ប្រទេសកូរ៉េខាងត្បូង កំពុងត្រៀមថវិកាបន្ថែមទី៤ ក្នុងឆ្នាំនេះប្រមាណ ៦.៦ ពាន់លានដុល្លារ ដើម្បីជួយដល់អាជីវកម្មខ្នាតតូចដែលកំពុងជួបការលំបាក ក្នុងការបិទទ្វារខណៈមានការរឹតត្បិតប្រទេសដែលមិនធ្លាប់មានពីមុនមក ដើម្បីទប់ស្កាត់ការរីករាលដាលនៃជំងឺ Covid-19 ។ នៅក្នុងកិច្ចប្រជុំគោលនយោបាយសេដ្ឋកិច្ចបន្ទាន់ប្រធានាធិបតីកូរ៉េខាងត្បូង Moon Jae-in បាននិយាយថា ការចំណាយ ៧.៨ ទ្រីលានវ៉ុន (៦.៥៨ ពាន់លានដុល្លារ) នឹងត្រូវប្រើសម្រាប់ការទូទាត់ជាសាច់ប្រាក់ ដល់អាជីវកម្មខ្នាតតូច ក៏ដូចជាគ្រួសារសម្រាប់ទូទាត់វិក្កយបត្រតាមទូរស័ព្ទចល័ត។ លោក Moon បន្តថា « រលកទី២ នៃជំងឺរាតត្បាតដែលមិនបានរំពឹងទុកនេះ កំពុងពន្យារពេលនៃការងើបឡើងវិញ ហើយសកម្មភាពសេដ្ឋកិច្ច តម្រូវការ និងការប្រើប្រាស់ក្នុងស្រុកកំពុងធ្លាក់ចុះយ៉ាងខ្លាំង »។ ថវិកាបន្ថែមលើកទី៤

ការរឹតត្បិតរបស់អាហ្រ្វិកខាងត្បូងក្នុងការទប់ស្កាត់ការរីករាលដាលនៃវីរុស Covid-19 បានធ្វើឲ្យសេដ្ឋកិច្ចឈានទៅរកការធ្លាក់ចុះយូរបំផុតមិនធ្លាប់មានក្នុងរយៈពេល ២៨ឆ្នាំមកនេះ ដោយនៅក្នុងត្រីមាសទី២ ផលិតផលក្នុងស្រុកសរុបធ្លាក់ចុះច្រើនជាងការរំពឹងទុក។ យោងតាមស្ថិតិអាហ្វ្រិកខាងត្បូងបានបង្ហាញកាលពីថ្ងៃអង្គារនៅរដ្ឋធានី Pretoria បានឲ្យដឹងថា ផលិតផលក្នុងស្រុកសរុបប្រចាំឆ្នាំបានធ្លាក់ចុះ ៥១% គិតចាប់ពីខែមិថុនាធៀបនឹងត្រីមាសមុន ហើយបើធ្វើការប្រៀបធៀបនឹងរយៈពេល ៣ ខែដំបូងនៃឆ្នាំនេះ ធ្លាក់ចុះ ១.៨%។ ប្រភពដដែលបានឲ្យដឹងថា នេះគឺជាការធ្លាក់ចុះខ្លាំងបំផុតចាប់តាំងពីឆ្នាំ ១៩៩០ និងបានពង្រីកវិបត្តិសេដ្ឋកិច្ចទៅដល់ត្រីមាសទី៤ ដែលជារយៈពេលវែងបំផុតនៃការធ្លាក់ចុះប្រចាំត្រីមាសជាប់ៗគ្នាចាប់តាំងពីឆ្នាំ ១៩៩២ ។ ជាមួយគ្នានេះការប៉ាន់ប្រមាណជាមធ្យមរបស់សេដ្ឋវិទូចំនួន ១៧ នាក់នៅក្នុងការអង្កេតរបស់ទីភ្នាក់ងារព័ត៌មាន Bloomberg បានបង្ហាញថា ការធ្លាក់ចុះទិន្នផលមានចំនួន ៤៧.២% ធៀបនឹងត្រីមាសមុន។ ហើយក្នុងរយៈពេលពីមួយឆ្នាំទៅមួយឆ្នាំសេដ្ឋកិច្ចបានធ្លាក់ចុះ ១៧.១%

យោងតាមលទ្ធផលនៃកិច្ចប្រជុំ ក្រុមប្រឹក្សាជាតិពិភាក្សាប្រាក់ឈ្នួលអប្បបរមាអាណត្តិទី១ ឆ្នាំទី២ នាព្រឹកថ្ងៃទី១០ ខែកញ្ញា ឆ្នាំ២០២០ នេះបានឲ្យដឹងថា រាជរដ្ឋាភិបាលបានសម្រេចចុងក្រោយ ដំឡើងប្រាក់ឈ្នួលដល់កម្មករនិយោជិតក្នុងវិស័យវាយនភណ្ឌ កាត់ដេរសម្លៀកបំពាក់ និងផលិតស្បែកជើង ចំនួន ១៩២ដុល្លារ សម្រាប់ឆ្នាំ២០២១ ខាងមុខនេះ។ កិច្ចប្រជុំសម្រេចចុងក្រោយនេះ ត្រូវបានធ្វើឡើងនៅទីស្ដីការក្រសួងការងារ និងបណ្តុះបណ្តលវិជ្ជាជីវៈ ក្រោមអធិបតីភាព លោក អ៉ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ដោយមានការចូលរួមពីសមាសភាពត្រីភាគី មានភាគីរាជរដ្ឋាភិបាល ភាគីសហជីព និងភាគនិយោជកផងដែរ។ ជាលទ្ធផលក្នុងកិច្ចប្រជុំសម្រេចចុងក្រោយនេះ ភាគីទាំងអស់បានឯកភាពគាំទ្រដល់តួលេខ ១៩០ដុល្លារ ក្នុងគោលបំណងរក្សាចំនួនប្រាក់ឈ្នួលកម្មករ ឱ្យនៅដូចឆ្នាំ២០២០ដដែលដោយសារតែវិបត្តិកូវីដ១៩ និងវិបត្តិសេដ្ឋកិច្ច។

ពាណិជ្ជកម្មរបស់មីយ៉ាន់ម៉ាជាមួយបរទេស តាមរយៈច្រកព្រំដែនបានកើនឡើងជាង ៩.៦ ពាន់លានដុល្លារគិតត្រឹមថ្ងៃទី ២៨ ខែសីហា ក្នុងឆ្នាំសារពើពន្ធ ២០១៩-២០២០ ដែលបានចាប់ផ្តើមនៅក្នុងខែតុលា នេះបើយោងតាមតួលេខចេញផ្សាយដោយក្រសួងពាណិជ្ជកម្មកាលពីថ្ងៃពុធ ទី ៩ ខែកញ្ញា។ ក្នុងអំឡុងពេលនេះ ការនាំចេញរបស់មីយ៉ាន់ម៉ាតាមរយៈច្រកព្រំដែនរកចំណូលបានជាង ៦.៤ ពាន់លានដុល្លារ ខណៈដែលការនាំចូលរបស់ខ្លួនទទួលបានជាង ៣.១ ពាន់លានដុល្លារ។ យោងតាមតួលេខរបស់ក្រសួងពាណិជ្ជកម្មមីយ៉ាន់ម៉ាបានឱ្យដឹងថា ការធ្វើពាណិជ្ជកម្មតាមព្រំដែននៅក្នុងឆ្នាំសារពើពន្ធនេះ បានកើនឡើងជាង ២៤៤ លានដុល្លារ បើធៀបទៅនឹងរយៈពេលដូចគ្នានៃឆ្នាំសារពើពន្ធ ឆ្នាំ ២០១៨-២០១៩ ដែលបានកត់ត្រាជាង ៩.៤ ពាន់លានដុល្លារ។ គួរឱ្យដឹងផងដែរថា​​ ប្រទេសមីយ៉ាន់ម៉ាធ្វើពាណិជ្ជកម្មតាមព្រំដែនជាមួយប្រទេសចិន ថៃ

ខេត្តកំពតដែលជាខេត្តមួយក្នុងចំណោមខេត្តជាប់ឆ្នេរសមុទ្រទាំង ៤ របស់ប្រទេស បានកំណត់គោលដៅទាក់ទាញភ្ញៀវទេសចរឲ្យបានរហូតដល់ ២,៥ លាននាក់នៅឆ្នាំ ២០២៣ ព្រោះបច្ចុប្បន្នខេត្តនេះកំពុងអភិឌ្ឍទិសដៅទេសចរណ៍ ផលិតផលទេសចរណ៍ថ្មីៗ និងកែលម្អហេដ្ឋារចនាសម្ព័ន្ធដើម្បីគាំទ្រវិស័យនេះ។ ការកំណត់គោលដៅនេះ ត្រូវបានចែករំលែកនៅក្នុងសិក្ខាសាលាផ្សព្វផ្សាយស្តីពីផែនការអភិវឌ្ឍទេសចរណ៍ឆ្នាំ២០១៩-២០២៣ ដែលបានធ្វើឡើងនៅថ្ងៃទី០៩ ខែកញ្ញា នៅសាលប្រជុំសាលាខេត្តកំពត។ នៅក្នុងកិច្ចប្រជុំនោះ អភិបាលខេត្តកំពត ឯកឧត្ដម ជាវ តាយ បានមានប្រសាសន៍ថា ផែនការអភិវឌ្ឍវិស័យទេសចរណ៍រយៈពេល ៥ឆ្នាំ នឹងរួមចំណែកដល់ការអភិវឌ្ឍវិស័យទេសចរណ៍នៅក្នុងខេត្ត។ ផែនការអភិវឌ្ឍទេសចរណ៍រយៈពេល ៥ឆ្នាំ (២០១៩-២០២៣) បង្ហាញនូវចក្ខុវិស័យច្បាស់លាស់សម្រាប់អនាគតនៃការអភិវឌ្ឍន៍ទេសចរណ៍នៅខេត្តកំពត ដោយផ្តោតលើទិសដៅជាយុទ្ធសាស្រ្តរួមមាន ការអភិវឌ្ឍផលិតផលទេសចរណ៍ ការស្រាវជ្រាវទីផ្សារ ការផ្សព្វផ្សាយ ការតភ្ជាប់ និងការសម្រួលការធ្វើដំណើរ

លោក Nguyen Xuan Phuc នាយករដ្ឋមន្រ្តីនៃប្រទេសវៀតណាមបាននិយាយថា ទីផ្សាររបស់ប្រទេសវៀតណាមធំល្មមដើម្បីឆ្លើយតបផែនកាវិនិយោប្រកបដោមហិច្ឆតារបស់ក្រុមហ៊ុននានានៅពិភពលោក ជាពិសេសក្រុមហ៊ុនមកពី ប្រទេសជប៉ុន ដើម្បី ធ្វើពិពិធកម្មខ្សែសង្វាក់ផ្គត់ផ្គង់របស់ពួកគេ។ នៅក្នុងកិច្ចប្រជុំមួយកាពីថ្ងៃទី០៧ ខែកញ្ញា នាយករដ្ឋមន្រ្តីរូបនេះបានផ្ដល់យោបល់ជាមួយក្រុមហ៊ុនចំនួន ១៥ ដែលមានសិទ្ធិទទួលបានការឧបត្ថម្ភធនពីរដ្ឋា​ភិបាលរបស់ខ្លួន ដើម្បីពង្រីកសកម្មភាពអាជីវកម្ម និងវិនិយោគនៅវៀតណាម។ លោកបានមានប្រសាសន៍ថា ប្រទេសវៀតណាមប្តេជ្ញាបង្កើតលក្ខខណ្ឌខ្ពស់បំផុត និងកែលំអបរិយាកាសអាជីវកម្មរបស់ខ្លួនដើម្បីឱ្យសហគ្រាសទាំង ១៥ ទទួលបានជោគជ័យក្នុងការធ្វើជំនួញនៅក្នុងប្រទេស។ ក្រៅពីការផ្តល់សច្ចាប័នលើច្បាប់ថ្មីមួយចំនួនរួមមាន ច្បាប់វិនិយោគ ច្បាប់សហគ្រាស ច្បាប់ PPP (PPP Law) ការចូលរួមរបស់វៀតណាមក្នុងកិច្ចព្រមព្រៀងពាណិជ្ជកម្មសេរីស្តង់ដារ (FTA) រួមទាំងកិច្ចព្រមព្រៀងគ្រប់ជ្រុងជ្រោយនិងជឿនលឿនសម្រាប់ភាពជាដៃគូអន្តរប៉ាស៊ីហ្វិក (CPTPP)។ លើសពីនេះលោកបានបន្ថែមថា

សេដ្ឋកិច្ចរបស់ប្រទេសថៃ ត្រូវបានរំពឹងថា នឹងធ្លាក់ចុះពី ៧% ទៅ ៩% នៅឆ្នាំនេះដោយសារផលប៉ះពាល់ពីការរីករាលដាលនៃជំងឺរាតត្បាត Covid-19 ខណៈមានការតវ៉ាប្រឆាំងនឹងរដ្ឋាភិបាលជាញឹកញាប់​ គឺជាក្តីបារម្ភមួយ។ យោងតាមគណៈកម្មាធិការអចិន្ត្រៃយ៍រួមស្តីពីពាណិជ្ជកម្មឧស្សាហកម្ម និងធនាគារថៃបានឱ្យដឹងថា ខណៈដែលការរឹតត្បិតនៃជំងឺរាតត្បាតភាគច្រើនត្រូវបានដកចេញ សេដ្ឋកិច្ចដែលពឹងផ្អែកលើវិស័យទេសចរណ៍ និងនាំចេញនៅតែមានសម្ពាធ ខណៈការផ្ទុះឡើងនៃជំងឺរាតត្បាតនេះបានកាត់បន្ថយតម្រូវការសកល។ លោក Payong Srivanich ប្រធានសមាគមធនាគារថៃ បានប្រាប់សន្និសីទសារព័ត៌មានលីមួយថា « សេដ្ឋកិច្ច នៅតែខ្សោយខ្លាំង »។ លោកបន្ថែមថា « តម្រូវការក្នុងស្រុកមានភាពផុយស្រួយ ដោយសារភាពមិនប្រាកដប្រជាដែលអាចធ្វើឱ្យប៉ះពាល់ដល់ទំនុកចិត្តអតិថិជន និងវិនិយោគិន »។ ទន្ទឹមនឹងនេះ ក្រុមអ្នកជំនួញបាននិយាយថា ទីផ្សារការងារមានការព្រួយបារម្ភ

យោងតាមការព្យាករណ៍ដែលបានបង្ហាញនៅក្នុងសេចក្តីព្រាងផែនការមេអភិវឌ្ឍន៍ទេសចរណ៍ខេត្តសៀមរាប បានឲ្យដឹងថាក្នុងឆ្នាំ ២០៣៥ ទេសចរណ៍អន្តរជាតិនឹងនាំមកនូវចំណូលចំនួន ៤,៧៦៥ លានដុល្លារ និងទេសចរណ៍ជាតិ នាំមកនូវចំណូលចំនួន ១,២៨០ លានដុល្លារ ដល់ប្រទេសកម្ពុជា។ សេចក្តីប្រកាសព័ត៌មានរបស់ក្រសួងសេដ្ឋកិច្ចនិងហិរញ្ញវត្ថុបានគូសបញ្ជាក់ថា « ចក្ខុវិស័យនៃផែនការមេអភិវឌ្ឍន៍ទេសចរណ៍ខេត្តសៀមរាប ២០២០-២០៣៥ គឺដើម្បីទទួលបានមោទនភាពដែលជាទិសដៅទេសចរណ៍ដ៏សំខាន់នៃវិស័យទេសចរណ៍របស់ប្រទេសកម្ពុជា និងជាទិសដៅទេសចរណ៍ដ៏សំខាន់មួយនៅក្នុងតំបន់អាស៊ីអាគ្នេយ៍” ។ បន្ទាប់ពីកិច្ចប្រជុំពិគ្រោះយោបល់របស់គណៈកម្មាធិការជាតិអភិវឌ្ឍន៍ទេសចរណ៍ជាតិដើម្បីពិភាក្សាលើសេចក្តីព្រាងផែនការមេ។ ជាមួយគ្នានេះដែរ យោងតាមការចុះផ្សាយដោយក្រសួងព័ត៌មានបានឲ្យដឹងថា ផែនការមេអភិវឌ្ឍន៍ទេសចរណ៍សៀមរាប ២០២០-២០៣៥ ត្រូវបានគេរំពឹងថានឹងក្លាយជាយន្តការដ៏សំខាន់ក្នុងការឆ្លើយតបទៅនឹងស្ថានភាពបច្ចុប្បន្ន និងអនាគតចំពោះផលប៉ះពាល់ដែលបណ្តាលមកពីជំងឺរាតត្បាតរាតត្បាតកូវីដ-១៩ គ្របដណ្ដប់ ជាពិសេសដើម្បីសំរេចគោលដៅរបស់រដ្ឋាភិបាលដែលចាត់ទុកវិស័យទេសចរណ៍ជាមាសបៃតង។ ប្រភពដដែលបានឲ្យដឹងថា សេចក្តីព្រាងផែនការមេអភិវឌ្ឍន៍ទេសចរណ៍ខេត្តសៀមរាបសម្រាប់ឆ្នាំ ២០២០- ២០៣៥ នឹងត្រូវបញ្ចប់នៅខែតុលាឆ្នាំនេះ ហើយបញ្ជូនទៅទីស្តីការគណៈរដ្ឋមន្រ្តីដើម្បីអនុម័ត៕ អត្ថបទ៖