ក្រុមហ៊ុន Yamaha Motor បាននិយាយកាលពីថ្ងៃច័ន្ទ ក្សិលមិញនេះថា ខ្លួននឹងផ្អាកផលិតកម្មម៉ូតូរបស់ខ្លួនជាបណ្តោះអាសន្ននៅឯរោងចក្រចំនួន ២ ក្នុងប្រទេសឥណ្ឌា ដើម្បីការពារនិយោជិក ពីការឆ្លងវីរុស Covid-19 ដែលកំពុងកើនឡើងពីមួយថ្ងៃទៅមួយថ្ងៃ។ អ្នកនាំពាក្យក្រុមហ៊ុនជប៉ុនមួយនេះបាននិយាយថា រោងចក្រនៅ Surajpur ដែលមានឈ្មោះថា Uttar Pradesh និង Chennai នៅរដ្ឋ Tamil Nadu នឹងបញ្ឈប់ផលិតកម្មចន្លោះពីថ្ងៃទី ១៥ និង ៣១ ឧសភា។

អ្នកនាំពាក្យបានបន្ថែមថា​ ការសម្រេចចិត្តថាតើរោងចក្រនេះនឹងចាប់ផ្តើមផលិតឡើងវិញនៅខែមិថុនាខាងមុខនេះ ឬ អត់ នឹងធ្វើឡើងបន្ទាប់ពីក្រុមហ៊ុនបានវាយតម្លៃពីស្ថានភាពនៃវីរុសរាតត្បាតនេះ។ គួរបញ្ជាក់ផងដែរថា រដ្ឋនៃប្រទេសឥណ្ឌាជាច្រើនបានដាក់ការបិទទ្វារយ៉ាងតឹងរ៉ឹងក្នុងរយៈពេលមួយខែកន្លងមកនេះ ដោយសារអត្រានៃការឆ្លងមេរោគអេអាយភី -១៩ កើនឡើងខ្លាំង។

ជាក់ស្ដែងចំនួនករណីឆ្លងវីរុសថ្មី និងការស្លាប់បានកើនឡើងជិតដល់កម្រិតខ្ពស់បំផុតប្រចាំថ្ងៃកាលពីថ្ងៃចន្ទ ដោយបង្កើនការអំពាវនាវ ឱ្យរដ្ឋាភិបាលរបស់នាយករដ្ឋមន្រ្តី Narendra Modi ឱ្យបិទប្រទេសដែលមានប្រជាជនច្រើនបំផុតទី ២ នៅលើពិភពលោក៕

អត្ថបទ៖ លីនី
ប្រភព៖ channelnewsasia