ទំនងមែនទែន! ជនជាតិថៃម្នាក់នេះកែប្រែតូបលក់ចេកអាំងតាមរទេះធម្មតា រហូតក្លាយទៅជាអាជីវកម្ម Franchise
អាជីវកម្ម October 18, 2022 Bee

ជាការពិតណាស់ មានបងប្អូនជាច្រើនចង់មានអាជីវកម្មផ្ទាល់ខ្លួន ហើយអ្នក​ខ្លះ​ដែល​ជា​សហគ្រិន​ស្រាប់​ ក៏ចង់​ឱ្យ​អាជីវកម្ម​ដែល​មាន​ស្រាប់​របស់​ខ្លួនកាន់តែ​រីក​ចម្រើន​ទៅមុខ។ ដូច្នេះហើយប្រសិនបើអ្នកមានគំនិតអាជីវកម្មល្អៗ ចូរចាប់ផ្ដើមធ្វើវាចុះ! វាមិនពិបាកទេក្នុងការចាប់ផ្ដើមធ្វើអ្វីដោយខ្លួនឯង ដូចទៅនឹងលោក Phasakorn Thirakhuntayakorn (พัสกร ถิรคุณทยุติกร) ហៅ Ball ម្ចាស់ក្រុមហ៊ុន Monkey Island Station Co., Ltd. ដែលបច្ចុប្បន្នកំពុងពង្រីកអាជីវកម្មរបស់ខ្លួន និងបង្កើតបានជា Franchise លក់បន្ដទៅឱ្យអាជីវករថ្មីជាហូរហែ។ ចាប់ផ្ដើមដំបូង ដោយការលក់នំអាំងតាមរទេះធម្មតាៗ បន្ទាប់មកលោកក៏បានព្យាយាម និងបន្តអភិវឌ្ឍរូបមន្ត រហូត​ជោគជ័យទៅ​ជា​អាជីវកម្ម Franchise ដែល​អាចមានចំណូលត្រឡប់មកវិញក្នុង​រយៈពេលត្រឹមតែ ១ ខែប៉ុណ្ណោះ។

លោក Ball ដែលជា​ម្ចាស់​អាជីវកម្ម​មានអាយុ ៣៩ឆ្នាំ រូបនេះ បាន​ផ្តល់បទសម្ភាសន៍មកកាន់កម្មវិធី Sentangsedtee ឬ វិថីមហាសេដ្ឋី​​ថា៖ Manthip Monkey ​គឺ​ជា​អាជីវកម្ម​ Franchise មួយ​របស់ក្រុមហ៊ុន Monkey Island Station Co., Ltd. ដែល​ចាប់​ផ្តើម​ដំបូងពី​ការ​លក់ចេកអាំងប៉ុណ្ណោះ។ លោកបាននិយាយថា ដើមឡើយ ម្តាយ​របស់​លោក ​គឺជាអ្នកលក់​ចេក​អាំង​ នៅ​ស្រុក​ព្រះ​ពុទ្ធ​បាត ខេត្ត​សារ៉ាបុរី ហើយក្រោយមកលោកក៏ចាប់ផ្ដើមលក់ចេកអាំងតាមម្ដាយ ដោយបានជិះឡានទៅលក់ចេកអាំងនៅស្រុកមឿង ខេត្តសារ៉ាបុរី។ លុះលក់បានរយៈពេល ១-២ឆ្នាំ គាត់ក៏ចាប់ផ្ដើមបើកឡានទៅទិញចេកជាមួយម្តាយ នៅខេត្តអាងថង ហើយក៏បានប្រទះឃើញរទេះលក់ចេកអាំង ដោយលក់រួមជាមួយបង្អែមដែលហៅថា មាន់ ធីប ដែលជាអាហារសម្រន់ធ្វើពីដំឡូងមី អាំងពីលើចង្ក្រានធ្យូង។

បានឃើញហើយ លោកបាន​សួរ​ម្តាយ​ថា តើនំនោះពិបាកធ្វើដែរទេ? ហើយម្តាយរបស់លោកបានតបមកវិញថា មិន​ពិបាក​ទេ គឺគាត់​អាច​ធ្វើ​បាន ដូច្នេះ​ហើយអ្នកទាំង ២ ក៏​ត្រឡប់​មក​ធ្វើ​បែបចំហុយខ្លះ បែបបុក​ខ្លះ​នៅផ្ទះ។ ក្រោយពីបានអភិវឌ្ឍរូបមន្ត និងមុខមាត់ថ្មីនៃនំ ដំឡូងដុតហើយ លោកក៏ចាប់ផ្តើមបើកលក់ ដោយមានរហូតដល់ទៅ៦ រសជាតិផងដែរ គឺ៖ដំឡូងបំពង វ៉ោយ ដំឡូងជ្វាពណ៌ស្វាយ សូកូឡា ម្នាស់កូរ និងម្សៅបំពងប្រៃ ចំណែក​សាច់​វិញ​មិន​ផ្អែម​ពេកទេ ហើយអ្វីដែលសំខាន់បំផុតនោះគឺមានមានស្តង់ដារ FDA ​​ច្បាស់លាស់ថែមទៀតផង។

គួរបញ្ជាក់ឱ្យដឹងផងដែរថា៖ បច្ចុប្បន្នលោកបានបើកលក់ជា Franchise សម្រាប់អ្នកដែលមានបំណងចង់លក់ផ្កូបជាមួយចេកអាំងរបស់លោក បន្ថែមទៀតក៏បាន។ ម្យ៉ាងវិញទៀតលោក Ball ក៏បានបញ្ជាក់ឱ្យដឹងបន្ថែមទៀតថា នៅពេលអនាគតទាំង រូបរាង ការវេចខ្ចប់ ពណ៌ អាចនឹងត្រូវបានបង្កើតឡើងថ្មីបន្ថែមទៀត ដូចជាល្ពៅ ឬទុរេន ដើម្បីបន្ថែមភាពទាក់ទាញដល់អតិថិជន ក៏ដូចជាភាពទាក់ទាញដល់ផលិតផល៕

អត្ថបទ៖ Bee
ប្រភព៖ Sentangsedtee