យោងតាមសារព័ត៌មានក្នុងស្រុករបស់វៀតណាមបានឲ្យដឹងថា ប្រទេសក្នុងតំបន់អាស៊ីអាគ្នេយ៍មួយនេះបានបរិច្ចាគថវិកាចំនួន ៥០,០០០ ដុល្លារអាមេរិកដល់ភ្នាក់ងារប្រយុទ្ធប្រឆាំង Covid-19 របស់អង្គការសុខភាពពិភពលោកដើម្បីគាំទ្រដល់ការប្រយុទ្ធប្រឆាំងនឹងរោគរាតត្បាត Covid-19 ។ ជាមួយគ្នានេះដែរថវិកាទាំងនេះត្រូបានផ្ដល់ជូនដោយអនុរដ្ឋមន្រ្តីក្រសួងការបរទេសលោក Le Hoai Trung ដល់លោក Kidong Park តំណាងអង្គការសុខភាពពិភពលោកនៅប្រទេសវៀតណាមកាលពីថ្ងៃសុក្រ ទី២៤ ខែមេសាកន្លងទៅនេះ។

ទន្ទឺមនឹងនេះសេចក្តីថ្លែងការណ៍របស់ក្រសួងបាននិយាយថា ការចូលរួមវិភាគទាននេះពីប្រទេសវៀតណាមគឺក្នុងគោលបំណងកាត់បន្ថយផលប៉ះពាល់អវិជ្ជមាននៃជំងឺរាតត្បាតពិភពលោក។ ខណៈមកទល់បច្ចុប្បន្ននេះប្រទេសវៀតណាមគ្រប់គ្រងបាន​យ៉ាងជគជ័យលើវីរុស Covid-19 ពោលគឺមិនមានការបញ្ជាក់ពីករណីថ្មីនោះទេនៅក្នុងកំឡុងសប្ដាហ៍នេះ។ យ៉ាងណាមិញលោក Le Hoai Trung បានថ្លែងអំណរគុណដល់អង្គការសុខភាពពិភពលោកនិងទីភ្នាក់ងាររបស់អង្គការសហប្រជាជាតិផ្សេងទៀតដែលបានគាំទ្រនិងជួយដល់ការប្រយុទ្ធរបស់ Covid-19 នៅវៀតណាមដែលរួមចំណែកធ្វើឱ្យស៊ីជម្រៅ Vietnam-UN កាន់តែស៊ីជម្រៅថែមទៀតភាពជាដៃគូក្នុងរយៈពេលបួនទសវត្សកន្លងមក។

គួរបញ្ជាក់ផងដែរថា រោគរាតត្បាត Covid-19 បានឆ្លងរីករាលដាលដល់ ២១០ ប្រទេសនិងតំបន់ ដែលមានមនុស្សស្លាប់ជិត ១៩៧,០០០ នាក់។ ជាមួយគ្នានេះកន្លងមកប្រទេសវៀតណាមបានបរិច្ចាគម៉ាស់ការពារជាងមួយលាន និងគ្រឿងផ្គត់ផ្គង់វេជ្ជសាស្ត្រផ្សេងទៀតដល់ប្រទេសដែលរងគ្រោះធ្ងន់ធ្ងរដោយជំងឺរាតត្បាត Covid-19 ក្នុងនោះរួមមានប្រទេស កម្ពុជា ចិន បារាំង អាល្លឺម៉ង់ ឥណ្ឌូនេស៊ី អ៊ីតាលី ឡាវ ជប៉ុន រុស្ស៊ី អេស្ប៉ាញ ស៊ុយអែត អង់គ្លេស និងសហរដ្ឋអាមេរិក៕​

ប្រភព៖ vnexpress
អត្ថបទ៖ លីនី