បងប្អូនប្រាកដជាបានស្គាល់ហើយសេដ្ឋីកសិកម្ម និងចិត្តធម៌មួយរូបនៅស្រុកខ្មែរនោះគឺ ឯកឧត្តមបណ្ឌិត ម៉ុង ឫទ្ធី ដែលតែងតែជួយ ក៏ដូចជាខិតខំយ៉ាងខ្លាំងដើម្បីបង្កើតការងារ ឬ ជួយជាជំនួដល់ប្រជាជនដែលខ្វះខាត។ មិនត្រឹមតែជួយប្រជាពលរដ្ឋឲ្យមានការងារធ្វើប៉ុណ្ណោះទេ ឯកឧត្តមក៏ជួយក្នុងការសាងសង់ហេដ្ឋារចនាសម្ព័ន្ធជាច្រើនផងដែរ នៅក្នុងប្រទេសកម្ពុជា។
ជាក់ស្ដែងកាលពីពេលថ្មីៗនេះ ឯកឧត្តមបណ្ឌិត បានសាងសង់មណ្ឌលសុខភាពមួយកន្លែង ដែលបានបើកការដ្ឋានសាងសង់កាលពីថ្ងៃសៅរិ៍ ទី១៣ ឆ្នាំ២០២១កន្លងទៅនេះ។ យ៉ាងណាមិញ គិតមកទល់ថ្ងៃទីច័ន្ទ ទី២២ នេះ មានរយៈពេល ៩ថ្ងៃហើយ ដោយសម្រេចចាក់ជេីងតាងបាន ១០០%រួចរាល់ហេីយ។
តាមរយៈការបង្ហោះនៅលើផេកផ្លូវការឯកឧត្តមបណ្ឌិត ម៉ុង ឫទ្ធី បានឲ្យដឹងថា ការសម្រេចចាក់ជេីងតាងបាន ១០០% នេះ គឺដោយសារ តែថ្នាក់ដឹកនាំបុគ្គលិកកម្មករសំណង់ទាំងអស់គ្នា បានខិតខំប្រឹងប្រែងយកចិត្តទុកដាក់យ៉ាងអស់ពីកម្លាំងកាយចិត្ត។ ជាមួយគ្នានោះ ឯកឧត្តមបណ្ឌិត សង្ឃឹមយ៉ាងមុតមាំថា មណ្ឌលសុខភាពនេះនឹងអាចបេីកអោយដំណេីរការបំរេីសុខភាពបឋមជូនប្រជាពលរដ្ឋ រស់នៅទីជនបទ ដែលមិនធ្លាប់មានមណ្ឌលសុខភាពដ៏ស្រស់ប្រិមប្រិយដូចនេះពីមុនមក និងរួចរាល់បានមុនបំណាច់ឆ្នាំ ២០២១ខាងមុខនេះ ជាក់ជាមិនខានឡេីយ។
សូមជម្រាបផងដែរ មណ្ឌលសុខភាពម៉ុង ឫទ្ធីសែនជ័យ ត្រូវបានសាងសង់ឡើងនៅក្នុងតំបន់អភិវឌ្ឍន៍ កសិ-ទេសចរណ៍ ម៉ុង ឬទ្ធី សែនជ័យ។ មណ្ឌលសុខភាពនេះមានទំហំ 9.50m X 15.00m X 2ជាន់ ស្មើនឹង ២៨៥ ម៉ែត្រការ៉េ ក្រោមថវិកាសាងសង់ចំនួន ១៥ ម៉ឺនដុល្លារ៕
អត្ថបទ៖ លីនី