ជាធម្មតាការងារមិនងាយស្រួលរកនោះទេ មិនថានៅប្រទេសណាក៏ដោយ ហើយវារឹតតែពិបាកកាន់តែខ្លាំងថែមមួយកម្រិតទៀតសម្រាប់ជនមានពិការភាព ខណៈដែលមនុស្សធម្មតាមានទាំងសមត្ថភាពភាគច្រើនពិបាករួចហើយ។ ជាមួយគ្នានេះប្រទេសដែលមានប្រជាជនច្រើន ការប្រកួតប្រជែងក្នុងការស្វែងរកឱកាសការងារក៏កាន់តែខ្លាំង ប៉ុន្តែអ្នកមានពិការភាពនៅទីក្រុង Changsha ប្រទេសចិនត្រូវបានទទួលបានឱកាសការងារនៅទីនោះ។

ហាងនំប័ុងរបស់អាល្លឺម៉ង់មួយកន្លែងដែលមានឈ្មោះថា Bach បានក្លាយជាហាងដ៏គួរឲ្យគោរព និងកោតសរសើរ ដែលភាគច្រើនបានជួលបុគ្គលិកដែលមានសមត្ថភាពខ្សោយក្នុងការស្ដាប់ សម្រាប់ធ្វើនំប័ុងលក់ជាប្រចាំថ្ងៃ។ លោក Uwe Brutzer ម្ចាស់ហាង និងជាអ្នកគ្រប់គ្រងដោយផ្ទាល់បានផ្ដល់ឱកាសការងារដែលពិបាករកសម្រាប់បុគ្គលិកមានពិការភាពទាំងនេះ។

លោក Brutzer និងភរិយាឈ្មោះ Dorothee បានមកទីក្រុង Changsha ដំបូងក្នុងឆ្នាំ២០០២ ជាមួយសប្បុរសជនអាឡឺម៉ង់ដើម្បីជួយកុមារដែលមានបញ្ហាសោតវិញ្ញាណ។ បន្ទាប់មកនៅឆ្នាំ២០១១ គាត់បានបើកហាងនំបុ័ងហើយចាប់តាំងពីពេលនោះមកគាត់បានបណ្តុះបណ្តាលអ្នកដុតនំប្រហែល ២០ នាក់។ ភាគច្រើនអ្នកដែលទទួលបានការបណ្ដុះបណ្ដាលមក តែងផ្លាស់ទធ្វើការនៅភោជនីយដ្ឋាន ឬ សណ្ឋាគារផ្សេងទៀត ប៉ុន្តែសម្រាប់ការបើកអាជីកម្មខ្លួនឯង គឺមិនទាន់មាននោះទេ ដោយជួបបញ្ហាប្រឈមធំៗដូចជា ការទំនាក់ទំនងជាមួយភ្ញៀវ និងជាមួយអ្នកផ្គត់ផ្គង់ជាដើម។

ម្ចាស់ហាងនំប័ុងជនជាតិអាល្លឺម៉ង់រូបនេះ បានឲ្យដឹងថា កន្លងមកអ្នកដុតនំដែលមានបទពិសោធន៍របស់គាត់ពីរនាក់បានព្យាយាមបើកហាងផ្ទាល់ខ្លួន ប៉ុន្តែពួកគេទាំងពីរបានបិទហាងរបស់ពួកគេនៅពេលក្រោយដោយសារតែបញ្ហាប្រឈមខាងលើនេះ។ លោក Brutzer អាយុ ៥០ ឆ្នាំបាននិយាយថា ជាមួយនឹងបញ្ហាប្រឈមនៃការប្រាស្រ័យទាក់ទងនេះ បុគ្គលិកថ្លង់របស់គាត់តែងតែត្រូវបានណែនាំឲ្យធ្វើការដែលតម្រូវឱ្យប្រើដៃស្ទាត់ជំនាញ។ ប៉ុន្តែទោះបីជាមានការយល់ដឹងកាន់តែច្រើនអំពីតម្រូវការជនពិការក៏ដោយ ក៏ជីវិតនៅតែជាបញ្ហាប្រឈមសម្រាប់អ្នកដែលខ្សោយនៃការស្តាប់របស់ប្រទេសចិនដែលត្រូវបានប៉ាន់ស្មានជាផ្លូវការចន្លោះពី ២០ ទៅ ៣០ លាន។

ជាក់ស្ដែងបុគ្គលិកម្នាក់ឈ្មោះ Wan Ting​ អាយុ ២៨ឆ្នាំ បម្រើការងារឲ្យហាងនំប័ុង Bach តាំងពីឆ្នាំ ២០១៧ បាននិយាយថាវាពិបាកក្នុងការរកលុយបានល្អ និងទទួលបានការអប់រំដូចនៅទីនេះ សម្រាប់ពួកគេណាស់។ បុគ្គលិករូបនេះបានបន្តថា បើចង់រកការងារនៅកន្លែងផ្សេងទៀត ពួកគេត្រូវរកអ្នកណាម្នាក់ដែលអាចនាំឲ្យពួកគេទទួលបានការងារល្អ បើមិនដូច្នេះទេឱកាសការងារមានតិចតួចណាស់សម្រាប់ពួកគេ។

យ៉ាងណាមិញហាងនំប៉័ងដ៏គួរឲ្យស្ញប់ស្ញែងនេះ បានផ្តល់ជូនអតិថិជនក្នុងស្រុកអស់រយៈពេលជាច្រើនឆ្នាំនៅក្នុងទីក្រុង ដែលត្រូវបានគេស្គាល់ថាជាមុខម្ហូបប្រចាំហ៊ូណាន បើទោះបីជាហាងនេះស្ថិតនៅចិញ្ចើមផ្លូវលំដ៏តូចមួយក៏ដោយ។ ជាមួយគ្នានេះទោះបីជាប្រទេសចិនបានវាយប្រហារដោយសារការផ្ទុះឡើងវីរុស Covid-19 ក៏ហាងនៅតែដំណើរការបានយ៉ាងល្អ ដោយសារការផ្លាស់ប្តូរទៅរកសេវាកម្មដោយមិនប៉ះពាល់ក្នុងកំឡុងពេលមានរោគរាតត្បាតបានធ្វើឱ្យបរិមាណគួរឱ្យស្ញប់ស្ញែង។

លោក Brutzer បាននិយាយថា សព្វថ្ងៃនេះការស្រែកយ៉ាងខ្លាំងពីមាត់ទ្វារប្រកាសអតិថិជនថ្មីរៀងរាល់ពីរបីនាទីម្តង ហើយអាជីវកម្មបានកើនឡើង ៥ ដងបើប្រៀបធៀបទៅនឹងឆ្នាំមុន។ បញ្ហាប្រឈមនៅពេលនេះគឺការឆ្លើយតបនឹងតម្រូវការ។ លោកបន្តថា ប៉ុន្តែបញ្ហានេះនឹងថយចុះដល់កំរិតមួយដែលយើងអាចទទួលបានប្រាក់ខែល្អប្រសើរ ហើយប្រជាជននឹងសប្បាយចិត្ត៕

អត្ថបទ៖ លីនី
ប្រភព៖ channelnewsasia