ក្រុមហ៊ុន Tesla កំពុងប្រមូលរថយន្តម៉ូឌែល 3 Performance ប្រហែល ៤៨,០០០ គ្រឿងនៅក្នុងសហរដ្ឋអាមេរិក ដោយសាររថយន្តនេះមិនបាន​បំពាក់ឧបករណ៍វាស់ល្បឿន នេះបើយោងតាមការចុះផ្សាយរបស់សារព័ត៌មាន channelnewsasia។ រថយន្តដែលត្រូវបានប្រមូលត្រឡប់មកវិញនេះ គឺលើរថយន្តពី​ឆ្នាំ​ ២០១៨ ដល់​ឆ្នាំ ២០២២។

យ៉ាងណាមិញក្រុមហ៊ុន Tesla បានលើកឡើងថា ខ្លួននឹងធ្វើបច្ចុប្បន្នភាពលើកម្មវិធី over-the-air ដើម្បីដោះសា្រយបញ្ហានេះ។ គួរឱ្យដឹងថា ក្រុមហ៊ុន Tesla ថ្មីៗនេះហាក់ជួបបញ្ហារាំងស្ទះជាច្រើនរួមមាន៖ ការផ្អាករោងចក្រផលិតនៅប្រទេសចិនដោយសារកូវីដ-១៩​ ភាគហ៊ុនធ្លាក់ចុះត្រូវខាតបង់ប្រមាណ ១២៦ពាន់លានដុល្លារ ហើយឥលូវនេះត្រូវប្រមូលរថយន្តរាប់ម៉ឺនគ្រឿងត្រលប់មកវិញទៀត៕

អត្ថបទ៖ លីនី
ប្រភព៖ channelnewsasia