ស្ថាបនិកក្រុមហ៊ុន Microsoft លោក Bill Gates បាននិយាយនៅឯកិច្ចប្រជុំកំពូលប្រឹក្សា CEO របស់ Wall Street Journal កាលពីថ្ងៃពុធថា៖ ” លោក Elon Musk អាចធ្វើឱ្យ Twitter នឹងកាន់តែអាក្រក់ទៅៗ “។ មហាសេដ្ឋីចិត្តធម៌រូបនេះ បានបន្ថែមថា គាត់មិនប្រាកដថា តើអនាគតរបស់ Twitter នឹងទៅជាយ៉ាងណានោះទេ ក្រោមការដឹកនាំរបស់ Elon Musk តែពិតណាស់ Musk នឹងធ្វើឱ្យ Twitter កាន់តែអាក្រក់។
ជាមួយគ្នានេះ លោក Bill Gates ក៏បានបន្ថែមទៀតថា Twitter មិនមែនជាអ្វីដែល Musk ផ្ដោតលើទេ ព្រោះអ្វីដែល Musk ផ្ដោតលើនោះគឺ Tesla និង SpaceX ជាមួយនឹងគំនិតដ៏គួរឱ្យចាប់អារម្មណ៍ក្នុងការប្រមូលផ្តុំក្រុមវិស្វករដ៏អស្ចារ្យ ហើយទទួលយកអ្នកដែលធ្វើការនៅក្នុងវិស័យនេះទាំងមិនសូវក្លាហាន និងមានចំណេះជំនាញ ឱ្យក្លាហាននិងរៀនអភិវឌ្ឍន៍ខ្លួន។
ទន្ទឹមនឹងនេះស្ថាបនិកក្រុមហ៊ុន Microsoft បានសម្តែងការព្រួយបារម្ភអំពីរបៀបដែល Musk អាចដោះស្រាយព័ត៌មានមិនពិតនៅលើវេទិកាប្រព័ន្ធផ្សព្វផ្សាយសង្គម ជាពិសេសលើការលើកកម្ពស់ “ការនិយាយដោយសេរី”។ យ៉ាងណាមិញ ទោះបីជា លោក Bill Gates បានលើកឡើងដូចខាងលើក៏ដោយក្ដី ក៏គាត់បានណែនាំអ្នកគ្រប់គ្នាថា មិនគួរមើលស្រាលមហាសេដ្ឋី Elon Musk ឡើយ៕
អត្ថបទ៖ លីនី
ប្រភព៖ yahoo