នាព្រឹកថ្ងៃសុក្រ ទី២០ ខែធ្នូ ឆ្នាំ២០២៤ នេះ សម្ដេចមហាបវរធិបតី ហ៊ុន ម៉ាណែត បានដឹកនាំកិច្ចប្រជុំក្រុមប្រឹក្សាអភិវឌ្ឍន៍កម្ពុជាជាលេីកដំបូង​ បន្ទាប់ពីរាជរដ្ឋាភិបាលនីតិកាលទី៧​ ដំណេីរការ​ ក្នុងនាមជាប្រមុខរាជរដ្ឋាភិបាលផង​ និងជាប្រធានក្រុមប្រឹក្សាអភិវឌ្ឍន៍កម្ពុជាផង។

ជាមួយគ្នានេះដែរ សម្ដេចបវរធិបតី បានបង្ហាញលទ្ធផលស្ថិតិគម្រោងវិនិយោគដែលបានអនុម័ត​ ដោយ​ ក.អ.ក.​ នៅលើផេកផ្លូវការ ដោយបានបញ្ជាក់ថា ក្នុងឆ្នាំ២០២៤ ក.អ.ក. បានអនុម័តគម្រោងចំនួន​ ៤១៤គម្រោង បើធៀបនឹងឆ្នាំ២០២៣​ ដែលមានចំនួន ​ ២៦៨គម្រោង​ ឃើញថាមានកេីនឡេីង​ ១៤៦គម្រោង​ ស្មើនឹង ៥៤%។ ចំណែក​ទុនវិនិយោគវិញ ក្នុងឆ្នាំ​២០២៤ មានចំនួន ៦,៩០០លានដុល្លារ​ បើធៀបនឹងឆ្នាំ ២០២៣ មានចំនួន ៤,៩២៧លានដុល្លារ​ ឃើញថា មានការកើនឡើង ១,៩៧៣លានដុល្លារ​ ស្មើនឹង​ ៤០%។

គួរបញ្ជាក់ផងដែរថា ក្រុមប្រឹក្សាអភិវឌ្ឍន៍កម្ពុជា​ ហៅកាត់ថា​ ក.អ.ក.​ ឬ​ CDC ត្រូវបានបង្កេីតឡេីងនៅថ្ងៃ៥​ ខែសីហា​ ឆ្នាំ១៩៩៤​ ដែលមានបេសកកម្មក្នុងការទាក់ទាញវិនិយោគមកកម្ពុជា៕

ប្រភព៖ ផេកផ្លូវការសម្ដេចធិបតី ហ៊ុន ម៉ាណែត នាយករដ្ឋមន្រ្តី