នៅរសៀលថ្ងៃទី២៦ ខែមិថុនា ឆ្នាំ២០២៤ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានអញ្ជើញដឹកនាំកិច្ចប្រជុំពិភាក្សាលើការផ្តល់ទីតាំងរៀបចំប្រឡងចៀរជ័រកៅស៊ូ នៅទីស្តីការក្រសួងកសិកម្ម រុក្ខាប្រមាញ់ និងនេសាទ។ ក្នុងឱកាសនោះ ឯកឧត្តមរដ្ឋមន្ត្រីបានលើកឡើងថា កម្ពុជាបាននិងកំពុងធ្វើការជំរុញវិស័យកៅស៊ូ ឱ្យក្លាយជាដំណាំឧស្សាហកម្ម មានទីផ្សារខ្ពស់ និងអាចកែច្នៃជាផលិតផលសម្រេចផ្សេងៗ។ ជាមួយគ្នានេះដែរ ក្នុងកិច្ចប្រជុំនោះ ឯកឧត្តមរដ្ឋមន្ត្រី បានគូសបញ្ជាក់ថា គោលដៅនៃការរៀបចំឱ្យមានកម្មវិធីប្រឡងចៀរជ័រកៅស៊ូ គឺដើម្បីទាក់ទាញចំណាប់អារម្មណ៍ និងលើកទឹកចិត្តកម្មករចៀរជ័រឱ្យបន្តខិតខំបន្ថែមទៀត ហើយសកម្មភាពនេះ ក៏ជាការបណ្តុះគំនិតប្រជាពលរដ្ឋឱ្យចូលរួមលើការងារនេះផងដែរ។ ឯកឧត្តមរដ្ឋមន្ត្រី ក៏បានគូសបញ្ជាក់បន្ថែមថា កម្ពុជាបាននិងកំពុងធ្វើការជំរុញវិស័យកៅស៊ូនេះ មានការរីកចម្រើនបន្ថែមទៀត ឱ្យក្លាយជាដំណាំឧស្សាហកម្ម មានទីផ្សារខ្ពស់

យោងតា​មការចុះផ្សាយរបស់ ក្រសួងព័ត៌មាន នាថ្ងៃទី២៦ ខែមិថុនា ឆ្នាំ២០២៤ នេះ បានឱ្យដឹងថា ជប៉ុន មកជួយរៀបចំតំបន់កំពង់ផែកម្ពុជា ដើម្បីធានាដល់ការដឹកជញ្ជូនតាមផ្លូវទឹក។ ក្រសួងព័ត៌មាន បានឱ្យដឹងថា នាព្រឹកថ្ងៃអង្គារ ទី២៥ ខែមិថុនា ឆ្នាំ២០២៤ ឯកឧត្តម អៀង វ៉េងស៊ុន រដ្ឋលេខាធិការក្រសួងសាធារណការ និងដឹកជញ្ជូន និង លោកស្រី មីរ៉ា យ៉ូស៊ីកូ តំណាងជាន់ខ្ពស់របស់ទីភ្នាក់ងារ JICA ប្រចាំនៅកម្ពុជាបានដឹកនាំកិច្ចប្រជុំគណៈកម្មាធិការសម្របសម្រួលលើកទី៣ នៃគម្រោងពង្រឹងសមត្ថភាពរដ្ឋបាលកំពង់ផែក្នុងព្រះរាជាណាចក្រកម្ពុជា ដែលមានការចូលរួមពី ថ្នាក់ដឹកនាំ និងមន្រ្តីបច្ចេកទេសពាក់ព័ន្ធ នៃក្រសួង និងក្រុមអ្នកជំនាញការបច្ចេកទេសជប៉ុន។

យោងតាមការចុះផ្សាយរបស់ ក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ បានឱ្យដឹងថា នៅថ្ងៃទី២៥ ខែមិថុនា ឆ្នាំ២០២៤ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ បានអញ្ជើញជាអធិបតីក្នុងពិធីសម្ពោធដាក់ឱ្យប្រើប្រាស់ជាផ្លូវការនូវរោងចក្រប្រព្រឹត្តកម្មទឹកស្អាតបាក់ខែងជំហានទី២ និងបើកការដ្ឋានសាងសង់រោងចក្រប្រព្រឹត្តកម្មទឹកស្អាតបាក់ខែងជំហានទី៣ របស់រដ្ឋាករទឹកស្វយ័តក្រុងភ្នំពេញ។ រោងចក្រថ្មីដែលមានសមត្ថភាពផលិតទឹកស្អាត ១៩៥.០០០ ម៉ែត្រគូបក្នុងមួយថ្ងៃ បានបង្កើនសមត្ថភាពផលិតរបស់រដ្ឋាករទឹកស្វយ័តក្រុងភ្នំពេញដល់ ៩៨២.០០០ ពាន់ម៉ែត្រគូបក្នុងមួយថ្ងៃ។ នេះគឺជាសមិទ្ធផលដ៏សំខាន់មួយទៀតសម្រាប់គោលដៅអភិវឌ្ឍន៍ប្រកបដោយចីរភាពទី៦របស់កម្ពុជា ដោយធានាឱ្យបាននូវការទទួលបានទឹកស្អាតដែលមានគុណភាព សុវត្ថិភាព និរន្តរភាព និងថ្លៃសមរម្យសម្រាប់ប្រជាពលរដ្ឋប្រមាណជាង ២ លាននាក់នៅក្នុងរាជធានីភ្នំពេញ និងក្រុងតាខ្មៅនៃខេត្តកណ្ដាល។ ជាមួយគ្នានេះបើយោងតាមការចុះផ្សាយរបស់ ក្រសួងព័ត៌មាន

យោងតា​មការចុះផ្សាយរបស់ ក្រសួងព័ត៌មាន បានឱ្យដឹងថា យោងតាមរបាយការណ៍ថ្នាក់ជាតិស្តីពីលទ្ធផលចុងក្រោយនៃជំរឿនសេដ្ឋកិច្ច នៅព្រះរាជាណាចក្រកម្ពុជាឆ្នាំ២០២២ របស់វិទ្យាស្ថានជាតិស្ថិតិនៃក្រសួងផែនការបានបង្ហាញថា កម្ពុជាមានសហគ្រាស ធុនមីក្រូ តូច និងមធ្យមចំនួន ៧៥៣ ៦៧០ មូលដ្ឋាន មានកម្លាំងពលកម្មសរុប ២ ៩៨០ ៥៦៩ នាក់ ក្នុងនោះស្ត្រីមាន ១ ៨៤១ ៣៦២ នាក់។ លទ្ធផលជំរឿនបានបង្ហាញដែរថា វិស័យ សហគ្រាសធុនមីក្រូ តូច និងមធ្យម បានចូលរួមក្នុងផលិតផលក្នុងស្រុកសរុបស្មើ៦៣% និងផ្តល់ការងារលើសពី៧០% (ដោយមិនរាប់បញ្ចូលវិស័យកសិកម្ម)។ នេះបើយោងតាមសារលិខិតរបស់សម្តេចមហាបវធិបតី ហ៊ុន ម៉ាណែត

ក្រសួងរៀបចំដែនដី នគរូបនីយកម្ម និងសំណង់ នាថ្ងៃទី២៤ ខែមិថុនានេះ បានប្រកាសទទួលពាក្យស្នើសុំធ្វើបណ្ណបំបែកក្បាលដីជូន​ អតិថិជនរបស់ បុរី ឡេង ណាវ៉ាត្រា ផ្លូវជាតិលេខ៦អា​ ដែលបានបង់ប្រាក់ថ្លៃលក់ទិញដីឡូត៍និង/ឬផ្ទះគ្រប់ចំនួន(១០០%)​ ចាប់ពីថ្ងៃជូនដំណឹងនេះ​ រហូតដល់ថ្ងៃទី២៨ ខែមិថុនា ឆ្នាំ២០២៤ នៅបន្ទប់លេខ ១១៧ ជាន់ទី១​ ទីស្តីការក្រសួង។ សូមអានខ្លឹមសារទាំងស្រុងដូចខាងក្រោម៖

យោងតាមការចុះផ្សាយរបស់ ទីភ្នាក់ងារជាតិ និងមុខរបរ នៃក្រសួងការងារ និងបណ្ដុះបណ្ដាលវិជ្ជាជីវៈ (NEA) នាថ្ងៃទី២៥ ខែមិថុនា ឆ្នាំ២០២៤ នេះ បានឱ្យដឹងថា ក្រុមហ៊ុនធំៗ ៧ បន្តសហការជាមួយ NEA ដោយនាំយកឱកាសការងារថ្មីបន្ថែមទៀតចំនួន ៤៥៤ កន្លែង សម្រាប់យុវជន សិស្ស/និស្សិត និងអ្នកស្វែងរកការងារ នៅក្នុងវេទិកាការងារ នាថ្ងៃព្រហស្បតិ៍ ទី២៧ ខែមិថុនា ឆ្នាំ២០២៤ នេះ ចាប់ពីម៉ោង ៨ព្រឹក ដល់ ៥ ល្ងាច នៅក្នុងបរិវេណក្រសួងការងារ និងបណ្តុះបណ្តាលវិជ្ជាជីវៈ។

រោងចក្រផលិតម៉ូតូ ហុងដា នៅរាជ​ធានី​ភ្នំពេញ មានសមត្ថភាពផលិតម៉ូតូហុងដាឌ្រីមចំនួន ១,៥០០ គ្រឿងក្នុងមួយវេន (៨ម៉ោង) មានបណ្ដាញចែកចាយនៅទូទាំងប្រទេសកម្ពុជា។ នេះបើយោងតាមការចុះផ្សាយរបស់ ក្រសួងឧស្សាហកម្ម វិទ្យាសាស្ត្រ បច្ចេក​វិទ្យា និងនវានុវត្តន៍ នៅថ្ងៃទី២៥ ខែមិថុនា ឆ្នាំ២០២៤ នេះ។ នៅលើផេកផ្លូវការ ក្រសួងឧស្សាហកម្ម បានឱ្យដឹងថា កាលថ្ងៃទី២៤ ខែមិថុនា ឆ្នាំ២០២៤ ឯកឧត្តម ហែម វណ្ណឌី រដ្ឋមន្ត្រីក្រសួងឧស្សាហកម្ម វិទ្យាសាស្ត្រ បច្ចេក​វិទ្យា និងនវានុវត្តន៍ បានធ្វើទស្សនកិច្ចនៅរោងចក្រផលិតម៉ូតូ ហុងដា នៅរាជ​ធានី​ភ្នំពេញ។ ឯកឧត្តម​បានកោតសរសើរក្រុមហ៊ុនចំពោះនវានុវត្តន៍

យោងតាមការចុះផ្សាយរបស់ ទីភ្នាក់ងារជាតិ និងមុខរបរ នៃក្រសួងការងារ និងបណ្ដុះបណ្ដាលវិជ្ជាជីវៈ (NEA) បានឱ្យដឹងថា ក្រុមហ៊ុន J7 Angkor Hotel ស្ថិតនៅខេត្តសៀមរាប ប្រកាសជ្រើសរើសបុគ្គលិកជាច្រើនផ្នែកចំនួន ១២កន្លែង។ បើតាមការបញ្ជាក់នៅលើផេកផ្លូវការ (NEA) បានបញ្ជាក់ថា ក្រុមហ៊ុនត្រូវការបុគ្គលិក ចូលបម្រើការងារជាច្រើនផ្នែកដូចជា៖ ប្រធានក្រុមការីរត់តុ, ចុងភៅដឹប៉ាទី, អ្នកធ្វើនំ, អ្នកបើកបរ, ការីម៉ាស្សា, ប្រធានបោកអ៊ុត, អនុប្រធានបោកអ៊ុត ,ការីបោកអ៊ុត ។ ដូច្នេះ សម្រាប់យុវជន និងអ្នកដែលកំពុងស្វែងរកការងារ ដែលចាប់អារម្មណ៍ចង់ដាក់ពាក្យ សូមទាក់ទងមក NEA