ក្រុមហ៊ុនអេឡិចត្រូនិកជប៉ុន Panasonic ឥឡូវនេះអនុញ្ញាតឱ្យបុគ្គលិកធ្វើការតែ ៤ថ្ងៃក្នុងមួយសប្តាហ៍។ ការសម្រេចកាត់បន្ថយរយៈពេលធ្វើការនេះ គឺជាផ្នែកមួយនៃក្រុមហ៊ុន ដែលក្រុមហ៊ុនជាច្រើននៅជុំវិញពិភពលោកបានចាប់ផ្ដើមធ្វើ ដើម្បីបង្កើនតុល្យភាពជីវិតការងាររបស់បុគ្គលិក។

បើយោងតាម ​​Bloomberg ការសម្រេចចិត្តនេះត្រូវបានធ្វើឡើងចំពេលមានការកើនឡើងនៃចំនួនក្រុមហ៊ុនជប៉ុន និងសកលលោកដែលផ្តល់ថ្ងៃចុងសប្តាហ៍យូរជាងចុងសប្ដាហ៍ដែឡពួកគេមាននាពេលបច្ចុប្បន្ននេះ ដែលជាសញ្ញានៃរលកថ្មីនៃតុល្យភាពជីវិតការងារកាន់តែច្រើន។

នាយកប្រតិបត្តិក្រុមហ៊ុន Panasonic លោក Yuki Kusumi បាននិយាយនៅក្នុងបទសម្ភាសន៍សង្ខេបរបស់វិនិយោគិនកាលពីសប្តាហ៍មុនថា ការសម្រេចចិត្តនេះនឹងអនុញ្ញាតឱ្យបុគ្គលិកធ្វើការផ្សេងទៀត ឬចំណាយពេលធ្វើការស្ម័គ្រចិត្តនៅថ្ងៃសម្រាកបន្ថែម។ យោងតាមទីភ្នាក់ងារព័ត៌មាន Bloomberg ក្រុមហ៊ុនបច្ចេកវិទ្យាធំៗផ្សេងទៀត បានចាប់ផ្តើមសាកល្បងកាត់បន្ថយរយៈពេលធ្វើការរួចហើយក្នុងនោះរួមមាន៖ Amazon ដែលបានចាប់ផ្តើមកាត់បន្ថយរយៈពេលធ្វើការមកត្រឹម ៤ ថ្ងៃក្នុង ១សប្ដាហ៍ ដល់បុគ្គលិកមួយចំនួនកាលពីឆ្នាំ២០១៩ និងក្រុមហ៊ុន Unilever ដែលនៅចុងឆ្នាំ២០២០ ក៏បានចាប់ផ្តើមការសាកល្បងាត់បន្ថយពេលធ្វើការដែរនៅប្រទេសនូវែលសេឡង់៕

អត្ថបទ៖ លីនី
ប្រភព៖ nextshark