កំពង់ផែទេសចរណ៍អន្តរជាតិខេត្តកំពត សម្រេចការសាងសង់បាន ៨៤%ហើយ ដោយគ្រោងនឹងបញ្ចប់ជាស្ថាពរនៅចុងឆ្នាំ២០២១នេះ។ ក្រោយការសាងសង់បានបញ្ចប់ កំពង់ផែទេសចរណ៍អន្តរជាតិខេត្តកំពត នឹងក្លាយជាមេដែកដ៏សំខាន់មួយទៀតក្នុងការស្រូបទាញភ្ញៀវទេសចរ នេះបើយោងតាមការចុះផ្សាយរបស់ក្រទេសចរណ៍។ ឯកឧត្ដម ថោង ខុន រដ្ឋមន្រ្តីក្រសួងទេសចរណ៍ បានលើកឡើងថា កំពង់ផែទេសចរណ៍អន្តរជាតិខេត្តកំពត នឹងក្លាយជាច្រកទ្វារអន្តរជាតិផ្លូវសមុទ្រដ៏សំខាន់ ក្នុងការធានាសម្រួលដល់ប្រព័ន្ធគមនាគមន៍ជាតិ ក៏ដូចជានឹងក្លាយជាមេដែកដ៏សំខាន់មួយទៀត ក្នុងការស្រូបទាញទេសចរជាតិ-អន្តរជាតិ។ ឯកឧត្ដមរដ្ឋមន្ត្រីលើកឡើងយ៉ាងដូច្នេះ ក្នុងឱកាសដែលឯកឧត្ដម ព្រមទាំងឯកឧត្ដម ជាវ តាយ អភិបាលខេត្តកំពត ដឹកនាំក្រុមការងារ និងមន្ត្រីរាជការចុះត្រួតពិនិត្យសកម្មភាពសាងសង់ «កំពង់ផែទេសចរណ៍អន្តរជាតិខេត្តកំពត» ដែលមានទីតាំងស្ថិតនៅស្រុកទឹកឈូ ខេត្តកំពត នាថ្ងៃទី២៩ ខែកញ្ញា ឆ្នាំ២០២១។ គួរឱ្យដឹងថា កំពង់ផែទេសចរណ៍អន្តរជាតិនេះ

យោងតាមការចុះផ្សាយរបស់ក្រសួងព័ត៌មានបានឱ្យដឹងថា គម្រោងវិនិយោគកោះទន្សាយដែលមានទុនវិនិយោគចំនួន ១៣០ លានដុល្លារបង្កើតឡើងដោយក្រុមហ៊ុន ទ្រី ភាព គ្រុប បានចាប់ផ្តើមការសាងសង់នៅលើកោះទន្សាយហើយដែលមានចម្ងាយ ៤ គីឡូម៉ែត្រពីខេត្តកែប។ លោក វ៉ៅ សុខា អភិបាលរងខេត្តកែបបានប្រាប់ AKP កាលពីថ្ងៃទី ២៩ ខែកញ្ញានេះថា សកម្មភាពសាងសង់បានចាប់ផ្តើមនៅថ្ងៃទី ២២ ខែកញ្ញា បន្ទាប់ពីសម្ភារៈសំណង់ត្រូវបានដឹកជញ្ជូនទៅដល់កោះនេះ។ លោកបានបន្ថែមថា ក្រុមហ៊ុនកំពុងអភិវឌ្ឍ គម្រោងលើផ្ទៃដី ១៤០ ហិកតា ហើយការអភិវឌ្ឍន៍ត្រូវបានបែងចែកជាដំណាក់កាលផ្សេងៗគ្នា។ គួរបញ្ជាក់ផងដែរថា គម្រោងវិនិយោគនេះទទួលបានភ្លើងខៀវពីក្រុមប្រឹក្សាអភិវឌ្ឍន៍កម្ពុជានៅខែកុម្ភៈឆ្នាំ ២០១៩ ដោយផ្តោតលើការវិនិយោគលើរមណីយដ្ឋានជាច្រើនដូចជា សណ្ឋាគារផ្កាយ ៥

យោងតាមការចុះផ្សាយរបស់ក្រសួងព័ត៌មានបានឱ្យដឹងថា រដ្ឋមន្ត្រីក្រសួងកសិកម្មបានកោតសរសើរសហគមន៍កសិកម្មសំបូរមានជ័យ ដែលមានភាពជោគជ័យក្នុងការប្រកបរបរទីផ្សារបន្លែ និងឈើហូបផ្លែ ដែលបាននិងកំពុងបំពេញតួនាទីក្នុងការចូលរួមចំណែកយ៉ាងសកម្មដល់ការអនុវត្តគោលនយោបាយ និងផែន ការអភិវឌ្ឍវិស័យកសិកម្ម ។ យោងតាមហ្វេសប៊ុកផ្លូវការរបស់ឯកឧត្តម វេង សាខុន រដ្ឋមន្ត្រីក្រសួងកសិកម្ម រុក្ខាប្រមាញ់និងនេសាទ បានឱ្យដឹងថា ស្ថិតនៅក្រោមម្លប់ដំបូលសុខសន្តិភាព ក្រោមការដឹកនាំរបស់សម្តេចតេជោ ហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជា ក្រសួងកសិកម្ម រុក្ខាប្រមាញ់ និងនេសាទ ដែលមានអគ្គនាយកដ្ឋានកសិកម្មជាសេនាធិការ បានខិតខំជំរុញគាំទ្រ និងលើកទឹកចិត្តឱ្យសហគមន៍កសិកម្មទាំងអស់នៅទូទាំងប្រទេស ធ្វើការចងក្រងសមា ជិកដើម្បីបង្កើតបានជាកម្លាំងផលិតមានជាអាទិ៍៖ ផលិតកម្មបន្លែ (បន្លែសុវត្ថិភាព-បន្លែសរីរាង្គ) ដំណាំឈើហូបផ្លែ ស្រូវចំណី ស្រូវពូជ និងដំណាំកសិ-ឧស្សាហកម្មមួយចំនួនទៀត។ ក្នុងគោលបំណង

អគ្គនាយកដ្ឋានពន្ធដារ បានសម្រេចពន្យារពេលពេលបង់ពន្ធលើអចលនទ្រព្យ សម្រាប់ឆ្នាំ២០២១ រយៈពេល ១ខែទៀត នេះបើយោងតាមការបង្ហោះនៅលើផេករបស់អគ្គនាយកដ្ឋានពីសេចក្តីជូនដំណឹងកាលពីថ្ងៃទី២៨ ខែកញ្ញា ឆ្នាំ២០២១ កន្លងទៅថ្មីៗនេះ។ បើតាមសេចក្ដីជូនដំណឹង បានបង្ហាញថា អគ្គនាយកដ្ឋានពន្ធដារ បានពន្យារពេលបង់ពន្ធលើអចលនទ្រព្យ សម្រាប់ឆ្នាំ២០២១ រហូតដល់ថ្ងៃទី៣១ ខែតុលា ឆ្នាំ២០២១។ ជុំវិញមូលហេតុដែលអគ្គនាយកដ្ឋានសម្រេចពន្យារពេលនេះ គឺដើម្បីផ្តល់លទ្ធភាពជូនម្ចាស់អលចនទ្រព្យដែលមានឆន្ទៈក្នុងការបំពេញកាតព្វកិច្ចប្រកាសបង់ពន្ធនេះ ប៉ុន្តែមិនទាន់បានមកប្រកាសបង់ពន្ធដោយមូលហេតុនៃការរីករាលដាលជំងឺកូវីដ-១៩ ដូច្នេះហើយអគ្គនាយកដ្ឋានពន្ធដារសម្រេចពន្យារកាលបរិច្ឆេទផុតកំណត់ប្រកាសបង់ពន្ធលើអចលនទ្រព្យសម្រាប់ឆ្នាំ២០២១ រហូតដល់ថ្ងៃទី៣១ ខែតុលា ឆ្នាំ២០២១ ដោយរួចផុតពីពិន័យទោសទណ្ឌដោយសារការប្រកាសបង់ពន្ធយឺតយ៉ាវ។ ដើម្បីជ្រាបកាន់តែច្បាស់ សូមអានសេចក្ដីជូនដំណឹងលម្អិតនៅខាងក្រោម៖ អត្ថបទ៖ លីនី

យោងតាមសេចក្ដីថ្លែងការណ៍មួយដែលត្រូវបានបង្ហោះនៅលើគេហទំព័រកម្មវិធីចែករំលែកវីដេអូ TikTok បានឱ្យដឹងថា មនុស្សជាង ១ពាន់លាននាក់បានប្រើកម្មវិធី TikTok ជារៀងរាល់ខែ។​ វេទិកាប្រព័ន្ធផ្សព្វផ្សាយសង្គមដែលត្រូវបានគេស្គាល់ថា ជាកម្មវិធីផលិតវីដេអូខ្លីៗ គឺជាកម្មសិទ្ធិរបស់ក្រុមហ៊ុន ByteDance Ltd ដែលមានមូលដ្ឋាននៅទីក្រុងប៉េកាំង។ កម្មវិធីនេះអនុញ្ញាតឱ្យអ្នកប្រើប្រាស់បង្កើត និងចែករំលែកវីដេអូកម្សាន្តរបស់ពួកគេ មានទាំងការរាំ វិដេអូកំប្លែង និងតាមទេពកោសល្យរៀងខ្លួនផ្សេងៗទៀត។ សេចក្តីថ្លែងការណ៍របស់ក្រុមហ៊ុនបាននិយាយថា៖ « TikTok បានក្លាយជាផ្នែកមួយនៃជីវិតរបស់មនុស្សទូទាំងពិភពលោក ដោយសារតែភាពច្នៃប្រឌិត និងភាពត្រឹមត្រូវនៃការបង្កើតរបស់យើង។ ដោយឡែកបើយោងតាមក្រុមហ៊ុន Sensor Tower ដែលជាក្រុមហ៊ុនវិភាគ បានឱ្យដឹងថា កម្មវិធីដែលមិនមែនជាកម្មវិធីហ្គេមមួយនេះ បានក្លាយជាកម្មវិធីដែលត្រូវបានទាញយក (Download) ច្រើនបំផុតនៅខែសីហាឆ្នាំ ២០២១។

ធនាគារអភិវឌ្ន៍អាស៊ី (ADB) បានអនុម័តប្រាក់កម្ចីចំនួន ៨២ លានដុល្លារអាមេរិក ដើម្បីកែលម្អផ្លូវជាតិនិងខេត្តប្រវែង ៤៨ គីឡូម៉ែត្រនៅខេត្តព្រៃវែង និងខេត្តកណ្តាល ដើម្បីជំរុញការអភិវឌ្ឍន៍សេដ្ឋកិច្ចតាមបណ្តោយមហាអនុតំបន់មេគង្គ (GMS) ច្រករបៀងសេដ្ឋកិច្ចភាគខាងត្បូង។ យោងតាមសេចក្តីប្រកាសព័ត៌មានរបស់ធនាគារអភិវឌ្ន៍អាស៊ី ដែល AKP ទទួលបាននៅព្រឹកនេះ ជំនួយថ្មីនេះគឺជាដំណាក់កាលទី ២ នៃគម្រោងកែលម្អបណ្តាញផ្លូវថ្នល់ ក្នុងគោលបំណងពង្រឹងទំនាក់ទំនងកម្ពុជាជាមួយវៀតណាម និងគាំទ្រការអភិវឌ្ឍន៍ មធ្យោបាយឆ្លងដែននៅក្នុងខេត្តទាំងពីរ។ ការធ្វើឱ្យប្រសើរឡើងនេះ នឹងប្រើប្រាស់ការសាងសង់ដែលធន់នឹងគ្រោះមហន្តរាយ និងអាកាសធាតុ និងជួយក្រសួងសាធារណការនិងដឹកជញ្ជូនក្នុងការគ្រប់គ្រងផ្លូវបានល្អប្រសើរ ដោយកាត់បន្ថយការផ្ទុកលើសចំណុះរបស់យានយន្ត ដែលជារឿយៗធ្វើឱ្យខូចផ្លូវ និងនាំឱ្យខូចខាតមុនពេលកំណត់។ លោក Mohammad Nazrul Islam អ្នកជំនាញផ្នែកដឹកជញ្ជូនរបស់ធនាគារអភិវឌ្ឍន៍អាស៊ីមានប្រសាសន៍ថា៖

យោងតាមការចុះផ្សាយរបស់ក្រសួងព័ត៌មានបានឱ្យដឹងថា រដ្ឋបាលខេត្តព្រះសីហនុ បានព្រមានចាត់វិធានការរដ្ឋបាល និងច្បាប់ ក៏ដូចជាផ្អាកទីតាំង អាជីវកម្មបណ្តោះអាសន្នចំពោះម្ចាស់អគារ សណ្ឋាគារ និងកាស៊ីណូណា ដែលបង្ខាំង ឬបង្ខំបុគ្គលិក កម្មករ និយោជិត ឱ្យបម្រើការងារផុតពីលក្ខខណ្ឌ និងច្បាប់ស្តីពីការងារ។ លិខិតរដ្ឋបាលរបស់ឯកឧត្តម គួច ចំរើន អភិបាលខេត្តព្រះសីហនុ ចុះថ្ងៃទី២៧ ខែកញ្ញា ឆ្នាំ២០២១ បានបញ្ជាក់ថា អាជ្ញាធរខេត្តនឹងចាត់វិធានការរដ្ឋបាល និងច្បាប់ចំពោះម្ចាស់អគារ សណ្ឋាគារ និងកាស៊ីណូដែលប្រើប្រាស់ហត្ថពលករដោយបង្ខំ។ ការព្រមាននេះ ធ្វើឡើងបន្ទាប់ពីក្នុងរយៈពេលកន្លងមក រដ្ឋបាលខេត្តព្រះសីហនុបានសង្កេត ឃើញថា ការជ្រើសរើស ការគ្រប់គ្រង ការចាត់ចែង ការអនុវត្តកិច្ចសន្យាការងារ

រដ្ឋមន្រ្តីក្រសួងហិរញ្ញវត្ថុឥណ្ឌូនេស៊ី លោកស្រី Sri Mulyani បានឱ្យដឹងកាលពីថ្ងៃទី២៧ ខែកញ្ញា នេះថា រដ្ឋាភិបាលឥណ្ឌូនេស៊ីនឹងផ្តល់ថវិកាចំនួន ៩,២ ទ្រីលានរូពី (៦៤៥ លានដុល្លារ) ពីថវិការដ្ឋនៅឆ្នាំ២០២២ ដើម្បីគាំទ្រដល់ការងើបឡើងវិញនៃវិស័យទេសចរណ៍បន្ទាប់ពីជំងឺរាតត្បាតកូវីដ-១៩។ រដ្ឋមន្រ្តី Sri Mulyani បាននិយាយនៅក្នុងកិច្ចប្រជុំសម្របសម្រួលជាតិទេសចរណ៍និងសេដ្ឋកិច្ចច្នៃប្រឌិតឆ្នាំ ២០២១ ថា ថវិកានឹងត្រូវប្រើដើម្បីអភិវឌ្ឍ ឧស្សាហកម្មគ្មានផ្សែងនេះ លើទិដ្ឋភាពបីយ៉ាងរួមមាន៖ ភាពងាយស្រួលភាពទាក់ទាញ ភាពងាយស្រួលការផ្សព្វផ្សាយនិងការចូលរួមឯកជន។ នៅឆ្នាំ ២០២១ រដ្ឋាភិបាលឥណ្ឌូនេស៊ីបានត្រៀមថវិកាចំនួន ៧,៦៧០ ពាន់លានរូពី ដើម្បីធ្វើឱ្យឧស្សាហកម្មទេសចរណ៍និងសេដ្ឋកិច្ចច្នៃប្រឌិតងើបឡើងវិញ។ កិច្ចខិតខំប្រឹងប្រែងនេះមានគោលបំណងគាំទ្រដល់គោលដៅទេសចរណ៍ ដែលមានអាទិភាពខ្ពស់រួមមាន Lake