លោក Robert Tsao មហាសេដ្ឋីតៃវ៉ាន់មីក្រូឈីប បានប្រកាសថា គាត់ត្រៀមខ្លួនចំណាយប្រាក់ផ្ទាល់ខ្លួនចំនួន ៣២លានដុល្លារ ដើម្បីបណ្ដុះបណ្ដាល “អ្នកចម្បាំងស៊ីវិល” ដើម្បីការពារតៃវ៉ាន់ក្នុងករណីមានការឈ្លានពានពីចិន។ ស្ថាបនិកក្រុមហ៊ុន United Microelectronics Corp អាយុ ៧៥ឆ្នាំរូបនេះ បានធ្វើសេចក្តីប្រកាសរបស់គាត់នៅក្នុងសន្និសីទសារព័ត៌មានមួយកាលពីថ្ងៃព្រហស្បតិ៍កន្លងទៅនេះ។
មហាសេដ្ឋីរូបនេះ បានពន្យល់ថា៖ “ប្រសិនបើយើងអាចទប់ទល់នឹងមហិច្ឆតារបស់ប្រទេសចិនដោយជោគជ័យ យើងមិនត្រឹមតែអាចការពារមាតុភូមិរបស់យើងប៉ុណ្ណោះទេ ថែមទាំងរួមចំណែកយ៉ាងធំធេងដល់ស្ថានភាពពិភពលោក និងការអភិវឌ្ឍន៍នៃអរិយធម៌”។
គួរបញ្ជាក់ផងដែរថា ដំណឹងនេះបានកើតឡើងបន្ទាប់ពីសមយុទ្ធយោធារបស់ចិនជុំវិញកោះតៃវ៉ាន់ បានកើតឡើង បន្ទាប់ពីប្រធានសភាអាមេរិកលោកស្រី Nancy Pelosi និងសមាជិកសភាអាមេរិកផ្សេងទៀតមកកាន់កោះនេះ។ លោក Tsao បានធ្វើការប្រកាសរបស់គាត់បន្ទាប់ពីពេលថ្មីៗនេះ បន្ទាប់ពីទទួលបានសញ្ជាតិតៃវ៉ាន់របស់គាត់ឡើងវិញ ដោយមហាសេដ្ឋីរូបនេះបានបោះបង់សញ្ជាតិរបស់គាត់ក្នុងឆ្នាំ ២០១១ ដើម្បីប្រឆាំងនឹងការស៊ើបអង្កេតរបស់រដ្ឋាភិបាលលើក្រុមហ៊ុនរបស់គាត់សម្រាប់ការវិនិយោគរបស់ចិន។ គាត់ក៏ជាអ្នកគាំទ្រយ៉ាងសកម្មនៃការបង្រួបបង្រួមរបស់តៃវ៉ាន់ជាមួយចិនផងដែរ៕
អត្ថបទ៖ លីនី
ប្រភព៖ yahoo