មហាសេដ្ឋីលេខ ១ លើពិភពលោក Elon Musk បានកាលពីថ្ងៃសោរិ៍កន្លងទៅនេះ បានបង្ហើបនៅលើបណ្ដាញ​ tweet ថា លោកចង់បង្កើតវេទិកាប្រព័ន្ធផ្សព្វផ្សាយសង្គមថ្មីមួយ ក្រៅពីជំនួយរាប់សិបមុខដែលនៅក្នុងដៃនាពេលបច្ចុប្បន្ន។ ស្ថាបនិកក្រុមហ៊ុន Tesla រូបនេះ បង្ហាញពីគំនិតចង់បង្កើតវេទិការសង្គមថ្មី បន្ទាប់ពីបានរិះគន់យ់ាងចាស់ដៃទៅលើ Twitter។

មហាសេដ្ឋីរូបនេះបានបង្ហោះនៅលើបណ្ដាញ Twitter ថា គាត់កំពុងគិតយ៉ាងម៉ត់ចត់ ក្នុងការបង្កើតបណ្ដាញ​សង្គមថ្មី ដែលមានភាពបើកចំហ ផ្តល់អាទិភាពដល់ការនិយាយដោយសេរី និងជាកន្លែងដែលមានការឃោសនាតិចតួចបំផុត សម្រាប់អ្នកប្រើប្រាស់។

ជាមួយគ្នានេះដែរ ហេតុផលចម្បងដែលបណ្ដាលឱ្យគាត់ចង់បង្កើតបណ្ដាញសង្គម​ ដែលអាចនឹងប្រជែងជាមួយបណ្ដាញសង្គមល្បីរួមមាន៖ Twitter,Facebook,YouTube​ និង Truth Social របស់លោក Donald Trump គឺមកពីបណ្ដាញសង្គមនាពេលបច្ចុប្បន្ន មានគោលនយោបាយយឺតយ៉ាវ ហើយ​កំពុង​បំផ្លាញ​លទ្ធិប្រជាធិបតេយ្យ​ ដោយ​មិន​គោរព​គោលការណ៍​បញ្ចេញ​មតិ​ដោយ​សេរី៕

អត្ថបទ៖ លីនី
ប្រភព៖ channelnewsasia