យោងតាមការលើកឡើងតាមរយៈផេកហ្វេសប៊ុកផ្លូវការរបស់ឯកឧត្តមបណ្ឌិត ម៉ុង ឫទ្ធី បានបង្ហាញថា ក្នុងមួយឆ្នាំ ក្រុមហ៊ុន ម៉ុង ឫទ្ធីគ្រុប បានចំណាយទឹកប្រាក់ប្រមាណជា ៣០លានដុល្លារអាមេរិក ដើម្បីប្រមូលទិញកសិផលពីប្រជាកសិករនៅតាមបណ្ដាខេត្តជាច្រើនដូចជា កណ្ដាល កំពង់ឆ្នាំង ពោធិ៍សាត់ បាត់ដំបង ប៉ៃលិនជាដើម។
នៅលើការបង្ហោះរបស់ឯកឧត្តមមុននេះបន្តិចបានរៀបរាប់ដូច្នេះថា៖ « វេលាម៉ោង៨ព្រឹក ថ្ងៃអង្គារ៍ ទី២៧ ខែមេសា ឆ្នាំ២០២១ ថ្វីត្បិតតែពេលនេះមានជម្ងឺឆ្លងកូវិត១៩កំពុងតែវាយលុក នៅលេីពិភពលោកក្នុងនោះព្រះរាជាណាចក្រកម្ពុជាយេីង កំពុងតែរងនូវឥទ្ធិពលនេះយ៉ាងធ្ងន់ធ្ងរមួយចំណែកផងដែ បេីទោះបីជាយ៉ាងនេះក៏ដោយក្តីស្បៀងអាហារជាកត្តាមួយសំខាន់ខ្លាំងណាស់ ដែលមនុស្សសត្វទាំងឡាយមិនអាចខ្វះបាន ព្រឹកនេះខ្ញុំដឹកនាំអ្នកបច្ចេកទេសផលិតចំណីសត្វ របស់ក្រុមហ៊ុនម៉ុង ឫទ្ធីគ្រុបដេីម្បីជម្រុញពង្រឺករោងចក្រផលិតចំណីសត្វអោយបានទ្វេដងបន្ថែមទៀត ដែលកន្លងមកក្រុមហ៊ុនផលិតចំណីសត្វបានជាមធ្យម១២០.០០០តោនក្នុងមួយឆ្នាំ បេីគឹតជាទឹកប្រាក់ប្រមាណជា៣០លានដុល្លារសហរដ្ឋអាមេរិក សម្រាប់យកទៅប្រមូលទិញកសិផលពីប្រជាកសិករនៅតាមបណ្ដាខេត្តកណ្ដាល កំពង់ឆ្នាំង ពោធិ៍សាត់ បាត់ដំបង ប៉ៃលិន ៕ល៕ »
គួរបញ្ជាក់ផងដែរថា ឯកឧត្តមបណ្ឌិត ម៉ុង ឫទ្ធី ត្រូវបានគេស្គាល់ថា សេដ្ឋីកសិកម្ម និងចិត្តធម៌មួយរូបនៅស្រុកខ្មែរមួយរូប ដែលតែងតែជួយ ក៏ដូចជាខិតខំយ៉ាងខ្លាំងដើម្បីបង្កើតការងារ ឬ ជួយជាជំនួដល់ប្រជាជនដែលខ្វះខាត។ មិនត្រឹមតែជួយប្រជាពលរដ្ឋឲ្យមានការងារធ្វើប៉ុណ្ណោះទេ ឯកឧត្តមក៏ជួយក្នុងការសាងសង់ហេដ្ឋារចនាសម្ព័ន្ធជាច្រើនផងដែរ នៅក្នុងប្រទេសកម្ពុជា៕
អត្ថបទ៖ លីនី