យោងតាមការចុះផ្សាយរបស់នៅលើបណ្ដាញសង្គម ផ្លូវការរបស់ ក្រសួងវប្បធម៌ និងវិចិត្រសិល្បៈបានឱ្យដឹងថា ទីក្រុងបាត់ដំបង ត្រូវបានអង្គការយូណេស្កូចុះក្នុង “បណ្តាញទីក្រុងច្នៃប្រតិដ្ឋ” (UNESCO Creative Cities Network ឬហៅកាត់ថា UCCN) ផ្នែកម្ហូបអាហារ (Gastronomy)។

គួរបញ្ជាក់ផងដែរថា យោងតាមការចុះផ្សាយនៅលើគេហទំព័រអង្គការ UNESCO ទីក្រុងបាត់ដំបង ស្ថិតក្នុងចំណោមទីក្រុងចំនួន ៥៥ ដែលត្រូវបានចុះក្នុង “បណ្តាញទីក្រុងច្នៃប្រតិដ្ឋ” របស់ អង្គការយូណេស្កូ បន្ទាប់ពីទទួលបានការជ្រើសរើសដោយអគ្គនាយកអង្គការយូណេស្កូគឺលោកស្រី Audrey Azoulay៕

ប្រភព៖ ក្រសួងវប្បធម៌ និងវិចិត្រសិល្បៈ , www.unesco.org
អត្ថបទ៖ លីនី