ដោយមើលឃើញពីការស្រុតចុះនៃចំនួនភ្ញៀវទេសចរនៅកម្ពុជា ក្រុមហ៊ុន Qatar Airways ដែលជាក្រុមហ៊ុនអាកាសចរណ៍លំដាប់ផ្កាយ ៥ កាលពីពេលថ្មីៗនេះបានប្រកាសថាខ្លួននឹងតភ្ជាប់ជើងហោះហើរថ្មីពី Doha មកកាន់ខេត្តសៀមរាប។ ជើងហោះហើរថ្មីនេះនឹងចាប់ផ្ដើមជាផ្លូវការនៅខែវិច្ឆិកា ឆ្នាំ២០២០ ហើយនឹងចូលរួមចំណែកជួយជំរុញកំណើនភ្ញៀវទេសចរទៅកាន់ខេត្តសៀមរាប ជាពិសេសរមណីយដ្ឋានអង្គរឲ្យកាន់តែច្រើនថែមទៀត។

គួរបញ្ជាក់ផងដែរថាក្រុមហ៊ុនអាកាសចរណ៍ Qatar Airways ត្រូវបានបង្កើតឡើងនៅថ្ងៃទី២២ ខែវិច្ឆិកា ឆ្នាំ ១៩៩៣ ហើយចាប់ផ្តើមប្រតិបត្តិការពីឆ្នាំ ១៩៩៤ ដោយក្រុមហ៊ុនអាកាសចរណ៍នេះបានប្រែក្លាយជាក្រុមហ៊ុនអាកាសចរណ៍ផ្កាយ៥ និងជាក្រុមហ៊ុនដ៏ល្អបំផុតនៅក្នុងអាកាសចរណ៍ពាណិជ្ជកម្ម។ ជាមួយគ្នានេះកាលពីឆ្នាំ ២០១៣ Qatar Airways បានដំណើរការជើងហោះហើរដំបូងរបស់ខ្លួនមកកាន់រាជធានីភ្នំពេញ៕

អត្ថបទ៖ លីនី