យោងតាមការចុះផ្សាយរបស់សារព័ត៌មាន yahoo បានឱ្យដឹងថា អាមេរិក និង​សម្ព័ន្ធមិត្ត​អឺរ៉ុប​កំពុង​បង្កើន​យុទ្ធនាការ​សេដ្ឋកិច្ច​ប្រឆាំង​នឹង​វិមាន​ក្រឹមឡាំង ដោយពួកគេកំពុងកាត់ផ្តាច់លោក Putin ពីការទទួលបានទុនបំរុងជាង ៦០០ ពាន់លានដុល្លារដែលគាត់អាចប្រើដើម្បីជំរុញសេដ្ឋកិច្ចដែលខូចខាត។

អ្នកជំនាញផ្នែកទណ្ឌកម្មម្នាក់បានប្រាប់ Insider ថា “ឥឡូវនេះពួកគេកំពុងប្រឈមមុខនឹងជម្រើសដ៏អាក្រក់ជាច្រើន” ។ ជាក់ស្ដែងសហរដ្ឋអាមេរិក និងសម្ព័ន្ធមិត្តអ៊ឺរ៉ុបកាលពីចុងសប្តាហ៍កន្លងទៅនេះ បានដាក់ចេញនូវទណ្ឌកម្មដ៏ឃោរឃៅបំផុតរបស់ពួកគេមួយចំនួន មុនពេលដែលប្រឆាំងនឹងរុស្សី ចំពោះការលុកលុយចូលអ៊ុយក្រែន ដោយបង្កើនយុទ្ធនាការសេដ្ឋកិច្ចរបស់ពួកគេប្រឆាំងនឹងទីក្រុងមូស្គូ។

លោកខាងលិច ក៏កំពុងព្យាយាមកាត់ផ្តាច់ធនាគារកណ្តាលរបស់រុស្ស៊ី ពីការទទួលបានទុនបំរុងហិរញ្ញវត្ថុដែលមានជាសាច់ប្រាក់បរទេសយ៉ាងច្រើនរបស់ខ្លួនដែលប៉ាន់ស្មានថា មានចំនួនប្រហែល ៦៣០ពាន់លានដុល្លារ។ លើសពីនេះ ទណ្ឌកម្មថ្មីផ្សេងទៀត គឺរារាំងពលរដ្ឋអាមេរិក និងសហភាពអឺរ៉ុប ពីការជួញដូរជាមួយធនាគារកណ្តាលរុស្ស៊ី។

គួរបញ្ជាក់ផងដែរថា ទុនបំរុងបរទេសរបស់រុស្ស៊ីត្រូវបានបង្កើតឡើងដោយប្រាក់ដែលប្រទេសនេះបានទាញយកភាគច្រើនពីការលក់ប្រេង និងឧស្ម័នទៅកាន់អឺរ៉ុប និងអ្នកនាំចូលថាមពលផ្សេងទៀត។ ជិតពាក់កណ្តាលជាប្រាក់ដុល្លារ និងប្រាក់អឺរ៉ូ ក៏ដូចជាមាស និងរូបិយប័ណ្ណផ្សេងទៀតដូចជា ប្រាក់យ័នចិន តាមធនាគារកណ្តាលរុស្ស៊ី៕

អត្ថបទ៖ លីនី
ប្រភព៖ yahoo