ធនាគារថៃ (BoT) នឹងផ្តោតលើការជួយដល់អាជីវកម្ម ជាពិសេសអ្នកដែលរងផលប៉ះពាល់យ៉ាងធ្ងន់ធ្ងរដោយជំងឺរាតត្បាត Covid-19 ដើម្បីរៀបចំរចនាសម្ព័ន្ធបំណុលរបស់ពួកគេឡើងវិញ នេះបើយោងតាមប្រសាសន៍របស់លោក Veerathai Santiprabhob ទេសាភិបាលធនាគារថៃ។

លោក Veerathai បាននិយាយថា ការកែសម្រួលគោលនយោបាយសារពើពន្ធអាចជួយសេដ្ឋកិច្ចថៃងើបឡើងវិញពីផលប៉ះពាល់នៃជំងឺរាតត្បាតនេះ។ ទោះយ៉ាងជាណាលោក Veerathai បាននិយាយថា ធនាគារកណ្តាលមិនអាចបន្ទាបអត្រាការប្រាក់គោល ០.៥% របស់ខ្លួនបានទេ ព្រោះវាមានកម្រិតទាបខ្លាំងរួចទៅហើយ។ លោកបន្តថា គ្រោងការណ៍នៃការរៀបចំរចនាសម្ព័ន្ធបំណុលរបស់ BoT នឹងអនុញ្ញាតឱ្យម្ចាស់បំណុលផ្អាកប្រាក់ដើម និងការប្រាក់រហូតដល់ ៦ ខែ។

លោក Veerathai បន្ថែមថា ជាធម្មតាការរៀបចំរចនាសម្ព័ន្ធបំណុលអាចប្រើបានរួមជាមួយការផ្តល់ប្រាក់កម្ចី ហើយគម្រោងធានាប្រាក់កម្ចីបន្ថែមនឹងជួយដល់សហគ្រាសធុនតូច និងមធ្យមដែលទទួលរងពីជំងឺរាតត្បាត។ ធនាគារពាណិជ្ជកម្មថៃ បានដកហូតប្រាក់កម្ចីទន់របស់ធនាគារកណ្តាលជាង ៧៥ ពាន់លានបាត (២.៣៧ ពាន់លានដុល្លារ) ចាប់តាំងពីការអនុវត្តរបស់ខ្លួន ជាមួយនឹងប្រាក់កម្ចីសរុបមានចំនួនជាង ៥០០ ពាន់លានបាត (១៥.៨ ពាន់លានដុល្លារ)៕

អត្ថបទ៖ នីតា
ប្រភព៖ vietnamplus