ព័ត៌មានចុងក្រោយ
  • អរគុណមិត្តជប៉ុន! ខណៈប្រទេសក៏កំពុងជួបការលំបាក ជប៉ុនឆ្លៀតផ្តល់ថវិកាជិត ៣លានដុល្លារ សម្រាប់គម្រោងមួយនេះ សេដ្ឋកិច្ច
    សេដ្ឋកិច្ច
    សេដ្ឋកិច្ច February 26, 2021 Khmernote

    រដ្ឋាភិបាលជប៉ុន បានផ្តល់ថវិកាចំនួន ២,៩លានដុល្លារអាមេរិក ដល់គណៈកម្មការទន្លេមេគង្គ ហៅកាត់ថា MRC ដើម្បីគាំទ្រដល់ការអនុវត្តផែនការយុទ្ធសាស្ត្រថ្មីរបស់ខ្លួន សំដៅលើកកម្ពស់ការអភិវឌ្ឍប្រកបដោយទំនួលខុសត្រូវនៅក្នុងតំបន់។ សេចក្តីប្រកាសព័ត៌មានរបស់ MRCនៅ ថ្ងៃទី២៦ ខែកុម្ភៈ ឆ្នាំ២០២១នេះ បានបញ្ជាក់ថា ជំនួយនេះ សម្រាប់រយៈពេល៤ឆ្នាំ ដោយគិតចាប់ពីឆ្នាំនេះ ដល់ឆ្នាំ ២០២៤ ដើម្បីជួយបង្កើនសមត្ថភាពតាមដាន និងវាយតម្លៃបរិស្ថានទន្លេ និងសម្របទៅនឹងការប្រែប្រួលជាទូទៅរបស់ MRC និងប្រទេសជាសមាជិករបស់ខ្លួន រួមមាន ប្រទេសកម្ពុជា ឡាវ ថៃ និងវៀតណាម។ សកម្មភាពសំខាន់ៗ គាំទ្រក្រោមជំនួយនេះ រួមមានការធ្វើឱ្យប្រសើរឡើងនូវបណ្តាញតាមដានទន្លេនិងសមត្ថភាពព្យាករណ៍ ក៏ដូចជាការបង្កើតនូវស្ថានីយតាមដានថ្មីៗ តាមដងទន្លេមេគង្គ។

  • រដ្ឋាភិបាលថៃ យល់ព្រមបញ្ចេញប្រាក់ជាង ៣ពាន់លានដុល្លារ សម្រាប់ជួយដល់កសិករធ្វើស្រែ សេដ្ឋកិច្ច
    សេដ្ឋកិច្ច
    សេដ្ឋកិច្ច February 26, 2021 Khmernote

    ធនាគារកសិកម្មនិងសហករណ៍កសិកម្ម (BAAC) កាលពីពេលថ្មីៗនេះបាននិយាយថា រដ្ឋាភិបាលបានបញ្ចូលដើមទុនដែលមានទឹកប្រាក់ជាង ១០០ពាន់លានបាត (ប្រមាណជា ៣.៣ ពាន់លានដុល្លារ) ដើម្បីជួយសម្រួលដល់ស្ថានភាពកសិករសម្រាប់រដូវប្រមូលផលឆ្នាំ ២០២០-២០២១ ។ លោក Kasab Ngeanruang អនុប្រធានប្រតិបត្តិជាន់ខ្ពស់របស់ធនាគារ (BAAC) បានថ្លែងថា ធនាគារបានអនុម័តគម្រោងធំៗ ចំនួន ៣ ដើម្បីជួយកសិករ។ លោកបានបន្តថា ក្នុងនោះគម្រោងទី១ គឺ ផ្តល់ប្រាក់ឧបត្ថម្ភសម្រាប់ការគ្រប់គ្រងថ្លៃដើមនិងការអភិវឌ្ឍផលិតកម្មស្រូវសម្រាប់រដូវប្រមូលផល ២០២០-២០២១។ គម្រោងទី ២ គឺជាកម្មវិធីប្រាក់កម្ចីដើម្បីគាំទ្រដល់ការពន្យាពេលក្នុងការលក់ស្រូវចំនួន ១.៨២លានតោនដែលប្រមូលផលក្នុងរដូវកាល ២០២០-២០២១ ដោយកម្មវិធីនេះមានបណ្តាញឥណទានសរុបចំនួន ២៤,៣ ពាន់លានបាត។

  • កសិករដាំស្វាយចន្ទីអំពាវដល់អាជ្ញាធរជួយរកទីផ្សារឲ្យមានតម្លៃខ្ពស់ ខណៈដែលដំណាំស្វាយចន្ទីឆ្នាំនេះ មានទិន្នផលខ្ពស់ជាងឆ្នាំមុន អាជីវកម្ម
    អាជីវកម្ម
    អាជីវកម្ម February 26, 2021 Khmernote

    លោក ហាក់ សុខជា ជាម្ចាស់ចំការស្វាយចន្ទី នៅក្នុងឃុំបឹងមាលា ស្រុកស្វាយលើ កាលពីថ្ងៃទី២៤ ខែកុម្ភៈនេះ បានលើកឡើងថា ដើមស្វាយចន្ទីរបស់លោកមានចំនួន៥ពាន់ដើមនៅលើផ្ទៃដីចំនួន២០ហិកតា បានចាប់ផ្ដើមប្រមូលផលជាលើកទី៣ជាបណ្ដើរៗហើយ។ ក្រោយពេលបានដាំរយ:ពេល៥ឆ្នាំមកហើយនោះ ឆ្នាំមានការកើនទិន្នផលបង្គួរ។ ការប្រមូលផលគ្រាប់ស្វាយចន្ទីនេះមានរយ:៣ខែ ទៅ៤ខែទើបអស់ផ្លែពីដើមរបស់វា។ កាលពីឆ្នាំមុនៗដើមស្វាយចន្ទីរបស់លោកបានទទួលផលគ្រាប់ប្រមាណ១តោនប៉ុណ្ណោះក្នុងមួយហិកតា ដែលធ្វើឱ្យការប្រកបដំណាំកសិកម្មស្វាយចន្ទីនេះមានការលំបាក ស្របពេលដែលតម្លៃទីផ្សាយមានការធ្លាក់ចុះទៀតផង។ លោកបានឲ្យដឹងទៀតថា ក្រោយពីមានបទពិសោធន៍ក្នុងការដាំមួយរយៈចុងក្រោយនេះ ទិន្នផលគ្រាប់ស្វាយចន្ទីទទួលបានផលលើសពី១តោនក្នុងមួយហិកតា បើធៀបនឹងឆ្នាំមុនៗកើនជាងប្រមាណ២០ទៅ៣០ភាគរយ ព្រោះស្វាយចន្ទីនេះមានផ្កាល្អ និងផ្លែល្អជាងឆ្នាំមុន។ លោកបានសម្ដែងនូវក្ដីសប្បាយរីករាយចំពោះការកើនឡើងនូវទិន្នផលគ្រាប់ស្វាយចន្ទី ប៉ុន្ដែលោកបារម្ភពីតម្លៃទីផ្សារធ្លាក់ចុះក្នុងអំឡុងពេលវិបត្ដិកូវីដ-១៩ ខណៈដែលបច្ចុប្បន្ននេះ មានតម្លៃប្រមាណ៥ពាន់រៀលក្នុងមួយគីឡូក្រាមប៉ុណ្ណោះ បើធៀបនឹង៣ឆ្នាំមុនមានតម្លៃគ្រាប់ស្ងួតពី៧ពាន់រៀល ទៅ៨ពាន់រៀលក្នុងមួយគីឡូក្រាម ។លោក ហាក់ សុខជា លើកឡើងថា

  • ធ្មេចបើកៗ! គិតមកទល់ពេលនេះ អាកាសយានដ្ឋានអន្តរជាតិសៀមរាបអង្គរថ្មីសាងសង់សម្រេចបាន ៤០ភាគរយហើយ សេដ្ឋកិច្ច
    សេដ្ឋកិច្ច
    សេដ្ឋកិច្ច February 25, 2021 Khmernote

    អាកាសយានដ្ឋានអន្តរជាតិសៀមរាបអង្គរថ្មីសាងសង់សម្រេចបាន៤០ ភាគរយហើយ ដោយផ្តោតសំខាន់ទៅនឹងការបំពាក់ ឧបករណ៍ បច្ចេកទេសនិងរចនាបថអាកាសយានដ្ឋាន ។ ឯកឧត្ដម ស៊ីន ចាន់សិរីវុត្ថា អ្នកនាំពាក្យរដ្ឋលេខាធិការដ្ឋានអាកាសចរស៊ីវិលកម្ពុជាមានប្រសាសន៍ថា ការសាង សង់សម្រេចបានប្រមាណ ៤០ ភាគរយ ក្នុងចំណោមគម្រោងចំនួន៣ធំៗ រួមមាន សង់សំណង់អគារ, សំណង់ដែលពាក់ព័ន្ធនឹងការចុះចតយន្ដហោះ និងសំណង់ផ្សេងៗ ដែលពាក់ព័ន្ធនឹងសេវាកម្មរបស់អាកាសយានដ្ឋាន។ ឯកឧត្តមបញ្ជាក់ថា ដំណើរការសាងសង់បានប្រព្រឹត្តទៅដោយរលូន បើទោះបីជាកម្ពុជាក៏ដូចជាសកលលោកបាននិងកំពុង ជួបវិបត្ដិកូវីដ -១៩ក៏ ដោយ ក៏ការសាងសង់នៅតែដំណើរការជាធម្មតា ដើម្បីឱ្យសម្រេចគោលដៅដូចអ្វីដែលកម្ពុជាបានគ្រោងទុកឱ្យរួចរាល់នៅឆ្នាំ២០២៣ខាងមុខ ។ ឯកឧត្ដមបន្តថា អាកាសយានដ្ឋានអន្តរជាតិថ្មីមួយនេះ នឹងចូលរួមចំណែកក្នុងការទាក់ ទាញភ្ញៀវទេសចរមកទស្សនាខេត្តសៀមរាប សំដៅ

  • ខេត្តសៀមរាប នឹងកាន់តែស្អាត ហើយទាក់ទាញជាងមុន ជាមួយគម្រោង​ Smart Siem Reap ឬ Smart Cities ខេត្តសៀមរាប ទេសចរណ៍
    ទេសចរណ៍
    ទេសចរណ៍ February 25, 2021 Khmernote

    ខេត្តសៀមរាប ដែលជាខេត្តមួយក្នុងចំណោមខេត្តនានានៃព្រះរាជាណាចក្រកម្ពុជា សំបូរទៅដោយសម្បត្តិវប្បធម៌ជាច្រើននោះ នឹងកាន់តែទំនើប ហើយទាក់ទាញជាងមុន ជាមួយគម្រោង Smart Siem Reap ឬ Smart Cities ខេត្តសៀមរាប នេះបើ យោងតាម ការបង្ហាញនៅក្នុងកិច្ចប្រជុំ​រៀបចំ​គម្រោង​ Smart Siem Reap សម្រាប់​ទីក្រុង​ឆ្លាតវៃ​សៀមរាប កាលពីថ្ងៃទី២៤ ខែកុម្ភៈ ឆ្នាំ២០២១​ ដឹកនាំ​ដោយ​ លោក​ លី​ សំរិទ្ធ​ អភិបាល​រងខេត្ត​ តំណាង​ដ៏ខ្ពង់ខ្ពស់​ ឯកឧត្តម​ ទៀ​ សីហា​ អភិបាល​ នៃគណៈអភិបាលខេត្តសៀមរាប​

  • ចិន នឹងផ្តល់ជំនួយជាបរិក្ខារបច្ចេកទេសជូនដល់មន្ទីរពិសោធន៍​តេស្ដ​សំណាក​រក​ជំងឺវីរុស​កូវីដ​-១៩ នៅក្នុងខេត្តព្រះសីហនុ សេដ្ឋកិច្ច
    សេដ្ឋកិច្ច
    សេដ្ឋកិច្ច February 25, 2021 Khmernote

    បើយោងតាមការចុះផ្សាយរបស់ស្ថានទូតចិនប្រចាំប្រទេសកម្ពុជាកាលពីពេលថ្មីៗនេះ បានឲ្យដឹងថា បច្ចុប្បន្ននេះ មន្ទីរពិសោធន៍តេស្ដ​សំណាក​រក​ជំងឺវីរុស​កូវីដ​-១៩ ត្រូវបានសាងសង់យ៉ាងរលូននៅ​ក្នុង​មន្ទីរពេទ្យ​បង្អែក​ខេត្ត​ព្រះសីហនុ ហើយក៏រំពឹងទុកថានឹងអាចបញ្ចប់មុនចុងខែមីនាខាងមុខនេះ។ បន្ទាប់ពីការសាងសង់ត្រូវបានបញ្ចប់ ភាគីចិននឹងផ្តល់ជំនួយជាបរិក្ខារតេស្តពិសោធន៍ដ៏មានជំនាញទៅកាន់មន្ទីរពិសោធន៍ខាងលើនេះ ព្រមទាំងផ្តល់ការតំឡើង រៀបចំ និងព្រមទាំងបណ្ដុះបណ្ដាលជូនដល់បុគ្គលិកផងដែរ។ លើសពីនេះទៅទៀត ក្រោយពីបញ្ចប់ការសាងសង់ មន្ទីរពិសោធន៍ខាងលើនេះនឹងអាចមានសមត្ថភាពក្នុងការតេស្តពិនិត្យបានរហូតដល់ ១០០០ សម្រាប់ក្នុងមួយថ្ងៃ នឹងរួមចំណែកលើកកម្ពស់សមត្ថភាពក្នុងការតេស្តរកជំងឺវីរុសកូវីដ-១៩នៅក្នុងប្រទេសកម្ពុជាថែមទៀតផង៕ អត្ថបទ៖ លីនី

  • ស្ងាត់ៗ! ប្រទេសចិន ត្រៀមចាប់ផ្ដើមគម្រោងរូបិយប័ណ្ណឌីជីថលឆ្លងកាត់ព្រំដែន ក្រោយសាកល្បងជាសាធារណៈនៅក្នុងប្រទេស សេដ្ឋកិច្ច
    សេដ្ឋកិច្ច
    សេដ្ឋកិច្ច February 25, 2021 Khmernote

    យោងតាមការចុះផ្សាយរបស់សារព័ត៌មានជប៉ុន NHK បា​នឲ្យដឹងថា ធនាគារកណ្ដាលចិនបានចាប់ផ្ដើមគម្រោងអន្តរជាតិមួយ ដើម្បីស្វែងរកការប្រើប្រាស់​រូបិយប័ណ្ណឌីជីថលសម្រាប់ការទូទាត់ឆ្លងកាត់ព្រំដែន។ ធនាគារជាតិចិនបានប្រកាសកាលពីថ្ងៃពុធនេះថា ខ្លួនកំពុងសហការជាមួយធនាគារកណ្ដាលថៃ និងអារ៉ាប់រួម រួមជាមួយអជ្ញាធររូបិយវត្ថុហុងកុង។ ប្រភពដដែលបានឲ្យដឹងថា គម្រោងនេះនឹងផ្ដោតលើការប្រើប្រាស់បច្ចេកវិទ្យា blockchain ដើម្បីធ្វើឱ្យប្រតិបត្តិការអន្តរជាតិមានល្បឿនលឿននិងមានប្រសិទ្ធភាពខ្ពស់។ លើសពីនេះ បច្ចេកវិទ្យានេះ ក៏នឹងសិក្សាវិធីដើម្បីទូទាត់ជារូបិយប័ណ្ណឌីជីថលផ្សេងៗគ្នាក្នុងពេលតែដំណាលគ្នាផងដែរ។ យ៉ាងណាមិញ ទាំងនេះបានកើតឡើងនៅពេលធនាគារកណ្ដាលនៅជុំវិញពិភពលោកកំពុងចាប់ផ្ដើមពិចារណាយ៉ាងខ្លាំង អំពីគំនិតនៃការចេញរូបិយប័ណ្ណឌីជីថល។ គួរបញ្ជាក់ផងដែរថា ប្រទេសចិនត្រូវបានគេចាត់ទុកថា ជាអ្នកនាំមុខគេនៅក្នុងវិស័យរូបិយប័ណ្ណឌីជីថលនេះ ហើយថែមទាំងបានចាប់ផ្តើមសាកល្បងជាសាធារណៈនូវប្រាក់យ័នឌីជីថលទៀតផង។ ជាក់ស្ដែងគម្រោងឆ្លងកាត់ព្រំដែន ត្រូវបានគេជឿជាក់ថា ជាផ្នែកមួយនៃយុទ្ធសាស្ត្រដើម្បីធ្វើឱ្យរូបិយប័ណ្ណមានស្ថេរភាពនៅក្នុងក្របខ័ណ្ឌអន្តរជាតិ៕ អត្ថបទ៖ លីនី ប្រភព៖ nhk

  • ដោយសារ​កូវីដ បង្ខំឲ្យបិទទ្វារ សាលារៀនឯកជននៅប្រទេសថៃ បានសងប្រាក់សរុបជាង ១៨លានដុល្លារ ទៅឪពុកម្ដាយសិស្សវិញ អាជីវកម្ម
    អាជីវកម្ម
    អាជីវកម្ម February 25, 2021 Khmernote

    ការិយាល័យនៃការអប់រំឯកជនដែលហៅកាត់ថា (Opec) កាលពីពេលថ្មីៗនេះបានឱ្យដឹងថា សាលារៀនដែលគ្រប់គ្រងដោយឯកជនបានសងប្រាក់ទៅឪពុកម្តាយសិស្សវិញ សម្រាប់សេវាកម្មដែលមិនត្រូវបានផ្ដល់ឱ្យក្នុងកំឡុងពេលបិទទ្វារ ដែលបណ្តាលមកពីការផ្ទុះឡើងនៃវីរុស Covid-១៩ ថ្មីៗនេះ។ បើតាមប្រភពដដែលបានបន្តឲ្យដឹងថា សាលាឯកជនចំនួន ៥២៤កន្លែង នៅទូទាំងប្រទេសបានប្រគល់ប្រាក់សរុបចំនួន ៥៦១លានបាត (ប្រមាណជាង ១៨.៦ លានដុល្លារ) ជូនដល់ឪពុកម្តាយដែលបានបង់ថ្លៃសិក្សាក្នុងអំឡុងពេលសិក្សាបច្ចុប្បន្នសម្រាប់សេវាកម្មផ្សេងៗ។ អគ្គលេខាធិការនៃ(Opec) លោក Atthapol Truektrong បាននិយាយកាលពីម្សិលមិញថា ការផ្ទុះឡើងនៃវីរុសនេះបានបង្ខំឱ្យសាលារៀននៅតាមខេត្តដែលរងផលប៉ះពាល់ត្រូវបញ្ឈប់ថ្នាក់រៀននៅតាមកន្លែងអស់ជាច្រើនសប្តាហ៍ ហើយប្តូរទៅរៀនតាម អ៉ីនធឺណេតវិញ។ ជាមួយគ្នានេះក្រសួងអប់រំបានចេញសារាចរណ៍ដល់សាលារៀន ដើម្បីបង់ថ្លៃសេវា និងចំណាយដែលមិនបានប្រើរួមមានអាហារថ្ងៃត្រង់ ទឹកដោះគោ កុំព្យូទ័រ ថ្នាក់បង្រៀនភាសាបន្ថែម ហែលទឹក និងសកម្មភាពកីឡា។ លោកបានបន្តថា