សារព័ត៌មាន VNExpress កាលពីថ្ងៃទី៣១ ខែធ្នូ ឆ្នាំ២០២៣ កន្លងទៅនេះ បានចុះផ្សាយថា ក្រុមហ៊ុនអចលនទ្រព្យវៀតណាមប្រមាណចំនួន ១៣០០ បានក្ស័យធននៅក្នុងឆ្នាំ២០២៣ កើនឡើង ៨% បើធៀបនឹងឆ្នាំ២០២២ នេះបើយោងតាមការិយាល័យស្ថិតិទូទៅ។
សារព័ត៌មានខាងលើបានបញ្ជាក់ថា ក្នុងចំណោមក្រុមហ៊ុនដែលបានចាកចេញពីទីផ្សារ ចំនួនក្រុមហ៊ុនដែលផ្អាកអាជីវកម្មក្នុងពេលកំណត់បានកើនឡើង ២១% បើធៀបនឹងឆ្នាំ២០២២ ខណៈដែលចំនួនក្រុមហ៊ុនដែលរង់ចាំបញ្ចប់នីតិវិធីរំសាយកើនឡើង ២៩%។ ជាមួយគ្នានេះដែរ អចលនទ្រព្យជាវិស័យមួយ ដែលមានចំនួនក្រុមហ៊ុនបិទទ្វារច្រើនជាងគេក្នុងឆ្នាំ២០២៣ ជាមធ្យម អាជីវកម្មចំនួន ១០៧ បានក្ស័យធនជារៀងរាល់ខែ ខណៈដែលចំនួនអាជីវកម្មថ្មីត្រូវបានបង្កើតឡើងធ្លាក់ចុះ ៤៥% បើប្រៀបធៀបទៅនឹងឆ្នាំ២០២២។
គួរបញ្ជាក់ផងដែរថា ទីផ្សារអចលនៈទ្រព្យរបស់ប្រទេសវៀតណាម បានស្ថិតក្នុងសភាពក្តៅគគុកតាំងពីឆ្នាំ២០២២ ហើយស្ថានភាពនេះបានបន្តរហូតមកដល់បច្ចុប្បន្ន បើទោះបីជាមានជំនួយពីរដ្ឋាភិបាលក៏ដោយ។ ទន្ទឹមនឹងនេះ អ្នកជំនាញបាននិយាយថា មានបញ្ហាទាក់ទងនឹងច្បាប់ ការប្រគល់ដី ការកំណត់តម្លៃ និងដើមទុនជាដើម៕
អត្ថបទ៖ លីនី
ប្រភព៖ VNExpress