បេឡាជាតិសន្តិសុខសង្គម បានធ្វើការបញ្ជាក់ថា នៅពេលបាត់ ឬខូចបណ្ណ ប.ស.ស. សមាជិក ប.ស.ស. អាចស្នើសុំបោះពុម្ពបណ្ណថ្មីប្រើប្រាស់ឡើងវិញបាន ដោយគ្រាន់តែជូនដំណឹងមកកាន់សាខា ប.ស.ស. ដែលនៅជិតបំផុត។

តាមរយៈការបង្ហោះនៅលើផេកផ្លូវការកាលពីថ្ងៃ១១ ខែមីនា ឆ្នាំ២០២៤ ម្សិលមិញនេះ បេឡាជាតិសន្តិសុខសង្គម បានបញ្ជាក់ថា ការស្នើសុំបោះពុម្ពបណ្ណ ឬទុតិយតាឡើងវិញត្រូវចំណាយប្រាក់ ៥០០០រៀល ដោយតម្រូវឱ្យភ្ជាប់ឯកសាររួមមាន៖ អត្តសញ្ញាណបណ្ណសញ្ជាតិខ្មែរច្បាប់ដើម។ ដោយឡែក សម្រាប់ជនជាតិបរទេសគឺត្រូវការលិខិតឆ្លងដែន ដើម្បីស្នើសុំបោះពុម្ពបណ្ណថ្មី។ សម្រាប់ការផ្តល់ព័ត៌មានបន្ថែម សូមទំនាក់ទំនងមកលេខ ១២៨៦ | ១២៩៧ ដើម្បីទទួលបានព័ត៌មានលម្អិត៕

អត្ថបទ៖ លីនី