មហាសេដ្ឋីឥណ្ឌូនេស៊ី លោក Chairul Tanjung នឹងចាក់ទុនស្រោចស្រង់ក្រុមហ៊ុនអាកាសចរណ៍ជាតិឥណ្ឌូនេស៊ី Garuda បន្ទាប់ពីរៀបចំរចនាសម្ព័ន្ធឡើងវិញ។ ប៉ុន្តែមុនពេលបញ្ចូលទុនដើម្បីពង្រឹងឡើងវិញ មហាសេដ្ឋីឥណ្ឌូនេស៊ីរូបនេះ បាននិយាយកាលពីអង្គារថា លោកនឹងដកការវិនិយោគរបស់ខ្លួននៅក្នុងក្រុមហ៊ុនអាកាសចរណ៍ Garuda បន្ទាប់ពីក្រុមហ៊ុនអាកាសចរណ៍នេះបានបញ្ចប់ការរៀបចំរចនាសម្ព័ន្ធបំណុលដែលដឹកនាំដោយតុលាការ។
ការប្រកាសនេះបានធ្វើឡើងនៅពេលដែលរដ្ឋាភិបាលបានស្នើឱ្យព្រះរាជអាជ្ញា ចាប់ផ្តើមការស៊ើបអង្កេតអំពើពុករលួយទៅលើកិច្ចសន្យាជួលយន្តហោះមួយចំនួនរបស់ក្រុមហ៊ុន Garuda។ លោក Tanjung បានប្រាប់សន្និសីទសារព័ត៌មានមួយដែលផ្សាយដោយប្រព័ន្ធផ្សព្វផ្សាយមួយរបស់លោកថា៖ “យើងសង្ឃឹមថាដំណើរការរបស់តុលាការនឹងត្រូវបញ្ចប់ក្នុងពេលឆាប់ៗនេះ។ ពេលវារួចរាល់ហើយ ផែនការរបស់យើងគឺបង្កើនដើមទុនដើម្បីពង្រឹង (Garuda) “។
គួរបញ្ជាក់ថា អ្នកជំនួញរូបនេះ គឺជាម្ចាស់ភាគហ៊ុនធំទីពីររបស់ Garuda បន្ទាប់ពីរដ្ឋាភិបាលដោយកាន់កាប់ភាគហ៊ុន ២៨.៣ ភាគរយតាមរយៈក្រុមហ៊ុន PT Trans Airways។ ជាមួយគ្នានេះ ក្រុមហ៊ុនអាកាសចរណ៍ជាតិឥណ្ឌូនេស៊ី Garuda ដែលត្រូវបានវាយប្រហារដោយការធ្លាក់ចុះនៃការធ្វើដំណើរតាមផ្លូវអាកាសអំឡុងពេលជំងឺរាតត្បាត កូវីដ-១៩ កំពុងស្ថិតនៅក្រោមការកែសម្រួលរចនាសម្ព័ន្ធបំណុលដែលដឹកនាំដោយតុលាការជុំវិញបំណុលដែលមិនទាន់បានបង់៕
អត្ថបទ៖ លីនី
ប្រភព៖ channelnewsasia