ក្រុមហ៊ុនផលិតរថយន្តប្រណិត Rolls-Royce ពិចារណាជ្រើសរើសយកវិនិយោគិន ក្នុងរង្វង់ទឹកប្រាក់ ២,៥ ពាន់លានផោន ( ប្រមាណ ៣.១៧ ពាន់លានដុល្លារ )។ ក្រុមហ៊ុនដែលផលិតម៉ាស៊ីនសម្រាប់យន្តហោះបាននិយាយថា ខ្លួនកំពុង“ វាយតំលៃ” ការបូកនិងកំពុងពិនិត្យមើលជម្រើសមួយចំនួន រួមទាំងបញ្ហាសិទ្ធិផងដែរ។

សារព័ត៌មាន BBC បានឲ្យដឹងថា ក្រុមហ៊ុន Rolls-Royce ធ្លាប់បាននិយាយថា ខ្លួនមិនរំពឹងថាតម្រូវការនឹងវិលត្រឡប់ទៅរកកម្រិតមុនពេលផ្ទុះឡើងនូវរោគរាតត្បាតរយៈពេល ៥ ឆ្នាំទេ។ ខណៈក្រុមហ៊ុនបានប្រកាសរួចហើយនូវការកាត់បន្ថយការងារចំនួន ៩,០០០ កន្លែង ដែលជាផ្នែកមួយនៃរចនាសម្ព័ន្ធដ៏ធំមួយ។

ជាមួយគ្នានេះ កាសែត Financial Times បានរាយការណ៍ជាលើកដំបូងថា ក្រុមហ៊ុន Rolls-Royce កំពុងពិចារណាបង្កើនទឹកប្រាក់ចំនួន ២,៥ ពាន់លានផោន ហើយកំពុងពិភាក្សាជាមួយមូលនិធិទ្រព្យសម្បត្តិអធិបតេយ្យភាពមួយចំនួនរួមទាំង GIC របស់ប្រទេសសិង្ហបុរីផងដែរ។ សេចក្តីថ្លែងការណ៍នោះបានបន្ថែមទៀតថា មិនមានសេចក្តីសម្រេចចិត្តចុងក្រោយណាមួយត្រូវបានក្រុមហ៊ុនជ្រើសយក និងថាតើត្រូវដំណើរការជម្រើសណាមួយ ឬ នៅពេលណា ឬ ចំនួនជាក់លាក់ដែលអាចត្រូវបានលើកឡើងនោះទេ។

គួរបញ្ជាក់ផងដែរថា រដ្ឋាភិបាលអង់គ្លេសបានកាន់កាប់ « ចំណែកមាស » នៅក្នុងក្រុមហ៊ុន Rolls-Royce ដែលនេះគឺជារារាំងក្រុមហ៊ុនដែលត្រូវបានគេចាត់ទុកថាជាចំណាប់អារម្មណ៍ ហើយក៏ជាយុទ្ធសាស្ត្ររបស់ចក្រភពអង់គ្លេសពីការស្ថិតក្រោមការគ្រប់គ្រងរបស់បរទេស។ នៅក្នុងខែសីហាក្រុមហ៊ុន Rolls-Royce បានប្រកាសពីការខាតបង់ចំនួន ៥.៤ ពាន់លានផោន សម្រាប់ឆមាសទីមួយនៃឆ្នាំហិរញ្ញវត្ថុរបស់ខ្លួន។ ទន្ទឹមនឹងនេះការងារចំនួន ៣,០០០ កន្លែងកំពុងត្រូវបានកាត់បន្ថយនៅចក្រភពអង់គ្លេស ហើយក្រុមហ៊ុនកំពុងកាត់បន្ថយចំនួនទីតាំងរបស់ខ្លួននៅទូទាំងពិភពលោកពី ១១ មក ៦ កន្លែង រួមទាំងការបិទរោងចក្រនៅ Nottinghamshire និង Lancashire៕

អត្ថបទ៖ លីនី
ប្រភព៖ bbc