យោងតាមប្រព័ន្ធផ្សព្វផ្សាយជប៉ុន បានឱ្យដឹងថា ក្រុមហ៊ុនអាកាសចរណ៍ជប៉ុនបានលុបចោលជើងហោះហើរ ហើយក្រុមហ៊ុនមួយចំនួនបានផ្អាកការផលិតនៅរោងចក្រនានានៅភាគខាងលិចនៃប្រទេស ដោយសារតែឥទ្ធិពលនៃព្យុះទីហ្វុង។ ប្រភពដដែលបានឱ្យដឹងថា ជើងហោះហើរប្រហែល ៧០ ត្រូវបានលុបចោលកាលពីថ្ងៃចន្ទ។

ជាមួយគ្នានេះ ក្រុមហ៊ុន Toyota Motor Corp បាននិយាយថា ខ្លួននឹងផ្អាកការប្តូរវេនពេលល្ងាចមួយចំនួននៅរោងចក្រចំនួនបីនៅភាគខាងលិចប្រទេសជប៉ុន ខណៈដែលក្រុមហ៊ុនបុត្រសម្ព័ន្ធ Nissan Motor Corp និង Nissan Shatai Co នៅខេត្ត Fukuoka ត្រូវបានគេរំពឹងថា នឹងផ្អាកការផលិតសម្រាប់យប់ថ្ងៃចន្ទ និងថ្ងៃអង្គារ។

គួរបញ្ជាក់ផងដែរថា ព្យុះទីហ្វុងដែលមានឈ្មោះថា Hinnamnor បានបោកបក់ផ្នែកខ្លះនៃកោះ Kyushu ភាគខាងលិចបំផុតជាមួយនឹងភ្លៀងធ្លាក់ខ្លាំងកាលពីថ្ងៃចន្ទ ដោយទាំងភ្លៀង និងខ្យល់ត្រូវបានគេរំពឹងថា នឹងកាន់តែអាក្រក់ទៅៗនៅពេលបោកបក់នៅថ្ងៃអង្គារ ហើយឆ្ពោះទៅកាន់ប្រទេសកូរ៉េ ដែលបានបង្កើនកម្រិតប្រកាសអាសន្នដល់កម្រិតខ្ពស់បំផុត។

ទីភ្នាក់ងារឧតុនិយមជប៉ុនបាននិយាយថា ផ្នែកខ្លះនៃ Kyushu ត្រូវបានគេរំពឹងថា នឹងរងឥទ្ធិពលដោយភ្លៀងធ្លាក់ប្រមាណ ៣០០មីលីម៉ែត្រ ក្នុងរយៈពេល ២៤ម៉ោងដល់ថ្ងៃត្រង់នៅថ្ងៃអង្គារ ទីភ្នាក់ងារឧតុនិយមជប៉ុនក៏បានព្រមានផងដែរអំពីខ្យល់បក់ខ្លាំង និងការកើនឡើងនៃព្យុះ៕

អត្ថបទ៖ លីនី
ប្រភព៖ vnexpress
រូបភាព៖ russiabusinesstoday, europe.com, japantimes, arabnews