យោងតាមសេចក្តីប្រកាសព័ត៌មានរបស់ក្រុមប្រឹក្សាអភិវឌ្ឍន៍កម្ពុជា (CDC) ដែលបានចេញផ្សាយនៅរសៀលនេះបានឱ្យដឹងថា រោងចក្រកាត់ដេរដែលចំណាយទឹកប្រាក់ចំនួន ៥.៧ លានដុល្លារអាមេរិកនឹងត្រូវសាងសង់នៅក្រុងតាខ្មៅខេត្តកណ្តាល ដោយបង្កើតការងារចំនួន ៩៥១ កន្លែងសម្រាប់ប្រជាជនក្នុងតំបន់។ ប្រភពដដែលបានបញ្ជាក់ថា គម្រោងរោងចក្រកាត់ដេរដែលត្រូវបានអនុម័តដោយ CDC កាលពីពេលថ្មីៗនេះ ត្រូវបានវិនិយោគដោយក្រុមហ៊ុន New Era (Cambodia) Cashmere Textile Co., Ltd ។

គួរឱ្យដឹងផងដែរថា ចាប់តាំងពីដើមខែមករានេះ CDC បានផ្តល់ភ្លើងខៀវដល់គម្រោងវិនិយោគចំនួន ៥ រួមទាំងគម្រោងដែលបានលើកឡើងខាងលើដោយមានដើមទុនសរុបជិត ២២.២ លានដុល្លារដែលបង្កើតឱកាសការងារចំនួន ៣,០០០ កន្លែង៕

ប្រភព៖ ក្រសួងព័ត៌មាន