កាលពីពេលថ្មីៗនេះ ឯកឧត្តមបណ្ឌិត បានប្រកាសពីគំរោង ដាំដំណាំ ៤ ប្រភេទ រាប់ម៉ឺនដើមនៅដេីមរដូវវស្សាឆ្នាំ២០២១នេះ ខណៈពេលដែលកម្ពុជាកំពុងរងការរាតត្បាតពីវីរុសកូវីដ-១៩ ដែលបង្កផលប៉ះពាល់ដល់ការនាំចេញ និងទីផ្សារវិស័យកសិកម្មមួយផ្នែកផងដែរ។ យោងតាមផេកផ្លូវការរបស់ ឯកឧត្តមបណ្ឌិត បានឲ្យដឹងថា នៅដេីមរដូវវស្សាឆ្នាំ២០២១នេះ ឯកឧត្តមមានគំរោងដាំដេីមដូងក្រអូបចំនួន ១៣,០០០ដេីម ឬស្សីផ្អែមចំនួន ៦០,០០០ដេីម ល្មេីចំនួន ៣,០០០ដេីម មានកោះក្របីចំនួន ២,៥០០ដេីម នៅលេីផ្ទៃដីទំហំ ១៨០ហិកតា ខណៈដែលពេលនេះដោយមានភ្លៀងកក់ខែមកខ្លះៗ ហើយឯកឧត្តមបានចាប់ផ្តេីមដាំបន្តេីៗហេីយ។
ជាមួយគម្រោងដាំដំណាំដ៏ធំលើកនេះ ឯកឧត្តមបានលើកឡើងលើកពីគោលបំណងរបស់គាត់ដូច្នេះថា៖ « បេីទោះបីជាពេលនេះយេីងកំពុងតែត្រូវឆ្លងកាត់គ្រោះកាចចង្រៃមេរោគឆ្លងរាតត្បាតកូវីដ-១៩ ក៏ដោយក្តី ក្នុងនាមរូបខ្ញុំជាអ្នកប្រកបមុខរបរអាជីវកម្មដាំដំណាំកសិកម្ម កសិឧស្សាហកម្មមិនអាចនៅស្ងៀមបាននោះទេ ជាក់ស្តែងនៅដេីមរដូវវស្សាឆ្នាំ២០២១នេះ ខ្ញុំមានគំរោងដាំដេីមដូងក្រអូបចំនួន ១៣,០០០ដេីម ឬស្សីផ្អែមចំនួន ៦០,០០០ដេីម ល្មេីចំនួន៣,០០០ដេីម មានកោះក្របីចំនួន ២,៥០០ដេីមនៅលេីផ្ទៃដីទំហំ ១៨០ហិកតា សម្រាប់ពេលនេះដោយមានភ្លៀងកក់ខែមកខ្លះៗយេីងបានចាប់ផ្តេីមដាំបន្តេីៗហេីយ ខ្ញុំមានអាយុ ៦៧ឆ្នាំហេីយមិនអាចទទួលផលនេះយកមកបន្តជីវិតបានទៀតទេ សមតិផលទាំងអស់នេះគឺសម្រាប់ទុកជាកេរ្តិ៍ដំណែល អោយមនុស្សជំនាន់ក្រោយៗយកតម្រាប់តាមបេីពួកគាត់គិតថាជាគំរូល្អ »។
គួរបញ្ចាក់ផងដែរថា ឯកឧត្តមបណ្ឌិត ម៉ុង ឫទ្ធី គឺជាអ្នកជំនួញដ៏ជោគជ័យលើវិស័យកសិកម្ម គាត់បានផ្ដល់ការងារយ៉ាងច្រើនដល់ប្រជាពលរដ្ឋខ្មែរឲ្យជៀសផុតពីការធ្វើចំណាកស្រុកទៅជាជាពលករស្រុកគេ៕
អត្ថបទ៖ លីនី