កាលពីល្ងាចថ្ងៃអង្គារ ទី៥ ខែកញ្ញា ឆ្នាំ២០២៣ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានជួបសម្តែងការគួរសមជាមួយ ឯកឧត្តម លី សៀនលុង (Lee Hsien Loong) នាយករដ្ឋមន្រ្តីនៃសាធារណរដ្ឋសិង្ហបុរី នៅរដ្ឋធានីហ្សាការតា នៃសាធារណរដ្ឋឥណ្ឌូណេស៊ី។ នាឱកាសនោះដែរ ប្រមុខរដ្ឋាភិបាលទាំងពីរ បានពិភាក្សាលើលទ្ធភាពក្នុងការនាំអង្ករ និងផលិតផលកសិកម្មដទៃទៀតពីកម្ពុជាចូលមកកាន់ទីផ្សារសិង្ហបុរី ក៏ដូចជាគម្រោងនៃការសាងសង់ខ្សែបញ្ជូនថាមពលក្រោមសមុទ្រ ពីប្រទេសឡាវ ឆ្ពោះទៅប្រទេសសិង្ហបុរី ផងដែរ។ លើសពីនេះ ថ្នាក់ដឹកនាំទាំងពីរបានពិភាក្សាទៅលើការបន្តពង្រឹងកិច្ចសហប្រតិបត្តិការដែលមានស្រាប់ និង ពង្រីកកិច្ចសហប្រតិបត្តិការលើវិស័យដែលមានសក្ដានុពល ដូចជា ពាណិជ្ជកម្ម វិនិយោគ

យោងតាមការចុះផ្សាយរបស់ ក្រសួងព័ត៌មាន បានឱ្យដឹងថា ក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា និងក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់ហ្វីលីពីន បានចុះហត្ថលេខាលើអនុស្សរណៈយោគយល់គ្នាដើម្បីអភិវឌ្ឍកសិកម្ម និងសហគ្រាសមីក្រូ-ធុនតូច និងមធ្យម នៃប្រទេសទាំងពីរ។ អនុស្សរណៈយោគយល់គ្នាស្តីពីភាពជាដៃគូក្នុងការអភិវឌ្ឍកសិកម្ម និងសហគ្រាសមីក្រូ-ធុនតូច និងមធ្យមកម្ពុជា-ហ្វីលីពីន ត្រូវបានចុះហត្ថលេខាដោយ អ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់កម្ពុជា និងលោក ចូហ្សេ ម៉ា អេ ខនសិបសិន (JOSE MA. A CONCEPCION III) ប្រធានក្រុមប្រឹក្សាពិគ្រោះយោបល់ធុរកិច្ចអាស៊ានសម្រាប់ហ្វីលីន នារសៀលថ្ងៃទី០៥ ខែកញ្ញា ឆ្នាំ២០២៣ នៅទីក្រុងហ្សាកាតា ប្រទេសឥណ្ឌូនេស៊ី

ការហាមប្រាមរបស់ប្រទេសចិនលើអាហារសមុទ្ររបស់ជប៉ុន ដោយសារការភ័យខ្លាចនៃការចម្លងរោគវិទ្យុសកម្មបានធ្វើឱ្យក្រុមហ៊ុនវៀតណាមមើលឃើញឱកាសកាន់តែច្រើនដើម្បីនាំចេញផលិតផលសមុទ្ររបស់ខ្លួនទៅប្រទេសចិន ប៉ុន្តែការកើនឡើងនេះ គឺមានតិចតួចប៉ុណ្ណោះ ដោយសារតែតម្រូវការរបស់ចិនធ្លាក់ចុះ។ នេះបើយោងតាមការចុះផ្សាយរបស់សារព័ត៌មាន VNExpress។ នាយកប្រតិបត្តិនៃក្រុមហ៊ុននាំចេញអាហារសមុទ្រវៀតណាមពី Nha Trang ដែលនៅតំបន់កណ្តាល បាននិយាយថា ការហាមឃាត់នេះអាចជួយបង្កើនការនាំចេញផលិតផលមួយចំនួនដូចជា ត្រីធូណាជាដើម។ យើងបានឃើញអ្នកទិញចិនបង្កើនការបញ្ជាទិញត្រីធូណា ១៥% ធៀបនឹងរយៈពេលពីមួយឆ្នាំទៅមួយឆ្នាំ។ ប៉ុន្តែតម្រូវការបង្គា និងមឹកនៅតែទាប។ ទន្ទឹមនឹងនេះអ្នកក្នុងឧស្សាហកម្មមួយចំនួនទៀតក៏បាននិយាយផងដែរថា ការហាមប្រាមនេះអាចផ្តល់ឱកាសដល់អាហារសមុទ្រវៀតណាម ប៉ុន្តែគ្រាន់តែបន្តិចបន្តួចប៉ុណ្ណោះ ដោយសារការនាំចេញរបស់ជប៉ុនទៅកាន់ប្រទេសចិន មានចំនួនតិចតួចប៉ុណ្ណោះ ខណៈកាលពីឆ្នាំមុន ប្រទេសជប៉ុនមានចំណែកប្រហែល ៣% នៃការនាំចូលអាហារសមុទ្ររបស់ប្រទេសចិន ធៀបនឹងអេក្វាឌ័រ ១៨.៦% ,រុស្ស៊ី ១៤.៤% និងវៀតណាម ៨.៨%។

លើលោកនេះ អ្វីក៏អាចកើតឡើងបានដែរ ដូចកម្មការនីរោងចក្រម្នាក់ទិញ Boostrong ឆ្ងាញ់ត្រជាក់ៗ ១កំប៉ុង ថាញុំាប៉ូវកម្លាំងសោះ តែបែរជាប៉ូវទាំងកម្លាំងចិត្តទៀត ព្រោះគាស់ឃើញរូបឡានខ្លាញ់គោច្បាស់ៗក្នុងក្រវិលកំប៉ុងប៊ូសស្រ្តង រំភើបខ្លាំងពេក ម្ចាស់រង្វាន់ចិត្តល្អទិញ Boostrong ចែកហ្វ្រីពេញមួយរោងចក្រ។ ម្ចាស់រង្វាន់ធំពី Boostrong មានឈ្មោះ ស៊ន ម៉ាលីន ភេទស្រី អាយុ 23ឆ្នាំ មុខរបរជាកម្មការនីរោងចក្រ បច្ចុប្បន្នរស់នៅភូមិកន្ទោកជើង សង្កាត់កន្ទោក ខណ្ឌកំបូល រាជធានីភ្នំពេញ។ គាត់ថាឱ្យតែចេញពីធ្វើការដឹងតែទិញ Boostrong ឆ្ងាញ់ត្រជាក់ៗញុំាជារៀងរាល់ថ្ងៃ ព្រោះ Boostrong មានរសជាតិឆ្ងាញ់ ញុំាមួយកំប៉ុងហើយចង់ញុំាមួយកំប៉ុងទៀត រហូតគាត់មានលាភសំណាងធំត្រូវរង្វាន់ឡានខ្លាញ់គោ

សហគ្រាសចិនជាង ៥០ អាចនឹងមកវិនិយោគនៅខេត្តកំពង់ស្ពឺបន្ថែមទៀត នេះបើយោងតាមការបង្ហោះរបស់ឯកឧត្តម វ៉ី សំណាង អភិបាល នៃគណៈអភិបាលខេត្តកំពង់ស្ពឺ កាលពីថ្ងៃទី០៤ ខែកញ្ញា ឆ្នាំ២០២៣ ម្សិលមិញនេះ។ បើតាមការបញ្ជាក់របស់ឯកឧត្តម លោក Wang Guangguo នាយកប្រតិបត្ត សហព័ន្ធសហគ្រិនជនជាតិចិនក្រៅប្រទេស ខេត្តហឺណាន ( Henan Federation of Oversea Chinese Entrepreneurs) បានប្តេជ្ញាជំរុញសហគ្រាស ជាង៥០ ទៅវិនិយោគនៅខេត្តកំពង់ស្ពឺ ដោយផ្តោតលើវិស័យកសិកម្ម ជាពិសេសការចិញ្ចឹមគោ និងជ្រូក ក៏ដូចជាឧស្សាហកម្មកែឆ្នៃសាច់គោ និងជ្រូក។

យោងតាមសេចក្ដីប្រកាសព័ត៌មានរបស់ គ្រឹះស្ថានអង្គរ នៅថ្ងៃទី០៤ ខែកញ្ញា ឆ្នាំ២០២៣នេះ បានឱ្យដឹងថា រយៈពេល ៨ខែ ពោលចាប់ពីខែមករា ដល់ខែសីហា ឆ្នាំ២០២៣នេះ កម្ពុជារកចំណូលបានចំនួន ២៣,០៩១,៩៣១ដុល្លារអាមេរិក ពីការលក់បណ្ណចូលទស្សនារមណីយដ្ឋានអង្គរ និងមានភ្ញៀវទេសចរបរទេស ចំនួនសរុប ៤៩៨,៥១៣នាក់។ គ្រឹះស្ថានអង្គរ បានបញ្ជាក់ទៀតថា សម្រាប់ខែសីហា ឆ្នាំ២០២៣នេះ គ្រឹះស្ថានអង្គរ រកចំណូលបានចំនួនៃ ២,៧៧៤,៥៨៦ដុល្លារអាមេរិក ពីការលក់បណ្ណជូនភ្ញៀវទេសចរបរទេស ចូលទស្សនារមណីយដ្ឋានអង្គរ ចំនួន ៥៩,១៤៨នាក់។ សូមជម្រាបថា ក្នុងរយៈពេល ៨ខែ ឆ្នាំ២០២៣នេះ រាជរដ្ឋាភិបាល បានឧបត្ថម្ភមូលនិធិ

ក្រសួងពាណិជ្ជកម្ម មានកិត្ដិយសសូមជម្រាបជូនសាធារណជនទាំងអស់មេត្ដាជ្រាបថា អគ្គនាយកដ្ឋានជំរុញពាណិជ្ជកម្មនៃក្រសួងពាណិជ្ជកម្មបានសហការជាមួយក្រុមហ៊ុន ភីធីធី (ខេមបូឌា) អនុវត្ដគម្រោងជំរុញការលក់ផលិតផលខ្មែរក្រោមកម្មវិធីស្ដីពីកិច្ចសហការជំរុញ និងបង្កើនការលក់ផលិតផលខ្មែរនៅស្ថានីយប្រេងឥន្ធនៈភីធីធីតាម បណ្តារាជធានី-ខេត្ត។ នេះបើយោងតាមការចុះផ្សាយរបស់ ក្រសួងពាណិជ្ជកម្ម នៅរសៀល ថ្ងៃទី០៤ ខែកញ្ញា ឆ្នាំ២០២៣។ ការសហការខាងលើនេះ គឺត្រូវធ្វើឡើងក្នុងគោលបំណងជួយជ្រោមជ្រែងលើកកម្ពស់ផលិតផលខ្មែរដែលជាផលិតផលលក្ខណៈគ្រួសារតូចៗ លើកកម្ពស់ទីផ្សារក្នុងស្រុក និងផលប្រយោជន៍សហគមន៍ ខណៈគម្រោងនេះបានអនុវត្ដដោយជោគជ័យក្នុងឆ្នាំ២០២២ និងដំណាក់កាលទី២ ត្រីមាសទី១ ទី២ ឆ្នាំ២០២៣ រួចមកហើយ នៅរាជធានី-ខេត្ដចំនួន ១៦ តាមបណ្ដាស្ថានីយប្រេងឥន្ធនៈភីធីធីចំនួន ១៩។ យ៉ាងណាមិញក្រសួងពាណិជ្ជកម្ម និងក្រុមហ៊ុន ភីធីធី (ខេមបូឌា) នឹងបន្ដអនុវត្ដគម្រោងដដែលនៅរៀងរាល់ថ្ងៃសុក្រ ថ្ងៃសៅរ៍

យោងតាមការរបស់ក្រសួងការងារ និងបណ្តុះបណ្តាលវិជ្ជាជីវៈ នាថ្ងៃទី០៤ ខែកញ្ញា ឆ្នាំ២០២៣ នេះ បានឱ្យដឹងថា ពាក់ព័ន្ធនឹងការពិភាក្សាប្រាក់ឈ្នួលអប្បបរមា ភាគីសហជីពបានស្នើតួលេខ ២១៥ដុល្លារ ភាគីនិយោជកស្នើតួលេខត្រឹមតែ ២០១ដុល្លារ ខណៈភាគីរាជរដ្ឋាភិបាលមិនទាន់បង្ហាញតួលេខនៅឡើយទេ ហើយក្រុមប្រឹក្សាជាតិប្រាក់ឈ្នួលអប្បបរមានឹងបើកកិច្ចប្រជុំពិភាក្សាបន្តនៅលើកទី៤ខាងមុខ។ គួរជម្រាបថា នាព្រឹកថ្ងៃទី៤ ខែកញ្ញា ឆ្នាំ២០២៣ ក្រុមប្រឹក្សាជាតិប្រាក់ឈ្នួលអប្បបរមាបានបើកកិច្ចប្រជុំជាលើកទី៣ ដើម្បីពិភាក្សាអំពីការដំឡើងប្រាក់ឈ្នួលអប្បបរមាផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប សម្រាប់ឆ្នាំ២០២៤ ក្រោមអធិបតីភាពឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ។ នៅក្នុងកិច្ចប្រជុំទាំង៣លើកនេះ តំណាងភាគីរាជរដ្ឋាភិបាលក៏បានសម្របសម្រួល និងផ្តល់នូវការពន្យល់បន្ថែមលើចំណុចនានា ដែលតំណាងភាគីកម្មករនិយោជិត និងតំណាងភាគីនិយោជកមានចម្ងល់ផងដែរ។