល្អជួយដល់ប្រជាកសិករទទួលបានទុនកម្ចីសម្រាប់ផលិតកម្មចំគោលដៅ

ករណីគួរឲ្យភ្ញាក់ផ្អើលបំផុត ប្ដីប្រពន្ធ មួយគូភ័យស្ទើរគ្រុន ទិញប៊ូសស្រ្តង ត្រូវរង្វាន់ធំ តែបែរជាច្រលំកាត់កំប៉ុងមើលមុនក្រុមហ៊ុនចុះមកពិនិត្យ ដោយមិនដឹងថាក្រុមហ៊ុនហាមដាច់ខាតមិនឲ្យកាត់កំប៉ុងបែបនេះឡើយ គឺខុសគោលការណ៍។ ប្ដីប្រពន្ធ មួយគូនេះ ប្ដីឈ្មោះ ណឹម សំណាង និងប្រពន្ធឈ្មោះ សយ ចេស្នា ធ្វើការរោងចក្រ ត្រូវរង្វាន់ប្រពន្ធល្អ 888$ គុណ2 ស្មើទឹកប្រាក់ 1776$ នៅខណ្ឌដង្កោ រាជធានីភ្នំពេញ។ ពួកគាត់ត្រេកអរខ្លាំងពេកក៏បានកាត់កំប៉ុងដើម្បីពិនិត្យមើលឲ្យច្បាស់ ធ្វើឲ្យអ្នកជិតខាងភ័យជំនួសខ្លាចខុសគោលការណ៍ក្រុមហ៊ុន គេមិនបើករង្វាន់ជូន។ ពួកគាត់ភ័យផង អរផង ខលមកក្រុមហ៊ុនដើម្បីសួរនាំ ទើបសប្បាយចិត្តវិញ គឺក្រុមហ៊ុនប៊ូសស្រ្តង អនុគ្រោះ និងចុះត្រួតពិនិត្យក្រវិលកំប៉ុងម្ដងទៀតដើម្បីបើករង្វាន់ជូន។