លោក Elon Musk ស្ថាបនិកនៃក្រុមហ៊ុនផលិតរថយន្តដ៏ល្បី Tesla បានក្លាយជាមនុស្សដែលមានទ្រព្យសម្បត្តិច្រើនជាងគេបំផុតនៅលើពិភពលោក ដែលលើសលោក Jeff Bezos នាយកប្រតិបត្តិក្រុមហ៊ុន Amazon ដោយសារការបន្តកើនឡើងនៃតម្លៃភាគហ៊ុនរបស់ Tesla ។ ពេលនេះ Musk មានមានទ្រព្យសម្បត្តិប្រហែល ១៨៨ ពាន់លានដុល្លារ នេះបើយោងតាមសន្ទស្សន៍មហាសេដ្ឋីរបស់ Bloomberg ។ បើតាមការចុះផ្សាយរបស់ theverge បានឲ្យដឹងថា លោក Musk បានវ៉ាដាច់លោក Jeff Bezos ដែលមានទ្រព្យសម្បត្តិប្រមាណ ១៨៧ពាន់លានដុល្លារ ដែលជាការអភិវឌ្ឍចុងក្រោយនៅក្នុងការប្រកួតប្រជែងរយៈពេលមួយឆ្នាំរវាងមហាសេដ្ឋីបច្ចេកវិទ្យាពីររូប ដែលជាដែលតែងតែផ្តោតលើសមិទ្ធិផលអាជីវកម្មរៀងៗខ្លួន។

ប្រភពដដែលបន្តឲ្យដឹងថា លោក Bezos ត្រូវបានគេរាយការណ៍ថា ច្រណែននឹងភាពជោគជ័យរបស់ Musk ក្នុងការទទួលបានកញ្ចប់លើកទឹកចិត្តចំនួន ១.៣ ពាន់លានដុល្លារសម្រាប់កម្មវិធី Gigafactory របស់ Tesla នៅ Nevada ដែលវាបង្កើតឡើងសម្រាប់ក្រុមហ៊ុន Amazon ដើម្បីស្វែងរកទីស្នាក់ការកណ្តាលទី២ របស់ខ្លួននៃម៉ូតសម្លៀកបំពាក់ និងគ្រឿងតុបតែងខ្លួន។ ជាមួយគ្នានេះ Bezos មានក្រុមហ៊ុនអាវកាសមួយនៅ Blue Origin មានដើមកំណើតដូចក្រុមហ៊ុន SpaceX របស់ Musk ដែរ។

គួរ​បញ្ជាក់ផងដែរថា Musk ទើបតែបានវ៉ាដាច់ Bill Gates ក្នុងខែវិច្ឆិកាដើម្បីក្លាយជាអ្នកមានបំផុតទី២ នៅលើពិភពលោក ដោយនាយកប្រតិបត្តិក្រុមហ៊ុន Tesla បានឃើញទ្រព្យសម្បត្តិផ្ទាល់ខ្លួនរបស់គាត់ឡើងកប់ពពកនៅឆ្នាំ២០២០ ដល់ចំនួនទឹកប្រាក់ជាង ១៥០ ពាន់លានដុល្លារ ហើយមួយផ្នែកធំបានមកពីការកាន់កាប់ភាគហ៊ុនរបស់ក្រុមហ៊ុន Tesla ច្រើន ។ ហើយភាគហ៊ុនរបស់ក្រុមហ៊ុន Tesla បានកើនឡើងមិនគួរឱ្យជឿក្នុងរយៈពេលមួយឆ្នាំចុងក្រោយនេះផងដែរ គឺនៅពេលដែល Musk បានទាញក្រុមហ៊ុនចេញពីការធា្លក់ចុះនៃផលិតកម្ម និងបង្កើនការលក់យានយន្តអគ្គិសនីរបស់ខ្លួនយ៉ាងខ្លាំងដោយសាររថយន្ត Model 3 sedan និង Model Y SUV ។

ជាមួយគ្នានេះ ភាគហ៊ុនរបស់នាយកប្រតិបត្តិមហាសេដ្ឋីនៅតែបន្តកើនឡើង ជាពិសេសបន្ទាប់ពីគាត់បានចុះហត្ថលេខាលើកញ្ចប់សំណង ១០ ឆ្នាំដ៏សំខាន់មួយជាមួយក្រុមហ៊ុននៅឆ្នាំ ២០១៨ ដែលបានផ្សារភ្ជាប់បន្ថែមទៀតនូវប្រាក់ចំណូលរបស់គាត់ទៅនឹងតម្លៃភាគហ៊ុន និងគោលដៅប្រាក់ចំណូលរបស់ Tesla៕

អត្ថបទ៖ លីនី
ប្រភព៖ theverge