ប្រទេសថៃ នៅតែមានថវិកាគ្រប់គ្រាន់ដើម្បីទប់ស្កាត់ការផ្ទុះឡើងនៃជំងឺ Covid-19 នេះបន្ទាប់ពីមានករណីកើនឡើងកាលពីចុងសប្តាហ៍ នេះបើយោងតាមប្រសាសន៍របស់លោក Arkhom Termpittayapaisith រដ្ឋមន្រ្តីក្រសួងហិរញ្ញវត្ថុថៃ។ លោក Arkhom បាននិយាយថា រដ្ឋាភិបាលនៅតែមានទឹកប្រាក់រាប់រយលានបាតទៀតដែលបានខ្ចីពីប្រាក់កម្ចី ១ ទ្រីលានបាត (ជាង ៣៣ ពាន់លានដុល្លារ) ក្រោមក្រឹត្យគ្រាអាសន្នដើម្បីប្រយុទ្ធប្រឆាំងនឹងវិបត្តិនេះ។ លោក Arkhom បានបន្ថែមថា វាឆាប់ពេកដើម្បីវាយតម្លៃផលប៉ះពាល់លើសេដ្ឋកិច្ចនៃការផ្ទុះឡើងចុងក្រោយបង្អស់ដែលមានចំនួន ៨២១ ករណីកាលពីថ្ងៃច័ន្ទ។ ក្រុមប្រឹក្សារដ្ឋក៏បាននិយាយផងដែរថា ក្នុងចំណោមប្រាក់កម្ចីសរុបចំនួន ១ ទ្រីបាតប្រាក់ចំនួន ៤៥០ ពាន់លានបាតត្រូវបានបម្រុងទុកសម្រាប់លទ្ធកម្មវ៉ាក់សាំង និង ៥៥០ ពាន់លានបាតទៀតដើម្បីសម្រាលបន្ទុកលើប្រជាជនដែលរងគ្រោះដោយការដួលរលំនៃជំងឺ Covid-19

ប្រទេសបារាំង តាមរយៈទីភ្នាក់ងារអភិវឌ្ឍន៍បារាំង (AFD) ផ្តល់ហិរញ្ញប្បទានរហូតដល់ ៧៥លានអឺរ៉ូ (ប្រមាណជាង ៩១លានដុល្លារ) សម្រាប់ពង្រឹងវិស័យកសិកម្ម និងប្រយុទ្ធប្រឆាំងនឹងបម្រែបម្រួលអាកាសធាតុនៅកម្ពុជា នេះបើយោងតាមសេចក្ដីប្រកាសព័ត៌មានរបស់ស្ថានទូតបារាំងប្រចាំប្រទេសកម្ពុជាកាលពីថ្ងៃទី២១ ខែធ្នូ កន្លងទៅនេះ។ ក្នុងសេចក្ដីប្រកាសព័ត៌មាននោះដែរបានឲ្យដឹងថា ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ លោកជំទាវអេវ៉ា ង្វៀន ប៊ិញ ឯកអគ្គរដ្ឋទូតបារាំងប្រចាំកម្ពុជា និងលោកស្រី អូហ្វេលី បួរីស នាយិកាទីភ្នាក់ងារអភិវឌ្ឍន៍បារាំងប្រចាំកម្ពុជា បានចុះហត្ថលេខាលើអនុសញ្ញា​ហិរញ្ញប្បទានចំនួនពីរ ដើម្បីគាំទ្រដល់ដល់ការអភិវឌ្ឍវិស័យកសិកម្ម និងជនបទប្រកបដោយចីរភាព ក៏ដូចជាការអភិវឌ្ឍដែលធន់នឹងបម្រែបម្រួលអាកាសធាតុនៅកម្ពុជា។ ជាក់ស្ដែង គម្រោង Rural

ប្រទេសកម្ពុជាបានព្យាករណ៍ថា ផលិតផលក្នុងស្រុកសរុបរបស់មនុស្សម្នាក់ៗមានចំនួន ១,៧៧១ ដុល្លារក្នុងឆ្នាំ ២០២១ ពោលគឺកើនឡើងពី ១,៦០០ ដុល្លារក្នុងឆ្នាំ ២០២០ ។ ការព្យាករណ៍នេះ ត្រូវបានចែករំលែកកាលពីម្សិលមិញដោយឯកឧត្តមសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្រ្ដី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។ ឯកឧត្ដមបានបន្តទៀតថា កំណើននេះអាចធ្វើទៅបានតាមរយៈការខិតខំផ្សេងៗរបស់រាជរដ្ឋាភិបាលរួមមានការផ្តល់ការលើកទឹកចិត្តពន្ធដល់សហគ្រាសធុនតូច និងមធ្យមក៏ដូចជាឧស្សាហកម្មសំខាន់ៗដូចជាទេសចរណ៍ និងបដិសណ្ឋារកិច្ច។ រាជរដ្ឋាភិបាល បានបញ្ចេញថវិកាជាង ២០០ លានដុល្លារអាមេរិករួចហើយពីថវិកាជាតិ ដើម្បីឧបត្ថម្ភធនដល់អ្នកដែលរងផលប៉ះពាល់ពីវិបត្ដិជំងឺកូវិដ-១៩ ហើយនឹងទុកថវិកាបន្ថែមទៀតដើម្បីជួយពួកគេប្រសិនបើបញ្ហានេះនៅតែបន្តកើតមាន។ ទោះបីជាការនាំចេញផលិតកម្មជាទូទៅ ត្រូវបានរងគ្រោះដោយរោគរាតត្បាតក៏ដោយ ក៏ការនាំចេញកង់ គ្រឿងបន្លាស់អគ្គិសនី និងគ្រឿងបន្លាស់រថយន្តកំពុងកើនឡើង។ ការនាំចេញអង្ករ និងទំនិញកសិកម្មផ្សេងទៀតក៏បានកើនឡើងផងដែរ

ប្រធានសមាគមនាំចេញអង្ករលោក Charoen Laothamatas បាននិយាយថា វាជាលើកទីមួយហើយដែលការនាំចេញរបស់ថៃ នឹងទាបជាងប្រទេសវៀតណាម ដោយរំពឹងថានឹងនាំចេញសរុបចំនួន ៦ លានតោន។ ជាមួយគ្នានេះប្រធានសមាគមបានឲ្យដឹងបន្ថែមថា ការនាំចេញអង្កររបស់ថៃបានប្រឈមនឹងឧបសគ្គជាច្រើន ក្នុងនោះរួមទាំងតម្លៃខ្ពស់បើប្រៀបធៀបនឹងគូប្រកួតប្រជែង ហើយស្ថានការណ៍កាន់តែធ្ងន់ធ្ងរទៅៗ ដោយសារការឡើងថ្លៃប្រាក់បាត។ ទន្ទឹមនឹងនេះដែរ លោក Chookiat Ophaswongse ប្រធានកិត្តិយសនៃសមាគមបានបន្ថែមថា តម្លៃនៃការនាំចេញអង្ករប្រមាណ ៥.៧ លានតោននៅឆ្នាំនេះនឹងមានតម្លៃចំនួន ១១៥ ពាន់លានបាត ពោលគឺធ្លាក់ចុះ ១២ ភាគរយបើធៀបនឹងឆ្នាំកន្លងមក។ លើសពីនេះលោកក៏បាបន្ថែមថា ហេតុផលមួយទៀតសម្រាប់ការនាំចេញទាបគឺកង្វះកុងតឺន័រសម្រាប់ដឹកជញ្ជូនអង្ករ៕ អត្ថបទ៖ លីនី ប្រភព៖ nationthailand

ឧស្សាហកម្មឱសថរបស់សិង្ហបុរីកំពុងតែទទួលបានអត្ថប្រយោជន៍ពីការកើនឡើងយ៉ាងខ្លាំងនៃតម្រូវការឱសថនៅក្នុងទីផ្សារពិភពលោក នេះបើយោងតាមការចុះផ្សយរបស់សារព័ត៌មានវៀតណាម vietnamplus កាលពីពេលថ្មីៗនេះ។ ប្រភពដដែលបានឲ្យដឹងថាសេដ្ឋកិច្ចរបស់ប្រទេសសិង្ហបុរីកំពុងឈានទៅរកការធ្លាក់ចុះសេដ្ឋកិច្ចដ៏អាក្រក់បំផុតក្នុងប្រវត្តិសាស្ត្រនៅឆ្នាំនេះ ប៉ុន្តែប្រតិបត្តិការនៃរោងចក្រឱសថបានកើតឡើងដោយសារតែផ្នែកខ្លះនៃប្រទេសដែលប្រញាប់ប្រញាល់ស្តុកថ្នាំក្នុងកំឡុងពេលមានជំងឺរាតត្បាតគ្របដណ្តប់លើទីផ្សារ។ ប្រទេសសិង្ហបុរីបានក្លាយជាមជ្ឈមណ្ឌលផលិតឱសថហើយមានរោងចក្រជាង ៥០ ដែលគ្រប់គ្រងដោយក្រុមហ៊ុនធំៗ រួមមាន Pfizer, Roche, GlaxoSmithKline និង Takeda ខណៈវិស័័យឱសថដើរតួនាទីយ៉ាងសំខាន់នៅក្នុងខ្សែសង្វាក់ផ្គត់ផ្គង់ឧស្សាហកម្មឱសថសកល។ នៅក្នុងឆ្នាំ២០២០ នេះដែរ រដ្ឋាភិបាល និងក្រុមហ៊ុនក្នុងវិស័យឯកជនបាននិងកំពុងបង្កើនស្តុកឱសថសំខាន់ៗដែលជាលទ្ធផលនៃការផ្គត់ផ្គង់ខ្សែសង្វាក់ផ្គត់ផ្គង់យ៉ាងធ្ងន់ធ្ងរនៅក្នុងប្រទេសជាច្រើនក្នុងពេលមានជំងឺរាតត្បាត។ គួរឲ្យដឹងផងដែរថា ប្រទេសសិង្ហបុរីដែលមានប្រជាជនចំនួន ៥.៧ លាននាក់ គឺជាប្រទេសមួយក្នុងចំណោមប្រទេសដែលនាំចេញឱសថច្រើនជាងការនាំចូល។ ជាក់ស្ដែងឧស្សាហកម្មផលិតជីវវេជ្ជសាស្ត្ររួមទាំងឱសថបានរីកចម្រើនយ៉ាងខ្លាំងដោយផលិតកម្មនៅខែកញ្ញាឆ្នាំ ២០២០ កើនឡើង ៩០% ក្នុងរយៈពេលដូចគ្នាកាលពីឆ្នាំមុន។ ដោយក្នុងឆ្នាំ ២០១៩ បាននាំចេញផលិតផលឱសថមានតម្លៃ ៨.១

រដ្ឋាភិបាលជប៉ុន បានឯកភាពផ្តល់ថវិកាសរុបចំនួន ២៨៨,៨៧៣ ដុល្លារអាមេរិកដល់កម្ពុជា សម្រាប់ការបំពាក់ឧបករណ៍ពេទ្យ ឧបករណ៍បោះពុម្ពអក្សរប្រៃយ៍ និងឧបករណ៍សម្រាប់ធ្វើរោគវិនិច្ឆ័យការស្តាប់ឮ។ កិច្ចសន្យាផ្តល់ជំនួយ ក្រោមគម្រោងការជំនួយឧបត្ថម្ភឥតសំណងសម្រាប់គម្រោងទ្រង់ទ្រាយតូចសន្តិសុខមនុស្សជាតិ (ជំនួយគូសាណូណិ) ត្រូវបានចុះហត្ថលេខានៅថ្ងៃទី ២១ ខែធ្នូ ឆ្នាំ​ ២០២០ ដោយឯកឧត្តម មិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជា និងអ្នកតំណាងអង្គភាពទទួលជំនួយចំនួន ៣ ។ ឯកឧត្តម មិកាមិ ម៉ាសាហ៊ីរ៉ូ បានឱ្យដឹងថា ថវិកាចំនួន ៨៧,៩០០ ដុល្លារក្នុងគម្រោងទី១ ត្រូវបានផ្តល់សម្រាប់គម្រោងបំពាក់ឧបករណ៍ពេទ្យនៅមន្ទីរពេទ្យបង្អែកអង្គរបូរីខេត្តតាកែវមានដូចជា៖ ម៉ាស៊ីនកាំរស្មីអ៊ិច ១គ្រឿង ម៉ាស៊ីនថតឆ្លុះអេកូ ១គ្រឿង

លោក ឯក ឃុនដឿន​ អភិបាលខណ្ឌទួលគោកបានឲ្យដឹងថា ផ្លូវលេខ២៨៥ មានប្រវែង ៤៩០ម៉ែត្រ ទទឹង៨ ម៉ែត្រកន្លះ តភ្ជាប់ពីផ្លូវលេខ៥១៦ ទៅផ្លូវលេខ៦០៨ ក្នុងសង្កាត់បឹងកក់ទី១ ខណ្ឌទួលគោកក្នុងចំណោមផ្លូវទាំង ៧ខ្សែក្នុងខណ្ឌ ដែលឯកឧត្តម​ ឃួង ស្រេង អភិបាលរាជធានីភ្នំពេញបានសម្រេចឲ្យធ្វើការជួសជុលកែលម្អឡើងវិញជាបន្ទាន់ ក្រោយទទួលរងការខូចខាតដោយជំនន់ទឹកភ្លៀង ដើម្បីសម្រួលការធ្វើដំណើររបស់ប្រជាពលរដ្ឋ។ ក្នុងនាមប្រជាពលរដ្ឋក្នុងខណ្ឌទួលគោក លោក ឯក ឃុនដឿន​ បានថ្លែង អំណរគុណយ៉ាងជ្រាលជ្រៅដល់​ឯកឧត្តម​ ឃួង ស្រេង ដែលបានអនុវត្តតាមអនុសាសន៏ដ៏ខ្ពង់ខ្ពស់របស់សម្តេចអគ្គមហាសេនាបតីតេជោហ៊ុនសែន នាយករដ្ឋមន្ត្រីនៃ ព្រះរាជាណាចក្រកម្ពុជាដែលបានណែនាំឲ្យមានការជួសជុល និងស្តារឡើងវិញ រាល់ហេដ្ឋារចនាសម្ពន្ធ័ ដែលខូចខាតក្រោយជំនន់ទឹកភ្លៀងតាមបណ្តាខណ្ឌក្នុងរាជធានីភ្នំពេញ។

រាជរដ្ឋាភិបាលអះអាងថា ថវិកាឆ្នាំ ២០២១ គឺជាថវិកាប្រយុទ្ធការពារអាយុជីវិត និងជីវភាពរស់នៅ របស់ប្រជាជន រក្សាលំនឹងសង្គម-សេដ្ឋកិច្ចដើម្បីដោះស្រាយបញ្ហាចំពោះមុខក្នុងពេលបច្ចុប្បន្ន និងនាពេលអនាគត។ ថ្លែងទៅកាន់អង្គព្រឹទ្ធសភា ក្នុងឱកាសឡើងការពារច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២១ នាព្រឹកថ្ងៃទី ២១ ខែធ្នូនេះ ឯកឧត្តមសភាចារ្យ អូន ព័ន្ធមុន្នីរ័ត្ន ឧបនាយករដ្ឋមន្រ្ដី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុមានប្រសាសន៍ថា សេចក្តីព្រាងច្បាប់ស្តីពីហិរញ្ញវត្ថុសម្រាប់ការគ្រប់គ្រងឆ្នាំ ២០២១ ត្រូវបានរៀបចំឡើងក្នុងពេលដែលប្រទេសជាតិកំពុងស្ថិតនៅក្នុងស្ថានភាពលំបាកនៃវិបត្តិជំងឺកូវីដ-១៩ ហើយជំនន់ទឹកភ្លៀងនាពេលថ្មីៗកន្លងទៅនេះបានបង្កើនថែមទៀតនូវសម្ពាធនៃតម្រូវការចំណាយថវិកានៅក្នុងឆ្នាំ ២០២១ ខាងមុខសម្រាប់គោលដៅនៃការស្តារហេដ្ឋារចនាសម្ព័ន្ធរូបវន្ត និងផលិតកម្មកសិកម្មដែលបាននិងកំពុងទទួលរងការខូចខាត។ ឯកឧត្តមបានបញ្ជាក់ថា ការឆ្លងរាតត្បាតនៃជំងឺកូវីដ-១៩ ដ៏កាចសាហាវបាននិងកំពុងបន្តនាំមកនូវផលប៉ះពាល់អវិជ្ជមាន បញ្ហាប្រឈម និងហានិភ័យជាច្រើនដែលមិនធ្លាប់មានពីមុនមក ចំពោះតំបន់ និងពិភពលោកទាំងមូល