ក្រុមហ៊ុន Samsung Electronics បាននិយាយនៅថ្ងៃសៅរ៍នេះថា ការនាំចេញទៅកាន់ប្រទេសរុស្ស៊ីត្រូវបានផ្អាក “ដោយសារតែការអភិវឌ្ឍន៍ភូមិសាស្ត្រនយោបាយបច្ចុប្បន្ន” ។ ក្រុមហ៊ុនបាននិយាយនៅក្នុងសេចក្តីថ្លែងការណ៍មួយថា “យើងបន្តតាមដានយ៉ាងសកម្មនូវស្ថានភាពដ៏ស្មុគស្មាញនេះ ដើម្បីកំណត់ជំហានបន្ទាប់របស់យើង” ។

ក្រៅពីការផ្អាក ក្រុមហ៊ុន Samsung ក៏កំពុងបរិច្ចាគថវិកា ៦លានដុល្លារផងដែរ រួមទាំង ១លានដុល្លារជាឧបករណ៍អេឡិចត្រូនិក ក៏ដូចជាការបរិច្ចាគដោយស្ម័គ្រចិត្តពីបុគ្គលិក ដើម្បីគាំទ្រយ៉ាងសកម្មក្នុងកិច្ចខិតខំប្រឹងប្រែងមនុស្សធម៌ “នៅជុំវិញតំបន់” រួមទាំងជំនួយសម្រាប់ជនភៀសខ្លួនផងដែរ។

ក្រុមហ៊ុន Samsung Electronics ជាប់ចំណាត់ថ្នាក់លេខ១ ផ្នែកទូរស័ព្ទនៅប្រទេសរុស្ស៊ីដែលមានចំណែកទីផ្សារ ៣០% គិតត្រឹមត្រីមាសទី ៤ ឆ្នាំ២០២១ នាំមុខក្រុមហ៊ុន Xiaomi ២៣% និង Apple ១៣%ភាគរយ នេះបើយោងតាមអ្នកផ្តល់ទិន្នន័យ Counterpoint ។ យ៉ាងណាមិញ កន្លងមក ម៉ាកយីហោដូចជាគូប្រជែងស្មាតហ្វូន Apple, Nike និង IKEA បានបញ្ឈប់ការលក់ ឬផ្អាកអាជីវកម្មនៅក្នុងប្រទេសរុស្ស៊ី ដោយសារប្រទេសនេះទទួលរងនូវទណ្ឌកម្ម និងការរិះគន់ពីអន្តរជាតិចំពោះការលុកលុយរបស់អ៊ុយក្រែន។ ការផ្លាស់ប្តូរផ្លូវដឹកជញ្ជូនគឺជាកត្តាបន្ថែម៕

អត្ថបទ៖ លីនី
ប្រភព៖channelnewsasia