យោងតាមការចុះផ្សាយរបស់សារព័ត៌មាន vnexpress កាលពីពេលកន្លងទៅនេះ បានឲ្យដឹងថា ក្រុមហ៊ុនអេឡិចត្រូនិចកូរ៉េខាងត្បូង LG កំពុងប្រកាសស្វែងរកអ្នក​ទិញរោងចក្រដ៏ធំបំផុតរបស់ខ្លួន នៅទីក្រុង Hai Phong ប្រទេសវៀតណាម បន្ទាប់ពីសម្រេចចិត្តដកខ្លួនចេញពីទីផ្សារស្មាតហ្វូន។ របាយការណ៍ធុរកិច្ចកូរ៉េនិយាយថា ក្រុមហ៊ុនអេឡិចត្រូនិចយក្សរបស់កូរ៉េខាងត្បូងបានសម្រេចចិត្តបញ្ឈប់ការផលិតនិងលក់ទូរស័ព្ទចល័ត ដែលគ្មានទីផ្សាររបស់ខ្លួន ហើយកំពុងចាត់វិធានការបិទរោងចក្រផលិត។

ទោះយ៉ាងណាក៏ដោយ LG មិនទាន់អាចរកឃើញអ្នកទិញរោងចក្រ នៅទីក្រុង Hai Phong ដែលផលិតស្មាតហ្វូនប្រហែល ១០លានគ្រឿងជារៀងរាល់ឆ្នាំ និងប្រហែលពាក់កណ្តាលនៃទិន្នផលរបស់ក្រុមហ៊ុនឡើយ។ បើតាមរបាយការណ៍បានបង្ហាញថា ក្រុមហ៊ុនផលិតស្មាតហ្វូនរបស់វៀតណាមមានកន្លែងផ្ទាល់ខ្លួន ហើយក្រុមហ៊ុនក្នុងស្រុកមិនអាចមានលទ្ធភាពចំណាយច្រើនជាង ១០០ ពាន់លានវ៉ុន (៨៩.២ លានដុល្លារ) សម្រាប់រោងចក្ររបស់ក្រុមហ៊ុន LG នោះទេ។

របាយការណ៍បានបន្ថែមថា ប្រសិនបើក្រុមហ៊ុន LG មិនអាចលក់រោងចក្រទាំងមូលបានទេនោះ ក្រុមហ៊ុនអាចនឹងពិចារណាលក់ទីតាំងរោងចក្រនេះ។ គួរបញ្ជាក់ផងដែរថា ផ្នែកស្មាតហ្វូនរបស់ក្រុមហ៊ុន LG បានប្រកាសអំពីការខាតបង់សរុបចំនួន ៤.៥ ពាន់លានដុល្លារក្នុងរយៈពេល ៥ ឆ្នាំចុងក្រោយនេះ។ ក្រុមនេះបាននិយាយថា ការបោះបង់ចោលអាជីវកម្មស្មាតហ្វូនដែលមានការប្រកួតប្រជែងខ្លាំងនឹងអនុញ្ញាតឱ្យ ក្រុមហ៊ុនផ្តោតលើតំបន់ផ្នែកចម្រើនដូចជា គ្រឿងបន្លាស់រថយន្តអគ្គិសនី ឧបករណ៍ភ្ជាប់ និងផ្ទះឆ្លាត៕

អត្ថបទ៖ លីនី
ប្រភព៖ vnexpress