នៅក្នុងបទសម្ភាសមួយកាលពីពេលថ្មីៗនេះ ឪពុករបស់លោក Elon Musk គឺលោក Errol បាននិយាយថា គាត់មិនមានមោទកភាពចំពោះគាត់ នោះទេ ទោះបីជា Musk ជោគជ័យលើរឿងជាច្រើន និងជាអ្នកមានបំផុតលំដាប់ទី១ លើលោកក៏ដោយ។ អំឡុងពេលសម្ភាសន៍ក្នុងកម្មវិធី “Kyle and Jackie O Show” កាលពីថ្ងៃចន្ទ លោក Errol បានបង្ហាញថា គាត់មិនមានមោទកភាពចំពោះលោក Elon Musk ដែលជាកូនប្រុសរបស់គាត់ទេ ដោយសារតែត្រកូល Musk សម្រេចបាន “រឿងជាច្រើនអស់រយៈពេលជាយូរណាស់មកហើយ”។
យ៉ាងណាមិញ កាលពីថ្ងៃសុក្រ ថ្មីៗនេះនៅក្នុងបទសម្ភាសន៍ជាមួយកាសែត The Daily Mail លោក Errol បានឆ្លើយតបទៅនឹងការលើកឡើងរបស់គាត់ ដោយនិយាយថា គាត់ពិតជាមានមោទនភាពចំពោះលោក Elon ។ ឪពុកវ័យ ៧៦ឆ្នាំ រូបនេះ បានបកស្រាយថា តាមពិតគាត់មានមោទនភាពចំពោះកូនប្រុសរបស់គាត់ បើទោះបីជាគាត់ធ្លាប់បានអះអាងផ្ទុយពីនេះក៏ដោយ ហើយការអះអាងនោះ ដោយសារតែគាត់យល់ខុសចំពោះសំនួរដែលពិធីករបានសួរគាត់។
ជាមួយគ្នានេះ លោក Errol បានបញ្ជាក់ជាថ្មីថា គាត់មានមោទកភាពចំពោះ Elon ដោយនិយាយថា “ប្រសិនបើអ្នកសួរឪពុកម្តាយផ្សេងទៀត តើមានឪពុកម្ដាយណា ដែលមិនមានមោទកភាពចំពោះកូនប្រុសរបស់ពួកគេ ពោលគឺយើងមានមោទកភាពចំពោះពួកគេ ចាប់តាំងពីថ្ងៃដែលពួកគេកើតមកឃើញពិភពលោកនេះមកម្ល៉េះ”៕
អត្ថបទ៖ លីនី
ប្រភព៖ yahoo
រូបភាព៖ etimg.com, yimg.com, ocdn.eu, yimg.