ជាផ្នែកមួយនៃយុទ្ធសាស្ត្ររបស់ខ្លួន ដើម្បីការពារមហាសមុទ្រពីកាកសំណល់ប្លាស្ទិច រដ្ឋាភិបាលអង់គ្លេសបានសម្រេចថា ហាងទាំងអស់នៅក្នុងប្រទេសត្រូវតែគិតថ្លៃ ១០ ផេន (ប្រហែល ១៣ សេនដុល្លារ) សម្រាប់ការប្រើប្រាស់ថង់ប្លាស្ទិចចាប់ពីខែមេសា ខាងមុខនេះ។

រដ្ឋាភិបាលអង់គ្លេសបាននិយាយកាលពីថ្ងៃទី ៣១ ខែសីហាថា ការបង់ពន្ធថ្មីលើថង់ផ្លាស្ទិកនឹងត្រូវអនុវត្តចំពោះហាងតូចៗទាំងអស់ ក៏ដូចជាផ្សារទំនើបធំៗផងដែរ។ ស្ថិតិផ្លូវការចុងក្រោយបង្ហាញពីការយកពន្ធបច្ចុប្បន្ន បាននាំឱ្យមានការកាត់បន្ថយ ៩៥% នៃការលក់កាបូបប្លាស្ទិកនៅក្នុងផ្សារទំនើបធំៗ របស់ប្រទេសចាប់តាំងពីឆ្នាំ ២០១៥ ។

គួរឱ្យដឹងផងដែរថា បច្ចុប្បន្ននេះហាងលក់ឥវ៉ាន់តូចៗរាប់ពាន់មិនចាំបាច់គិតថ្លៃប្លាស្ទិចទេ ប៉ុន្តែមានមនុស្សជាច្រើនធ្វើដូច្នេះដោយស្ម័គ្រចិត្ត។ រដ្ឋាភិបាលបាននិយាយថា ខ្លួននឹងធ្វើឱ្យចក្រភពអង់គ្លេសខិតទៅជិតមហិច្ឆតារបស់ខ្លួន ដើម្បីលុបបំបាត់កាកសំណល់ប្លាស្ទិចដែលអាចជៀសវាងបានតាមរយៈផែនការបរិស្ថានរយៈពេល ២៥ ឆ្នាំ៕

អត្ថបទ៖ នីតា
ប្រភព៖​ xinhuanet