ផ្លែស្វាយ គឺជាដំណាំសក្ដានុពលមួយក្នុងចំណោមដំណាំសំខាន់ៗ នាំចេញទៅក្រៅប្រទេស ដែលក្រៅពីការនាំចេញស្រស់ អាចកែច្នៃបានលើសពី ២មុខ សម្រាប់នាំចេញ។ ដោយសារមានតម្រូវការទីផ្សារក្រៅប្រទេស កសិករជាច្រើនបាននាំគ្នាដាំដំណាំនេះ ដែលពេលខ្លះធ្វើឱ្យការផ្គត់ផ្គង់លើសតម្រូវការ ហើយដោយបណ្ដាលមកពីកត្តាផ្សេងៗទៀតផងនោះ បានធ្វើឱ្យកសិករចាល់ស្វាយ ប្រមូលផលបាន តែលក់បានតម្លៃថោក។ យ៉ាងណាមិញប្រសិនបើបងប្អូនប្រជាកសិករដែលដាំស្វាយបានច្រើន ហើយតែលក់មិនបានថ្លៃ ឬ ចាល់ស្វាយ កុំបោះចោល អាចកែច្នៃជាទឹកស៊ីរ៉ូស្វាយបានឱ្យបាន ខណៈប្រទេសចិន និងហ្វីលីពីនបើកឱ្យកម្ពុជានាំចូល។ ហើយបើយោងតាមលទ្ធផលនៃការនាំចេញកសិផលក្នុងរយៈពេល ៧ខែ ឆ្នាំ២០២១ បានបង្ហាញថា កស៊ីរ៉ូស្វាយមានការកើណឡើងដល់ទៅ ៧៩.១៦% ក្នុងការនាំចេញ។ ក្នុងនោះការនាំចេញសរុបមានចំនួន ៤ ០៦៩,៦២តោន ខណៈនាំចេញទៅប្រទេសចិនមានចំនួន ១៤៨តោន

វិស័យទេសចរណ៍ថៃ ដែលកំពុងតែព្យាយាមងើបឡើងវិញ ជាមួយគម្រោងបើកតំបន់ទេសចរណ៍ជាបន្តបន្ទាប់ អាចនឹងទទួលរងផលប៉ះពាល់ដោយសារ ករណីឃាត.កម្មក្នុងពេលថ្មីៗនេះទៅលើភ្ញៀវទេសចរបរទេស។ ឃាត.កម្មលើស្ត្រីជនជាតិស្វីសម្នាក់ ដែលទៅលេងកោះភូកេតក្រោមកម្មវិធី “Phuket sandbox” គឺជាសោកនាដ.កម្ម និងជាគ្រោះ.មហន្តរាយដល់ជាតិផងដែរ ចំពោះកិច្ចខិតខំប្រឹងប្រែងរបស់ថៃក្នុងការបើកវិស័យទេសចរណ៍ឡើងវិញដែលសេដ្ឋកិច្ចពឹងផ្អែកខ្លាំង។ លោក Yuthasak Supasorn អភិបាលនៃអាជ្ញាធរទេសចរណ៍ថៃ (TAT) បាននិយាយថា ទីភ្នាក់ងាររបស់លោកមានការភ្ញាក់ផ្អើលចំពោះហេតុការណ៍នេះ ហើយកំពុងតាមដាន និងវាយតម្លៃយ៉ាងដិតដល់ពីផលប៉ះពាល់របស់វាចំពោះវិស័យទេសចរណ៍។ ខណៈមុនវិបត្តិកូវីដ -១៩ វិស័យទេសចរណ៍មានប្រហែល ២០% នៃផលិតផលក្នុងស្រុកសរុបរបស់ថៃ។ គួររម្លឹកផងដែរថា​ ភ្ញៀវទេសចរសញ្ជាតិស្វីស ភេទស្រី អាយុ ៥៧ឆ្នាំ ត្រូវបានប្ល.ន់សម្លា.ប់ ដោយបុរស​ជនជាតិថៃ កាលពីពេលថ្មីៗនេះ។

យោងតាមការចេញផ្សាយរបស់ស្ថានទូតសហរដ្ឋអាមេរិកប្រចាំនៅកម្ពុជានៅថ្ងៃទី០៩ ខែសីហា ឆ្នាំ២០២១ បានឱ្យដឹងថា សហរដ្ឋអាមេរិក តាមរយៈទីភ្នាក់ងារជំនួយអាមេរិក USAID សូមប្រកាសការផ្តល់ជំនួយបន្ថែមចំនួន ៤ លានដុល្លារ ជាជំនួយសម្រាប់គ្រាបន្ទាន់ ទាក់ទងនឹងជំងឺកូវីដ ១៩ សម្រាប់ប្រទសកម្ពុជា។ ស្ថានទូតបានបន្តឱ្យដឹងថា ជំនួយនេះនឹងផ្តល់ការគាំទ្រទាន់ពេលវេលា សម្រាប់បង្កើនការត្រៀមខ្លួនជាស្រេចរបស់ប្រទេសកម្ពុជា ក្នុងការចាក់វ៉ាក់សាំងកូវីដ១៩ បង្កើនការចាក់វ៉ាក់សាំងក្នុងចំណោមអ្នកដែលត្រូវចាក់ ផ្តល់អន្តរាគមន៍ផ្នែកសុខាភិបាលសាធារណៈ ដើម្បីគ្រប់គ្រងមេរោគកូវីដ១៩ ហើយពង្រឹងមន្ទីរពិសោធន៍ដើម្បីបង្កើនសមត្ថភាពក្នុងការធ្វើតេស្ត។ សូមជម្រាបផងដែរថា ការគាំទ្រថ្មីនេះកើតមានឡើងបន្ទាប់ពីសហរដ្ឋអាមេរិកបានផ្តល់អំណោយវ៉ាក់សាំង Johnson & Johnson ក្នុងពេលថ្មីៗនេះ ចំនួន ១ ០៦០ ១០០ ដូស តាមរយៈយន្តការ

យោងតាមការចុះផ្សាយរបស់សារព័ត៌មាន Bangkok Post បានឱ្យដឹងថា ប្រទេសកូរ៉េខាងត្បូងបានអនុញ្ញាតឱ្យពលករពីប្រទេសថៃ និងប្រទេសផ្សេងៗទៀត ត្រលប់ទៅធ្វើការនៅក្នុងប្រទេសកូរ៉េវិញ បន្ទាប់ពីផ្អាកដោយសារជំងឺរាតត្បាតកូវីដ-១៩។ បច្ចុប្បន្នប្រទេសថៃ គឺជាប្រទេសមួយក្នុងចំណោមប្រទេសធំៗ ទាំង ៦ ដែលបានបញ្ជូនពលករក្រោមគោលនយោបាយប្រព័ន្ធអនុញ្ញាតការងារ (EPS) ទៅធ្វើការនៅប្រទេសកូរ៉េ ប៉ុន្តែទោះជាយ៉ាងណាក្ដី ប្រទេសកូរ៉េបានដាក់ចេញវិធានការតឹងរ៉ឹង ដើម្បីធានាលក្ខខណ្ឌការងារប្រកបដោយសុវត្ថិភាព។ លោក Tae Wuk Ha រដ្ឋមន្រ្តីនិងអគ្គកុងស៊ុលស្ថានទូតកូរ៉េប្រចាំទីក្រុងបាងកកបាននិយាយថា ការធ្វើដំណើររបស់ពលករក្រោមប្រព័ន្ធអនុញ្ញាតការងារ (EPS) ទៅកាន់ប្រទេសកូរ៉េត្រូវបានផ្អាកនៅដើមឆ្នាំ ២០២០ ដោយសារវិធានការណ៍បង្ការជំងឺកូវីដ-១៩ គោលនយោបាយសុខភាព និងការកាត់បន្ថយការធ្វើដំណើរតាមយន្តហោះ។ ទោះយ៉ាងណាក៏ដោយបន្ទាប់ពីការពិគ្រោះយោបល់យ៉ាងជិតស្និទ្ធជាមួយប្រទេសចំនួន ៦ រួមទាំងប្រទេសថៃ ឥឡូវនេះកម្មករអាចបន្តធ្វើការនៅទីនោះបានហើយ។

ប្រជាជនវៀតណាមដែលបាត់បង់ការងារ និងស្ថិតនៅក្នុងតំបន់រឹតត្បិតការធ្វើដំណើរ កំពុងជួយប្រទះការលំបាកកាន់តែធ្ងន់ធ្ងរឡើងៗ ដោយសារការឡើងថ្លៃនៃទំនិញសំខាន់ៗ នេះបើយោងតាមការចុះផ្សាយរបស់សារព័ត៌មាន vnexpress។ អ្នកនៅខាងក្នុងឧស្សាហកម្មផ្គត់ផ្គង់ទំនិញបាននិយាយថា ការបិទទីផ្សារលក់ដុំនិងហាងលក់រាយដោយសារជំងឺកូវីដ-១៩ បានជំរុញឱ្យតម្លៃកើនឡើងនៅក្នុងទីក្រុង។ ជាមួយគ្នានេះ ការកើនឡើងនៃតម្លៃសាច់បន្លែ និងគ្រឿងទេសកំពុងបន្ថែមបញ្ហាប្រឈមដល់កម្មករដែលមានប្រាក់ចំណូលទាប។ ជាក់ស្ដែង កម្មករដឹកជញ្ជូនមួយរូបនៅទីក្រុងហាណូយ បានលើកថា គាត់មិនមានលទ្ធភាពទិញសាច់ទេព្រោះថ្លៃពេក ខណៈតម្លៃស៊ុត និងបន្លែភាគច្រើនបានកើនឡើងទ្វេដង។ ការតម្លើងថ្លៃនេះ គឺជាបន្ទុកហិរញ្ញវត្ថុបន្ថែមទៀតសម្រាប់កម្មករដឹកជញ្ជូនអាយុ ២៣ ឆ្នាំដែលគ្មានការងារធ្វើអស់រយៈពេលពីរសប្តាហ៍ ដោយសារក្រុមហ៊ុនកាត់បន្ថយចំនួនបុគ្គលិកតាមការបញ្ជារបស់អាជ្ញាធរដើម្បីកំណត់ចំនួនមនុស្សដែលធ្វើដំណើរ ហើយប្រាក់ចំណូលតែមួយគត់របស់គាត់គឺការគាំទ្រពីរដ្ឋាភិបាលចំនួន ១.៥ លានដុង (៦៥ ដុល្លារ) ដែលនឹងអស់ក្នុងពេលឆាប់ៗនេះ។ ទន្ទឹមនឹងនេះ កម្មករ បុគ្គលិក ដែលបាត់បង់ការងារជាច្រើននាក់ទៀត បានរៀបរាប់ថា

យោងតាមការចុះផ្សាយរបស់សារព័ត៌មានវៀតណាម vnexpress បានឱ្យដឹងថា ក្រុមហ៊ុន Adidas ដែលជាប្រេនលំដាប់អន្តរជាតិដ៏ល្បីមួយ បានរងផលប៉ះពាល់ និងកំពុងជួបបញ្ហាផ្ទួនៗគ្នាដូចជា ការធ្វើពហិការរបស់ជនជាតិចិនលើយីហោលោកខាងលិច និងការបិទរោងចក្រនៅវៀតណាមដោយសារការឆ្លងជំងឺកូវីដ-១៩។ សារព័ត៌មានដដែលបានឱ្យដឹងថា ភាគហ៊ុនរបស់ក្រុមហ៊ុនសម្លៀកបំពាក់កីឡាអាល្លឺម៉ង់មួយនេះ បានធ្លាក់ចុះ ៤.១% ដូចដែលអ្នកវិភាគបានកត់សំគាល់ថា កំណើនរបស់យីហោនេះកំពុងធ្លាក់ចុះ ជាងគូប្រជែងដូចជា Nike និង Puma ដែលយីហោទាំងពីរបានរាយការណ៍ថាការលក់កើនជិតទ្វេដង នៅក្នុងការចេញផ្សាយពីប្រាក់ចំណូលនាពេលថ្មីៗនេះ។ បើតាមប្រធានហិរញ្ញវត្ថុលោក Harm Ohlmeyer បានឱ្យដឹងថា ផលប៉ះពាល់រួមនៃបញ្ហាខ្សែសង្វាក់ផ្គត់ផ្គង់​ ដែលបណ្ដាលមកពីការបិទទ្វារដោយសារវីរុសកូវីដ-១៩ថ្មីៗនេះនៅអាស៊ី និងភាពតានតឹងជាមួយប្រទេសចិន អាចមានចំនួនច្រើនជាង ៥០០ លានអឺរ៉ូ ព្រោះតែការបាត់បង់ការលក់នៅឆមាសទី២។ ទោះជាយ៉ាងណាក្ដី

សមាគមអ្នកលក់រាយថៃ (TRA) បាននិយាយថា​ ហាងប្រហែល ១០០,០០០ អាចនឹងបិទទ្វារដោយសារតែវិធានការបិទខ្ទប់ប្រទេស ក្នុងប្រទេសថៃ ហើយការបិទនេះនឹងធ្វើឱ្យបុគ្គលិកបាត់បង់ការងារ។ អនុប្រធានសមាគមអ្នកលក់រាយថៃ (TRA) លោក Chatrchai Toungratanaphan បានបង្ហាញថា ការស្ទង់មតិលើសន្ទស្សន៍អារម្មណ៍អ្នកលក់រាយ (RSI) ក្នុងខែកក្កដា បានបង្ហាញថា អាជីវកម្មលក់រាយកំពុងប្រឈមនឹងវិបត្តិដោយសារ (RSI) ស្ថិតនៅកម្រិតទាបបំផុតគឺ ១៦.៤ពិន្ទុ ក្នុងរយៈពេល ១៦ខែ។ លោកបាន​បន្ថែមថា ចំណូលពីវិស័យលក់រាយអាចថយចុះចំនួន ២៧០ពាន់លានបាត ហើយហាងប្រហែល ១០០,០០០ ទំនងជានឹងឈប់ដំណើរការ។ លើសពីនេះ សន្ទស្សន៍អារម្មណ៍អ្នកលក់រាយ (RSI) ក្នុងរយៈពេលបីខែខាងមុខនេះ

កំពូលមហាសេដ្ឋីមានជាងគេបំផុតនៅប្រទេសថៃ និងជាម្ចាស់ក្រុមហ៊ុន CP Group បានប្រកាសថា ក្រុមហ៊ុនរបស់គាត់នឹងសាងសង់រោងចក្រផលិតឱសថបុរាណដែលចម្រាញ់ចេញពីរុក្ខជាតិដែលមានឈ្មោះថា Fah talai jone ឬ ខ្មែរយើងស្គាល់ថាជាដើម «ប្រមាត់មនុស្ស» ដើម្បីព្យាបាលជំងឺកូវីដ-១៩ ខណៈប្រទេសថៃកំពុងប្រឈមនឹងរលកទី៣ នៃការឆ្លងក្នុងប្រទេស។ លោក Dhanin Chearavanont ប្រធានជាន់ខ្ពស់នៃក្រុមហ៊ុនធំរបស់ថៃ Charoen Pokphand Group បាននិយាយនៅសប្តាហ៍នេះថាគាត់កំពុងរៀបចំដីប្រហែល ១០០រ៉ៃ (១៦ ហិកតា) របស់ក្រុមហ៊ុន CP Group នៅខេត្ត Saraburi ដើម្បីដាំដុះរុក្ខជាតិ Fah talai