ឯកឧត្តមបណ្ឌិត ម៉ុង ឫទ្ធី គឺជាអ្នកជំនួញដ៏ជោគជ័យលើវិស័យកសិកម្ម គាត់បានផ្ដល់ការងារយ៉ាងច្រើនដល់ប្រជាពលរដ្ឋខ្មែរឲ្យជៀសផុតពីការធ្វើចំណាកស្រុកទៅជាពលករស្រុកគេ។ តាមរយៈបទពិសោធន៍របស់គាត់ក្នុងវិស័យកសិកម្ម ឯកឧត្តមបណ្ឌិតបានណែនាំដល់កសិករចិញ្ចឹមទា នូវកំហុស ២យ៉ាងដែលកសិករ តែងអនុវត្តតែងធ្វើនៅក្នុងការចិញ្ចឹម។
យោងតាមការបង្ហោះនៅលើផេកផ្លូវការមុននេះបន្តិច សេដ្ឋីកសិកម្មរូបនេះបានលើកឡើងថា៖ ដេីម្បីឲ្យការចំណាយលើថ្លៃផលិតថោក សូមកសិករមេត្តា ឈប់ចិញ្ចឹមទាឲ្យហែលទឹកស្រះត្រពាំងបន្តទៀត ហេីយបេីចិញ្ចឹមសម្រាប់យកពងមកបរិភោគមិនចាំបាច់ដាក់ឈ្មោលទេ (អោយវាសុីចំណីផលិត)។
ឯកឧត្តមបានបន្តថា កំហុសឆ្គងកន្លងមកការចិញ្ចឹមទាឲ្យហែលទឹក វាពងចូលទឹកអស់ប្រហែល២០% ហើយចំពោះការដាក់ឈ្មោល បេីយេីងដាក់ឈ្មោល វាចេះតែដេញជាន់គ្នាធ្វេីឲ្យអាក់ពងមិនតិចជាង ១៥%ទេ ដូច្នេះដល់ពេលយេីងប្រមូលពងបានតិច តម្លៃផលិតវាខ្ពស់ហេីយនាំគ្នាស្រែកថា ពងទាចុះថោក។
គួរបញ្ជាក់ផងដែរថា ដេីម្បីចូលរួមចំណែកបង្កាគ្រោះខ្វះខាតពងទាដែលនិងអាចកេីតឡេីងជាយថាហេតុ ដោយសារតែនៅពេលដែលពងទាធ្លាក់តម្លៃ កសិករបង្ខំចិត្តបោះបង់ការចិញ្ចឹមដោយសារតែពួកគាត់មិនមានប្រាក់បំពេញខាត និងឃើញបែបនេះជាញឹកញាប់ ទើបជំរុញឲ្យឯកឧត្តមបណ្ឌិត រៀបចំសាងសង់ទ្រុង ទិញមេទាយកមកចិញ្ចឹមចំនួន ១០,០០០ក្បាល ក្នុងនោះមានទាយកពងសម្រាប់បរិភោគ និងសម្រាប់យកពងមកភ្ញាស់ទុកបន្តពូជផងដែរ៕
អត្ថបទ៖ លីនី