យោងតាមការចុះផ្សាយរបស់ សហព័ន្ធស្រូវអង្ករកម្ពុជា កាលពីពេលថ្មីៗនេះ បានឱ្យដឹងថា អង្ករខ្មែរ របស់ក្រុមហ៊ុនធំៗចំនួនពីរ បានឈានជើងចូលទីផ្សារ ប្រទេសណូវែលហ្សេឡង់ និង សហរដ្ឋអាមេរិក។ នេះគឺជាជោគជ័យនៃការបើកច្រកទីផ្សារ អង្ករខ្មែរយើង ថ្មីមួយទៀត ក្នុងការប្រកួតប្រជែងនៅលើទីផ្សារអន្តរជាតិ។

បើតាមការចុះផ្សាយនៅលើផេកផ្លូវការ សហព័ន្ធស្រូវអង្ករកម្ពុជា បានបញ្ជាក់ថា អង្ករកម្ពុជា របស់ក្រុមហ៊ុន Kompong Thom Rice Mill limited មួយទៀតបានចូលលក់ លើទឹកដី ប្រទេសណូវែលហ្សេឡង់​ហើយ។ ចំណែកឯ អង្ករគុណភាព ខ្ពស់ ម៉ាកវិញ្ញតកម្ម (ម្លិះអង្គរ) ម៉ាក Amru Fresh របស់ក្រុមហ៊ុន Amru Rice (Cambodia ) co Ltd មានលក់ នៅសហរដ្ឋអាមេរិក៕

អត្ថបទ៖ លីនី