នៅក្នុងត្រីមាសទី៣ នៃឆ្នាំ២០២២ ក្រុមហ៊ុន Porsche បានចែកចាយរថយន្តចំនួន ២២១,៥១២គ្រឿងដល់អតិថិជននៅទូទាំងពិភពលោក ពោលគឺកើនឡើង ២ភាគរយធៀបនឹងឆ្នាំមុន។ ខណៈម៉ូដែលពេញនិយមបំផុតនៅតែជារថយន្ត Porsche Cayenne ។
Detlev von Platen សមាជិកក្រុមប្រឹក្សាប្រតិបត្តិផ្នែកលក់ និងទីផ្សារនៅ Porsche AG បាននិយាយថា «យើងបានគ្រប់គ្រងដើម្បីបង្កើនចំនួនចែកចាយរបស់យើងក្នុងរយៈពេល៩ខែដំបូងនៃឆ្នាំនេះ ទោះបីជាមានបញ្ហាប្រឈមជាច្រើនក៏ដោយ»។ លោកបន្តថា «ប្រជាប្រិយភាពរបស់ Porsche ជាម៉ាកប្រណីតទំនើប គឺខ្ពស់។ ទន្ទឹមនឹងនោះ យើងនៅតែមានការព្រួយបារម្ភអំពីដែនកំណត់នៃការផ្គត់ផ្គង់គ្រឿងបន្លាស់ ដែលអាចប៉ះពាល់ដល់ពេលវេលារង់ចាំសម្រាប់អតិថិជន»។

ការកើនឡើងដ៏ធំបំផុតគឺនៅក្នុងតំបន់លក់នៃទ្វីបអឺរ៉ុប ដែលក្រុមហ៊ុន Porsche បានចែកចាយរថយន្តចំនួន ៤២,២០៤គ្រឿងនៅចន្លោះខែមករា និងខែកញ្ញា កើន១១ភាគរយច្រើនជាងរយៈពេលដូចគ្នាកាលពីឆ្នាំមុន។ នៅក្នុងទីផ្សារក្នុងស្រុករបស់ខ្លួន ប្រទេសអាឡឺម៉ង់ មានអតិថិជន ២០,៨៥០ ដែលកើនឡើង ៩ភាគរយ។ នៅក្នុងប្រទេសចិន ដែលនៅតែជាទីផ្សារដ៏ធំបំផុតរបស់ខ្លួន ក្រុមហ៊ុន Porsche បានចែកចាយរថយន្តចំនួន ៦៨,៧៦៦គ្រឿង (ធ្លាក់ចុះ ១ភាគរយ)។
ម៉ូដែល SUV នៅតែមានតម្រូវការខ្ពស់ជាពិសេសក្នុងចំណោមអតិថិជន។ ជាមួយនឹងការចែកចាយចំនួន ៦៦,៧៦៩ រថយន្ត Porsche Cayenne នៅតែស្ថិតក្នុងចំណាត់ថ្នាក់កំពូល៕

ប្រភពៈ nationthailand