យោងតាមក្រសួងកសិកម្ម និងអភិវឌ្ឍន៍ជនបទវៀតណាម​បានឲ្យដឹងថា ការនាំចេញបន្លែ និងផ្លែឈើនៅក្នុងរយៈពេល ៦ ខែដំបូងនៃឆ្នាំនេះសម្រេចបានជាង ១.៥ ពាន់លានដុល្លារអាមេរិកបើធៀបទៅនឹងរយៈពេលដូចគ្នាកាលពីឆ្នាំមុនថយចុះ ១៤.៥%។ បើតាមប្រភពដដែលបានឲ្យដឹងថា ប្រទេសចិនគឺជាប្រទេសដែលនាំចូលបន្លែ និងផ្លែឈើពីវៀតណាមធំជាងគេ ដែលមានចំណែកប្រមាណ ៦០.៨%។

ជាមួយគ្នានេះ ការនាំចេញផលិតផលទាំងនោះទៅប្រទេសជិតខាងភាគនៅខាងជើងបានធ្លាក់ចុះ ២៩.២% បើធៀបនឹងរយៈពេលដូចគ្នាកាលពីឆ្នាំមុន។ ប៉ុន្តែការនាំចេញទៅកាន់ទីផ្សារផ្សេងទៀតបានកើនឡើង ដោយប្រាក់ចំណូលពីការនាំចេញទៅកាន់ប្រទេសថៃបានកើនឡើងដល់ ៥៧.៨ លានដុល្លារក្នុងរយៈពេលនេះ កើនឡើង ២៤៤.១% និងសាធារណរដ្ឋកូរ៉េ ៥៤.៦ លានដុល្លារកើនឡើង ២៥.៤%។

ទន្ទឹមនឹងនេះដែរ ការនាំចេញទៅជប៉ុនកើនឡើង ៤៦.២ លានដុល្លារស្មើនឹង ២៦.៤% និងហូឡង់ ២៨ លានដុល្លារស្មើនឹង ២៨.៣%។ យ៉ាងណាមិញវៀតណាម​ក៏បាន​ជំរុញ​ឲ្យក្រុមហ៊ុន​ក្នុងស្រុក​ផលិត កែច្នៃ បន្លែផ្លែឈើ​សម្រាប់​នាំចេញបន្ថែមទៀតផងដែរ ដោយការនាំចេញរំពឹងថា នឹងស្ទុះងើបឡើងវិញខ្លាំង​នៅដំណាច់ឆ្នាំនេះ ក្រោយពេលដែល​ការរីករាលដាល​នៃកូវីដ-១៩​ អាចគ្រប់គ្រងបាន៕

អត្ថបទ៖ លីនី
ប្រភព៖ vietnamnews